影片
食家推介
最近发现有一种叫做共享厨房嘅餐厅，今次试呢间系主打星加波美食。Menu简单清晰，我就选咗2款串烧同同事一齐食。落完单就直接跟我预约嘅时间取餐，搭lift上到去，原来系厨房嚟，感觉好新奇😅星加波牛肉沙爹便当$98星加波西班牙黑毛猪沙爹便当$98首先个便当都几大个，唔知以为叫左「到会」😂一打开见到色彩缤纷，有两款沙律、串烧仲有个炒饭，热辣辣香喷喷。个沙律睇落普普通通，有生菜同南瓜，我最钟意个汁，加左小小黑椒，酸中带点辣，又几好食㖞，另外个配菜，个颜色系粉红色，有啲奇奇怪怪，因为系红菜头呀！估唔到红菜头+薯仔沙律可以咁夹同好食！讲番个串烧，一共有四串，每串都劲大串又厚肉，又多沙爹酱，真系净系食串烧都饱。牛肉烧得啱啱好，入口又唔会太韧。黑毛猪烧得微焦，好香口。呢度除咗可以用外卖平台，仲可以用 *Whatsapp落单预约取餐时间 ，去到就有得拿外卖，好方便⭐️
继续阅读
R&Y's International Cuisine @Freshlane (乐基商业中心) (上环)📍上环德辅道西103号乐基商业中心1-2楼Freshlane KITCHEN 27-最近发现咗有好多新兴餐厅都会用共享厨房，而呢间主打星加坡风味外卖串烧采用左家传沙嗲秘方，由大美督开到出嚟上环，小店一定要支持下嘅🫶-📱📲最方便嘅系佢可以用WhatsApp落单，直接方便唔使等！一去到就可以自取👍🏻👍🏻 买外卖最紧要快！-餐厅menu选项清晰简单，因为佢哋非常之专注做串烧！所以我哋今次叫咗两个$98便当，一份半打串烧$128，同埋一个田园沙律$68，仲加$8有一支饮品。足够4 个女仔食🤭 -🍱便当配有炒饭、沙律、杂菜👍🏻👍🏻沙嗲串烧分别有西班牙黑毛猪，牛肉同鸡肉！3款肉都系用咗同一只家传秘方嘅沙嗲，沙嗲酱非常之惹味，花生酱味浓！值得一赞系佢哋嘅鸡肉烧得极之嫩滑多汁，出色！-田园沙律丰富蔬菜种类多，包括红菜头、南瓜、木瓜、车厘茄、薯仔、青瓜… 配合沙律酱酸酸甜甜好开胃❤️❤️ 有诚意用心做嘅小店，住附近嗌外卖嘅话值得一试！
继续阅读
Lunch 揾好西食，无意发现左上环有间新开嘅串烧外卖店，一于试吓！ 外卖除咗用外卖平台，仲可以透过Whatsapp 落单，仲直接仲方便。自取点在上环德辅道西乐基商业中心 Fresh Lane，离远已经见到都好易揾。我哋3个人叫左1个Salad，2个便当同1个串烧 share一齐食。🥗田园沙律 $68沙律好丰富，除左沙律菜仲有焦糖南瓜，红酒醋腌红菜头，薯仔，木瓜及三色豆，捞埋沙律酱系不错。🍱星加坡沙嗲便当 （鸡肉及牛肉） $98叫左两个便当，1鸡1牛，个沙爹汁真系超好食，味道浓郁，甜甜地唔辣，果然系家族秘制星洲沙嗲风味👍🏻 再捞埋啲炒饭仲好味🤤如果炒饭份量可以再多啲就好了😜鸡肉做得好软淋，肉质鲜嫩。牛肉亦都好淋唔会干。每个便当有4大串串烧，每串串烧嘅份量其实都唔少。另外便当仲有少量沙律菜，整个便当都几均衡。🍢🍡星加坡西班牙黑毛猪沙嗲串烧（半打）$128同便当嘅分别系多2串串烧但冇左炒饭，沙爹酱汁都系一样。便当要左鸡、牛，所以啲个就试猪。猪系用左西班牙黑毛猪，肉质鲜甜，一样系烧得啱啱好唔会太干。P.S. 加$5 有罐装饮品 或加$8 要支装茶总结：家族秘制星洲沙嗲非常出色，鸡牛猪当中鸡串烧最好食，推荐便当因为有炒饭，与秘制沙嗲酱一起食非常满足。不过炒饭份量唔算多，大胃王要注意可能唔够饱😆
继续阅读
🥚蛋美对串烧肉真系情有独钟啲🤭.呢间位于上环嘅外卖店系有日openrice弹出嚟先识佢😹😹讲真间野几难揾🥹我搭䢂上完去人地厨房落翻去再行翻楼梯上去🥹不过我觉得呢间野其实得意在佢嘅贩卖机自取取餐方法😛不过食落又系点呢？.1️⃣星加坡鸡肉沙嗲便当、星加坡杂锦沙嗲便当（💰$98@1）🤍呢个一望CP值真系几唔错🙏🏻几有心颜色七彩缤纷🫶🏻营养都几均匀✨我几钟意佢嘅沙嗲串🥰有四大串啖啖肉配上满满嘅沙嗲酱超惹味‼️🥺将四串劲厚肉嘅串烧食晒真系超爽🤩✨🤍配菜有焦糖烧南瓜田园沙律四吋式红葱酱杂菜炒饭😛沙律就还好🙈味道正常发挥但系唔会话好新鲜🤔反而炒饭几够味几有新加坡风味🫶🏻而第三个配菜系沙律薯仔配红菜头❣️个人系几钟意呢个配搭✨够营养之余个味道酸酸甜甜咁🥰.📍 R&Y's International Cuisine @Freshlane (乐基商业中心) (上环)上环德辅道西103号乐基商业中心1-2楼Freshlane KITCHEN 27🤍.#蛋美在上环 #香港美食 #上环美食 #港岛美食 #蛋美吃新加坡菜 #蛋美吃串烧 #新加坡美食 #星加坡 #泰式 #沙嗲 #川烧 #和牛 #烤鸡 #沙嗲串烧 #沙律 #红菜头 #南瓜 #流心蛋 #烤牛 #紫菜 #黑毛猪 #鸡柳 #牛柳 #便当 #泰式咖喱 #泰式便当 #营养餐 #营养便当 #外卖 #蛋美吃外卖
继续阅读
今次我哋嘅外卖以whatsapp落单非常方便👍，当然一般嘅外卖平台都可以落单，Freshlane提取点取餐亦都非常便利，今次叫左两盒沙嗲便当👇🍱星加坡西班牙黑毛猪沙嗲便当＄98用上西班牙黑毛猪，有四串黑毛猪沙嗲，一人份量非常足够，食落有赵头，微微焦㶶，好惹味🍱星加坡杂锦沙嗲便当＄98杂锦沙嗲同样有四串，有猪肉、鸡肉及牛肉，猪肉有赵头；牛肉唔会好淋之余亦有口感，浓香嘅沙嗲味唔会掩盖到牛肉嘅本味；鸡肉唔会嚡身，通常鸡肉会比较淡身，但系呢度鸡肉做左个底味都几浓厚，配埋沙嗲酱食…嘢味😋两盒便当里面同样有炒饭🍚及两款沙律🥗🥗🍚香葱杂豆鸡蛋炒饭粒粒爽口分明，炒得唔油腻，味道适中，浓香串烧配炒饭非常合拍🥗薯仔沙律内有红菜头、红腰豆、三角豆及洋葱，选料新鲜🥗生菜沙律上有豆苗、萝卜丝、木瓜、南瓜、青瓜及车厘茄，沙律汁酸酸地清爽醒胃，所以食咁香浓嘅沙嗲都唔会觉得好腻食一口沙嗲串，扒一啖炒饭，再配以沙律，成个便当都好平衡😆鱼坚总评性价比 4👍(以5👍为满分)
继续阅读