影片
电话号码
35471991
营业时间
今日营业
11:30 - 23:00
星期一至日
11:30 - 23:00
公众假期
11:30 - 23:00
*截单时间: 22:30
以上资料只供参考，请与餐厅确认详情
食家推介
相关文章
去开香港仔就想试下呢间一人烧肉。下午茶时段一个人唔使等位。一入座店员就俾左个新gen嘅QR Code, 上面话繁忙时段每人用餐一小时，但我用咗成十分钟先至决定到食每个星期嘅优惠餐（$78），有鸡，猪腩肉，同牛胸肉，包面豉汤，沙律同一碗饭。我第一次食，担心得几片肉，所以追加左个香葱姜渍牛五花（$49）。等左5分钟，个送餐机械人就上左我个餐喇。我急不及待即刻烧左个鸡肉先，因为鸡肉要全熟，之后烧牛胸肉，佢系薄切，中火烧3分钟都已经有7，8成熟。每个位右边都有5支调味料，电动黑椒研磨器，电动海盐研磨器，烧肉酱，辣酱同蒜蓉汁。啲牛本身有少少调味，点椒盐可以食到牛味多啲，蒜蓉汁就可以解腻。之后就食鸡肉，我本身觉得鸡肉应该无乜特别嘅，但估唔到有惊喜㖞，佢啲鸡有调味，而且系鸡脾肉，好滑，好弹牙，加上我烧到有少少焦，又有焦香味，好似平时出去食日式鸡串烧嘅味道同口感，唔使点酱都好好味。之后再烧追左嘅香葱姜渍牛五花，佢同牛胸肉都系薄切的，我包住啲葱花咁烧，但好似唔系好食到葱味，再用啲牛包住啲饭食，都ok嘅。食过3款之后我开始有啲饱，但原来仲有一款猪腩肉未食，因为啲猪真系好多油份，即使厚身过牛肉，但烧完之后都好薄身，唔似韩国嘅烧猪腩，不过好脆口点返啲蒜蓉汁都几好食。食完4盘肉，我已经食唔晒成碗饭。。。。其实净系个星期一特惠餐有3盘肉已经够一个人食，我以为每款得几块先追加，最后食唔晒所有野，觉得自己好浪费整体来讲，80蚊唔使就有3款肉食，仲要味道，质素唔差，抵玩
继续阅读
呢间RUD餐厅，真系有料到！荷里活呢头有间RUD餐厅，成日都见到好多人出入，今日终于有机会入去试下。餐厅外观唔算好夸张，但入面装修真系好有特色。一入门，就见到色彩缤纷嘅涂鸦墙，充满潮流感，座位阔落又舒服，暖调嘅灯光令成个环境好有氛围，好啱同朋友一齐嚟食饭倾偈。今次叫咗牛肋条同牛小排两个套餐，埋单大约300蚊。先讲牛肋条，呢个部位嘅肉好正，带筋又有肉，脂肪分布均匀，喺业界呢啲叫做「大理石花纹」，呢种纹路嘅肉质，烧烤之后口感特别丰富。烤完之后，外层微微焦香，入面嘅肉软嫩多汁，咬落去啲筋位又有弹性，肉香四溢，搭配佢哋嘅特制酱料，味道层次更丰富。牛小排亦都唔输蚀，雪花纹路超靓，脂肪同瘦肉完美融合。烧熟之后，入口即化，肉质细嫩到唔使点咬就滑入喉咙，牛肉嘅鲜甜喺口腔中爆发，真系好满足。套餐入面嘅海苔牛肉饭都好有特色，海苔碎嘅咸香、生鸡蛋嘅滑溜同白饭混合，口感独特。蔬菜沙律酸酸甜甜，好解腻，平衡咗牛肉嘅油腻感。同我之前去过一间主打和牛烧肉嘅日式餐厅相比，𠮶间强调牛肉嘅原汁原味，蘸料比较清淡；而RUD餐厅嘅牛肉，喺突出本味嘅同时，酱料味道更浓郁，好啱香港人口味。不过，呢度都有啲小瑕疵。餐厅人气太旺，服务员有时照顾唔到，加水同埋换烤网都要叫多两次。而且套餐搭配嘅饮品选择唔多，唔能够完全满足我呢啲饮品爱好者。其实我一直都好钟意食牛肉，细个时阿爸阿妈成日带我去食牛肉餐，𠮶啲温暖嘅回忆一直留喺我心入面。RUD餐厅嘅牛肉套餐，虽然有啲小问题，但味道真系唔错，又勾起咗我好多美好嘅回忆。希望下次嚟呢度，可以有更好嘅体验，服务可以更周到，饮品选择可以更多样啦！
继续阅读
今日趁午饭时间来到香港仔食饭，香港仔中心都几多野食，行左一圈终于揾到烧肉，原因系见佢装修吾错，而且环境大吾伯坐到好迫。坐低用手机扫code叫左300g既牛肉，叫之前都觉得吾够食，来到份量都几多，有3碟每碟有7块左右，价钱$98，包左饭，沙律同面豉汤，黎到每个人一个炉自助烧，食几多烧几多，生熟程度任由自己决定，我同同行朋友都赞，另外有烧肉酱，檬檬汁，盐，黑椒粉供客人自己调配，虽然有限时60分钟要离场，但一般无客人都吾会催你走。呢间烧肉店都多分店，下次会再帮亲佢。
继续阅读
假日同朋友突然间好想食烧肉，见到呢间嘢几有特色有烧肉定食！价钱又唔系好贵，即刻试吓。 正值今日系星期二，香葱姜汁牛五花做紧优惠，呢个肉本身已经腌咗，所以烧起上嚟非常惹味，啖啖肉汁好Juicy。另外亦都叫咗个鸡豚之盛盒，鸡肉好出色，只要烧果时自己控制岩个熟度，就可以烧到鸡肉非常多汁又鲜嫩。豚肉就正正常常不过不失啦。平民价钱一餐食到鸡牛猪 值得一试！
继续阅读
呢间系我都几钟意食嘅烤肉店，价格亲民，可以用平民价食烤肉。环境正常干净，客人都几多。当时叫左个200g牛胸腹套餐。肉质鲜美，油脂丰富，令人满足。非常推荐放工想用少钱享受下烤肉嘅人去食。
继续阅读