影片
以上资料只供参考，请与餐厅确认详情
出咗大围火车站是但入咗一间茶餐厅食下午茶，估唔到有惊喜，就系下午茶竟然有健康嘅选择，超正。讲紧嘅就系呢一个慢煮鸡胸和风沙律，佢个沙律汁系柚子醋同埋芝麻酱两款一齐落晒，个慢煮鸡胸又真系几滑几嫩，啲沙律菜虽然硬身啲，不过都新鲜嘅。另一个下午茶就叫咗台式芋泥肉松手抓饼，手抓饼咁样卷起印象中都好似系第一次食，芋泥嘅味道又唔系好出，卷实咗之后肉松又唔系好松，不过味道都ok嘅，系唔似食紧手抓饼啰。杯咖啡味道都ok。
继续阅读
本身谂住食王牌叉烧𠮶间，见依间反而唔洗排队，lunch又有猪肋骨食最后，叫咗猪颈肉炒河，成$80因为怕佢啲猪肋骨唔够厚肉，怕蚀底😅虽然可以加餐饮，但水畀得半杯仲听到D伙记争执；话客人大细超落单唔够效率，剩系一人叫一个午餐+冻0T都要覆单n次对住熟客就超级殷勤，对生面口就求其是但，冇唛礼貌系咁问隔离位女士要唔要坐个「靓位」，问到人哋都觉得烦派饮品又唔知自己要送去边枱，系咁问餐点已到齐嘅：杯野饮边个架？食物唔错，但服务质素待改善
继续阅读
每逢Weekend 我都会同朋友或者家人去red house 食早餐.员工服务态度一般般，不过不失.但不得不讲下位收银位呀姐，见亲佢都系呼喝式讲野，仲always 黑面，好似争佢钱咁.今日同朋友去食早餐，需要人齐先入得，朋友未到就只好系门口等等.等朋友到果阵咁岩有个人入，收银呀姐叫人带左人地入去先，话我未人齐. 同时我就话齐左人，佢语气唔系咁好+眼啤啤咁对我讲 ‘ 咁你坐罗’ 其实做街方生意，又冇人刁难你.咩事要受你气，希望可以改善下.
继续阅读
炒饭份量非常大碟，相信大胃人士也能吃得饱。饭炒得十分干身但未算有镬气，香料味适中，未会过浓太抢味。海鲜方面有鱿鱼、带子和虾，份量不算多但每样都大大粒，质素算茶记正常发挥。其他配料有椰菜、肉松和腰果，为整碟饭带来更多口感。炒河表现反而较好。份量方面同样大大碟，河粉质感实净有弹性，而且每条都大大块，不会碎湿湿，炒得干身有镬气，同时不会过油。猪颈肉虽然切得较薄但仍算爽口，而且份量颇多，芥兰亦够新鲜爽脆，整体配合得很好。
继续阅读
呢间装修比较好少少嘅茶记，菜式类型和相片都算几吸引，所以冇睇食评就决定一试， 点知就中伏了🥲🚫香煎美国牛小排牛小排有三件，叫咗七成熟，但系嚟到差唔多全熟。我都知呢间系茶记，唔可以要求太高，但系块扒没有牛味，亦没有牛油香，质地还有点柴，我喺HKTVmall买嚟自己煎都好食过佢。伴碟嘅炸薯仔粒外皮淋晒，菇亦淡而无味。唯一可取之处，就是份量与价钱成正比。🚫美国封门柳封门柳叫咗五成熟，呢块火候控制得唔错，真系做到五成熟。封门柳的肉味比牛小排突出，但仍未能谈得上好味。配菜方面有薯蓉、炒菇、大蕃茄。如果可以让顾客弹性选择配菜，如意粉或薯菜，会更好。👌🏻脆薯条伴黑松露酱成餐最好味嘅就系薯条！个名改得冇错，真系脆口，又热辣辣。Around $50有呢个份量，十分公道。黑松露酱应该都系来货嘢，好好味。两个人食咗四百几蚊，认真唔抵。下次会去返十步之隔既「红茶」，性价比高几班😟
继续阅读