影片
电话号码
22866618
开饭介绍
Regala环境舒适优雅，提供鸡尾酒、小食、三文治、特色甜品和蛋糕、自助午餐、以及假日下午茶自助餐，让您与三五知己欢度悠闲时刻。
继续阅读
附加资料
无肉餐单详情: 每天供应少量素食菜式
营业时间
今日营业
10:00 - 20:00
星期一至日
10:00 - 20:00
以上资料只供参考，请与餐厅确认详情
招牌菜
相关文章
Nice authentic Indian cuisine perfect for a Friday lunch. Lot of different salad options and 2-3 authentic curries which are on rotation . Highly recommend the chicken tikka which is very good option for those who can not handle too much spiceThe environment is very spacious and not noisy which means perfect for catch up or business lunches Also to top off the lunch there is self serve movenpik ice cream and tea coffee
继续阅读
去机场酒店食tea，纯粹因为有赠券。以为送得俾你食梗系唔慌多嘢食，点知咁笋系成个English Tea Set，上枱𠮶下真系哗咗出嚟!仲要唔系净系小食同甜品，仲有饱肚嘅松饼同三文治，四点几食到顶住，早知迟一个钟去食当晚餐啦… 大件夹抵食，唔代表好食。松饼水准一般，牛油味唔重，胜在牛油果占糖浆样样有，仲要有两件，点搽都得，可惜唔系暖嘅。其他食物同样味道普通，应热嘅摊凉咗应冻嘅又摊暖咗。甜品合格但属一般货色，份量相比三文治同松饼系偏少，食tea多啲甜品同小食开心啲嘛!雪糕其实好好味，草莓味浓，酸甜适中，可惜上枱时已经溶咗一半。 去开机场，想hea吓食tea又食得饱，呢度都可以谂吓。不过质素就唔好有太高期望，只系一般餐厅货色，唔似其他高级酒店出品咁精致啰。
继续阅读
今日同朋友黎食tea 因为有得平 可以$138两个人 原价要$338咖啡先到 望住个机场景真系一流其实杯咖啡同平时饮果d无咩分别tea set 一到就最上层系炖egg 蕃茄包 同三文鱼青瓜卷三文鱼果个好好食 d青瓜好新鲜同爽口 而且中间配一块烟三文鱼实在系味道好夹中问系芒果cake 芝士cake 同三文治个芝士cake外型令 而且够浓 好味最底果层系松饼同jam 每人四个好食松软 不过一人食两个真系会好饱雪糕终于出场 好明显系士多啤利味 不过溶得好快下次有机会一定要再食 实在是太好味！
继续阅读
初初一听到机场酒店餐厅，感觉太远不太想去。言而，只要你是坐地下铁到东涌之后转巴士S1。都不是太远的，感觉可以接受。而且酒店好近机场，上机或落机去食buffet都感觉方便。富豪机场酒店的Regala Cafe & Dessert Bar 以白色为主，装修简朴，墙上用了一些彩色的装饰品，令餐厅多了一点新气。餐厅是以自助式服务，食物选择都算多，款式有中、西、日、意、泰、印为主，例如中式蒸鱼、红豆沙、干炒牛河，西式羊扒、牛扒、焗薯及迷你鹅肝包，日式寿司、刺身及冷面，意式乳猪、PIZZA，泰式串烧、烧虾、冻虾和咖哩，印式咖哩及薄餐，还有一些沙律菜、冷盘(小龙虾、螺、青口)、甜品(雪糕、PANCAKE)、面包等等。前菜方面，我比较喜爱什菌蘑菇，可能是因为自己在家中不懂得烹调。它的什菌蘑菇都有用沙律油但味道不算油而且滑而爽口。热食的菜不多，所以我都选择吃了不少沙律。寿司、冷盘海鲜、刺身及冷面方面，味道和质量一般，不要期望太多。主菜方面，肉食为主，我印象中比较特别的食品是迷你鹅肝包和意式乳猪，因为不是很多地方有得食。迷你鹅肝包的卖相都好可爱，而且包软硬及温度刚刚好，份量可以做少一点，鹅肝多、味道也不浓。意式乳猪方面，我就唔太懂得欣赏，因为它中间的肉饼太油腻，而且味道中式法有点失望。我个人比较爱吃它的羊扒，生熟度比较熟，但刚刚离骨，口感有点干但可以接受。甜品方面，我喜爱它的自助PANCAKE，简单易明，而且软厚适中，份量又不太大，与雪糕一起进食，感觉刚刚好。雪糕方面有好多种味道，爱甜品的朋友大家可以试多一点，而我个人比较爱吃咖啡雪糕，而朋友就较爱吃朱古力。朋友都有提及过CHESSE CAKE好食，但各人有各人口味。饮品方面，有咖啡(Latte, Espresso, etc.)、柠檬茶、水、果汁等等。生果就有菠萝、西瓜、密瓜等等。我在餐厅当晚虽不是满坐，但都有7成人。整体感觉不错，环境不错可以是一个聊天的好地方，食物方面不能有高要求，因为它们有很多进步空间。而服务生方面，他们都主动为你服务，但有点人手不足。但由于dinner buffet是由18:00开始至22:00，没有分其他时段，因此早入去会比较好。
继续阅读
同机场富豪酒店真系有啲缘份，早前嚟过佢嘅艺廊咖啡室食自助晚餐，𠮶餐食咗唔少嘢，感觉几畅怀；估唔到咁快又再入嚟食多餐，不过就唔系艺廊啦，而系晌2/F嘅Regala Café，叹下午茶啫。咁远入到嚟，只为食个下午茶？唔系无聊，只因无料，因为喜获4张下午茶自助餐券，就拉埋表哥表嫂，仲有表姪女一齐入去食。一行四人，先约晌东涌东荟城等，再搭酒店免费穿梭巴士入去。表哥表嫂仲话难得入嚟东涌，专灯早啲可以行吓东荟城，而且，见Regala Café旁边有个通道口，原来系条冷气天桥直驳去机场一号客运大楼嘅到埗大堂，步行都系5min-10min，所以食完之后，拣搭迟一两个班次嘅穿梭巴士出返东涌，带个细路参观吓机场。因为表姪女都未搭过飞机，从来都未嚟过机场，无法啦，佢咁唔听话，读书又心散，去远啲嘅旅行，表嫂话等佢乖啲，考得好啲先再讲㖞。下午茶自助餐由3:00pm开始，去到5:30pm，成人$118，小童$98，收加一，比起市区啲下午茶自助餐，大概平二到四乘，仲要有信用卡折扣优惠，经常都见富豪系嘅酒店推出唔少信用卡折扣，长期都有。不过咁，虽然平，但食物嘅选择同质素，跟个价钱又成正比，晌依度确系好少嘢拣，绝对可以试匀晒所有嘢，而质素亦平平无奇，无甚惊喜。第一转开开胃先，所以，理所当然就系沙律打头阵。沙律吧选择少，得几款，先嚟一碟红生菜、九芽菜、粟米粒、车厘茄，加啲油醋汁，伴一件细细件嘅火腿生菜芝士法包三文治。沙律菜几清爽，咬落索索声，油醋汁酸酸咪，叫醒吓个胃，而个法包唔差，外皮松脆，包人软熟。第二转都系再想食多少少沙律，只拣九芽菜搭紫椰菜，淋上法汁，再加埋哈蜜瓜，菠萝，提子，啲生果料系晌朱古力喷泉𠮶边拎。食咗两份沙律，真系够晒「开胃」喇！第三转尽试所有热盘食物，包括小笼包、迷你薄饼、什锦炒乌冬、烟肉肠仔卷、宝云酥焗青口、炸鸡宝、羊肉车厘茄串。中式点心仲有烧卖，不过见卖相麻麻，所以无试。咁多样嘢，稍为个羊肉车厘茄串同个宝云酥焗青口见得吓人，其他都系好普通嘢。咁个羊肉串又真系几好食，肉味浓少少膻，肉质柔嫩，车厘茄嘅清爽又平衡番羊肉嘅浓香。而个焗青口以大量面包糠同焗，加添香脆口感。第四转除咗件法包三文治，再试埋啲手指三文治，一共有两款：芝士火腿同吞拿鱼，吞拿鱼调校得比较干身。反而烘焗嘅猪肉卷同咖喱菜批唔错㖞，两者嘅酥皮都做得香脆，咖喱香得嚟带少少辣，细细件咁，轻易一件接一件呀！第五转去到依刻，都系甜点时间，餐厅正中间嘅圆枱就摆放咗近10款甜品，先试其中7款，包括：杯装面包布甸、香蕉蛋糕、果挞、鲜果忌廉蛋糕、香梨慕丝饼、特浓朱古力蛋糕、咖啡蛋糕。睇名你都知有啲都系大路货式，不过，其中嘅面包布甸、香蕉蛋糕、香梨慕丝饼、特浓朱古力蛋糕做得颇出色，尤其后两者，香梨慕丝饼很浓梨味，而且颇为清甜；特浓朱古力蛋糕就软滑味浓，质感幼软。第六转除面包布甸，以小杯形式嘅仲有士多啤梨布甸同云呢拿奶冻，士多啤梨布甸味道比较甜，反而奶冻好食啲，口感好柔滑，上面仲加多一小件马卡龙，令人更讨好。第七转甜品时间仲未完，梗系要叹番件即做班戟啦，班戟皮做得既薄又柔软，可惜系生果配料选择少，只得水蜜桃同芒果，干配料亦都只系得粟米片同朱古力脆米。不过件班戟都好好食，除因为系新鲜制作之外，加多一球朱古力低脂意大利雪糕，淋埋朱古力酱汁，一冻一热，冰火嘅口感，大呼过瘾啦。最后一转食咗几转甜品都系仲未止咳，硬系想试埋佢另一款低脂雪糕先想收手，咁好事成双，就朱古力、士多啤梨各一球，再淋啲士多啤梨糖浆，又加啲粟米脆片。虽然雪糕无标明咩品牌，只知系低脂意大利雪糕，但确实口感几软滑。食物方面稍为逊色，但系就好欣赏嘅系佢个场，一上到2/F，感觉豁然开朗，地方够大，楼底又几十呎高，环境好开扬。由于餐厅系Café形式，全场都系矮矮嘅梳化凳，配大大张长形茶几，梳化凳好坐又好挨，又唔似Pacific Coffee𠮶啲咁大张，令人坐得几舒服，只系食嘢有啲唔方便。虽然环境正，但系可能酒店人流少，餐厅客又少，所以好唔够冷气，奇景就系晌一啲角落位摆放咗好几部吹风机，等啲空气更流通，令人觉得无咁翳焗。除咗环境系卖点，服务都唔错，可能源于客少，加上又系酒店，所以，服务都比较妥贴，斟茶递水都系快手快脚，态度有礼。
继续阅读