影片
港铁深水埗站 A2 出口, 步行约3分钟
继续阅读
电话号码
23368822
营业时间
今日营业
10:00 - 21:00
星期一至五
11:00 - 21:00
星期六
10:00 - 21:00
星期日
09:00 - 21:00
以上资料只供参考，请与餐厅确认详情
出到黎深水埗，就会见到好多唔同风味嘅特色小店可以拣，最后同朋友决定黎呢到食下平时冇乜食开嘅印尼菜，叫左印尼海鲜炒米粉($79)、招牌椰浆饭($79)、沙嗲鸡肉三串($59)、马拉栈通菜($59)、牛骨牛丸汤($69)、冻咖啡($18)、牛油果沙冰($39)内里环境简约，都几光鲜企理😄印尼海鲜炒米粉：一上枱已经闻到香料炒香嘅味道，米粉唔会太湿亦唔干巴巴，配料有虾、鱿鱼、煎蛋、蔬菜、虾片等，啖啖都食到料。炒得够镬气，仲有微微辣劲几惹味😋招牌椰浆饭：呢个绝对系招牌之选！椰浆饭以尖塔造型呈现，卖相已经够吸引😍香浓椰浆饭配埋青瓜、蛋同辣酱、椰浆鸡肉、牛肉、豆腐、豆角萝卜等，仲有大大件炸鸡髀，份量十足相当抵食🤤辣酱可以话系灵魂之一，带少少甜辣，搽落饭度一齐食真系邪恶到冇得输沙嗲鸡肉三串：鸡肉烧到啱啱好，外焦内嫩，配埋花生沙嗲酱好香浓，仲有阵微辣，浓味得嚟又唔会盖过鸡肉本身嘅肉味😉马拉栈通菜：通菜炒得好爽口，栈酱咸香重口味，每条菜都挂住酱汁，送饭一流😎牛骨牛丸汤：叫之前仲以为系肉丸汤，点知原来仲有面底喺里面，汤底清香中带少少胡椒味，骨棒大大件，原来系以牛肉浆包围整成，几特别，牛丸弹牙带肉汁😁大合照🥰 冻咖啡：咖啡香浓滑口，饮完即刻醒晒！平时钟意食辣嘢但唔够凉饮，呢杯可以帮你 balance 番个味😄牛油果沙冰：牛油果沙冰好足料，饮落去够滑够浓，仲有啲炼奶同朱古力酱甜味，食完咸嘢嚟杯呢个真系 perfect ending😉呢到仲要免加一，价钱经济抵食，份量足、味道香浓，D野食仲要做得够地道，味道好有印尼街边店嘅 feel。下次想食啲唔同style，就一定要黎帮衬下👍🏻补MENU
继续阅读
我可能系极少数去过印尼🇮🇩好多次嘅香港人，我去过 Jakarta 好多次系 Business Trips 亦都去过 Bali 同 Denpasar 等地方旅游🧳同潜水🤿🤣，不嬲我都话印尼菜🇮🇩好食尤其系印尼🇮🇩工作伙伴带我去食嘅印尼菜真系好 yummy😋，对印尼菜嘅印象一直都好好🤩，不过我就唔识得分系唔系正宗，但系我识得分好唔好食🤣呢间餐厅嘅印尼🇮🇩员工姐姐服务亦都好好👍$60 巴东牛肉饭 Nasi Rendang：Rendang 据说发源于 印尼🇮🇩嘅 西苏门答腊几乎可以讲系印尼🇮🇩嘅 National Dish，一路发展落嚟连 新加坡🇸🇬、马来西亚🇲🇾、汶莱🇧🇳 等国家都非常流行🤣；呢度嘅 Rendang 味道浓郁有辣椒姜黄咖喱香草椰奶等等 blend 埋一齐错综复杂得嚟又互相配合嘅味道亦都够辣，牛肉咁样煮法非常好味牛肉有少少咬头🤣$99 烧䲝鱼饭Nasi Ikan Bawal Bakar：净系想试吓印尼式🇮🇩烧䲝鱼所以叫咗走饭🤣，䲝鱼唔知搽咗啲乜嘢印尼🇮🇩酱汁然后先烧，烧到外皮脆脆哋，鱼肉细滑，有非常特别嘅酱汁香味，估计系落咗好多我唔熟悉嘅印尼🇮🇩 spices 落去先烧🤣，总之就系好味🤣$70 喇沙海鲜面 Mie Laksa Seafood ：喇沙据说起源于马来西亚🇲🇾马六甲，由华侨后裔即系娘惹首先煮成喇沙，慢慢发展到东南亚各地包括 新加坡、槟城、棉兰、马六甲、椰加达 等地 都有自己嘅版本，味道材料各有不同🤩；呢间印尼🇮🇩餐厅嘅喇沙 咖喱同香料味偏重，中度浓郁，好味🤩；海鲜就有 虾仁、连壳鲜虾、鱿鱼，其他配料包括蕃茄、豆腐干，材料都几丰富，整体好味道🤩$59 沙嗲鸡肉三串 Sate Ayam 3 Tusuk：鸡肉肉质非常软熟，沙嗲酱甜甜哋少少辣，味道好浓郁🤩$63蒜蓉炒芥兰菜 Sayur Kai Lan Cha Bawang Putih：芥兰菜新鲜爽脆，大大条几粗壮，用蒜蓉炒简单好食🤩$39 椰青：大大只好清甜🤩
继续阅读
今晚，我同朋友到位于深水埗基隆街嘅Restoran Indonesia Pondok Kita食晚餐。餐厅环境好舒服，墙上挂住印尼风格嘅装饰，好有气氛。首先，我哋点咗一碗梳多鸡汤，汤底清甜，鸡肉嫩滑，真系令人暖心。接住，我哋试咗印尼虾片，脆脆口感配上特制酱汁，食到我哋唔停手。主菜方面，我哋点咗炸仓鱼饭。鱼肉炸得金黄酥脆，配上香喷喷嘅白饭，实在无法抗拒！而烧仓鱼椰浆饭就更加出色，椰浆香浓，饭粒吸收咗味道，真系一流。最后，我哋仲加咗芽菜豆腐作为清新小菜，口感鲜嫩，仲有牛油果沙冰2杯，甜甜滑滑，完美结束今晚嘅美食之旅。今次用餐经历非常愉快，强烈推介大家嚟试下呢间餐厅！
继续阅读
今日朋友选了一间位于深水埗的印尼菜馆食晚饭，正宗的印尼菜很受印尼姐姐欢迎，但也有很多香港人帮衬。《沙爹牛肉三串》$59《沙爹羊肉三串》$69串烧外表需然一样，但一口咬落就分得出是牛肉还是羊肉，腌得很入味香口，点些自家制的酱汁更惹味。《印尼特色炒米粉》$69炒米粉附上脆卜卜的印尼虾片，一上枱已比大家抢清光，食完虾片再慢慢食米粉，米粉材料丰富，炒得很香。《牛尾汤饭》$60牛尾煮得很腍很入味，加了蕃茄和薯仔，令汤汁更清甜好饮，白饭旁也加了虾片，很有印尼特色。《马拉盏炒通菜》$58通菜幼嫩，加入马拉盏、辣椒和蒜蓉一齐炒，正。《柠檬罗勒子》$29《柑桔青瓜冰》$29《椰青》$39饮品很有印尼特色
继续阅读
一直比较常食嘅都系泰国同越南菜，比较少接触嘅印尼菜估唔到有惊喜。餐厅环境干净简单，坐得都舒服沙嗲串烧(10串) $159 鸡肉+牛肉+羊肉三拼，沙嗲酱浓到挂汁而且个花生味道劲浓，炭火烧少少浓边超级香干炒牛河 $69镬气同茶记食到嘅一样，河粉染满甜酱油，牛肉都多口感嫩滑，有个剪蛋配埋，而且有唔少炸蒜，好香马拉盏通菜 $58 叫左小辣，虾酱+辣椒爆炒成个菜劲香，而且仲系有通菜个种爽脆感斑兰饭 $25绿色嘅斑兰饭劲香，就咁食都觉得好香牛油果沙冰 $39口感几绵密 ，不过印尼口味都遍甜，都唔错解到渴杂锦冰 $39红豆+玉米+珍多冰 +椰果几足料几丰富，入面有唔少甜条同椰果粒，成个口感几正
继续阅读