影片
以上资料只供参考，请与餐厅确认详情
六合街未必及得上大有街一带咁多食肆拣，除咗间贝xx 酒店，隔离有间都开咗好耐嘅红彤彤餐厅都几拣得落手！呢间餐厅平日懒猪时间多数迫爆，虽然话多咗人外卖唧，但亦多番人系堂食，所以我拣星期六，仲要系十一点半（迟左一分钟啱啱过咗早餐时间）去吔。忘记咗影低餐牌，佢系设定左每日不同午餐喺个menu度，比较有兴致去追加啲小食，尤其薯条，有薯味又唔马虎都要淋啲芝士肉酱喺面都只系十蚊。明知佢啲炒蛋几香滑，所以成日都忍唔住蛋包饭，拼板煎鸡扒，最好又有火箭菜、紫椰菜、车厘茄沙律伴碟，好颜色控又均衡营养。比较惊喜系个「蒲烧鳗鱼铁板炒乌冬」，上碟企理好似某胡椒午餐餐厅咁用纸带围住铁板防弹汁，乌冬索哂啲鳗鱼汁，用紫椰菜、粟米炒啲色水好醒神，依家午市五十几蚊堂食再咁嘅质素仲想点吖！
继续阅读
Red Rice 米饭主题餐厅🍙💛 韩式铁板微辣豚肉炒乌冬🍜($68 连饮品) 7/10完全超出所想嘅味道，用铁板上保持热辣辣出哂烟已经好吸引🔥。味道系BB辣，有少少偏咸，加埋铁板嘅少少㶶味，几惹味🌶豚肉唔老，而且好入味，个乌冬都值得一赞，唔系cheap cheap乌冬，而系烟韧较淋身嘅乌冬，入味得黎又唔会太软，仲keep到有咬口，对得住个价钱💰蒲烧鳗鱼伴滑蛋盖饭 🍚 ($58 连饮品）4.5/10呢个价钱有成半条鳗鱼同滑蛋，成个卖相真系超过预期。首先赞下只蛋🥚炒得好滑，个饭都软熟，但鳗鱼汁加卡夫酱就有少少偏甜，而最大问题系条鳗鱼都几腥🤢，加上煮到好软烂，冇哂口感，好彩唔多骨，只能说呢个价位可以理解。葱油阿土煎蛋饼🍳（$18) 4/10虽然上枱仲系热辣辣，但都系弥补唔到佢嘅先天不足。外皮尚算软糯，但真系好油腻，而且蛋同葱味完全唔香，只系靠最上层嘅章鱼烧酱调味，感觉自己食咗成口粉🥴Extra comment: •餐牌上面仲有好多有趣嘅item，例如台式面、石头锅饭、鸡煲等🍲•环境都算阔落，但见到有小昆虫系枱面，扣分😐
继续阅读
依间茶记嘅选择都几多下，里面成间嘅装修到以红色为主🏮一入到去坐低睇餐牌嘅时候佢啲款式多到都几选择困难症🤣🤣🤣佢有好多中式或者系西式野可以拣我觉得佢最好嘅系午市时都有得俾你拣轻食如果有d人可能唔想食太多又唔想食饭嘅可以拣𠮶啲牛角包🥐拼沙津 今次我就拣咗个葱油鸡扒三蛋饭，见到佢餐牌上推荐呢个饭所以就谂住试吓！而我朋友就试咗咖喱牛腩饭首先讲吓个葱油三蛋饭先，佢𠮶三只鸡蛋捞埋落啲饭到好好食，而且佢鸡扒好入味如果咖喱牛腩饭朋友话唔辣，同埋都好好食啱晒啲想食咖喱又唔想要辣嘅人！🙌🏻
继续阅读
今日去左新蒲岗六合街食呢间红米，入面选择颇多，焗饭、中餐、西餐、酸菜鱼、东南亚食物样样齐，满足哂所有愿望。我拣左个茄汁鸡扒蛋包盖饭，佢个滑蛋非常丝滑多汁，味道都好好，鸡扒脆得黎又香，够哂水准！叫完五分钟又有得拎，好有效率。环境方面，梳花同地板都比较旧，唔够新净，加上系新蒲岗呢啲平民地带，都合理既。
继续阅读
🥡相扑猪扒葱油饭+三眼煎蛋 $51块猪扒大过手板小小，咬落冧身～味道就较为淡口咗啲，加埋个葱油食会比较好，葱油本身啲葱冇炒过，味道就争小小啦。不过胜咗三蛋够吸引，都惊得几靓，补救返啦～另外朋友嗌左自家叉烧葱油饭，不过就全部都系瘦叉，真系唔多好彩啦～🥡白汁海鲜芝士焗饭拼吉列炸虾 $51份量都好大个下，大过平日嘅焗猪，男士都一定够饱呀，味道都系比较淡啲，都算ok 啦～🥡烟三文鱼伴蟹棒田园沙律 $44清新之选，40几蚊唔会得一两啖，食晒都好够饱架～减肥就岩啦
继续阅读