影片
冇乜点写食评，但今日想替呢间餐厅写一个。今晚行过，觉得个menu ok, 打算阵间同个仔来食，个仔迟咗出现，10pm 去到都仲招呼我地，而且服务员态度好好！食物方便都好有质素，$298 一个套餐，有2个starters 加一个汤，主菜肉眼扒整得好好食，肉嫩多汁，连d 配菜都好好食！ 甜品芝士饼正常，餐饮奶茶茶味浓厚回味无穷。一个人食劲丰富，我地2个人再加个risotto 饱晒！ 由于新开仲有8折，埋单唔使$400. 十分抵赞！
继续阅读
系旺角想试新嘢，就求其去一间。我唔系想佢做唔到生意，但系真系平衡黎睇唔系太好食 。晚市成个餐评价比一般还要差 。如果以我角度评论要拣，我会食一间比呢间贵，但系味度一般嘅餐厅 。食物系比我想像中差 。可能有啲调味唔大众化，未必能食得习惯 。可能要你地自己去试下 。我就唔会有第二次 。佢个服务同环境系可以嘅 。不过有机会系我个人嘅问题 。但系我就唔会建议朋友去 。可能午餐会好过晚市嘅我谂 。最唔掂系个洋葱汤饮落去系苦到爆 。唔知系咪啲芝士烧得太㶶，所以先咁苦 。
继续阅读
我星期六约两点经过，见到午餐有沙律，汤，饮品同甜品，价钱都合理所去咗。可能因为时间+楼上铺+开咗没耐，唔多客，店员都冇乜嘢做。店舖装修工业风，播acoustic板流行音乐，有位店员都不时跟着唱。店员都几nice ，因为唔多人所以好快应我，上菜唔使等好耐食物。火龙果沙律几好食，虽然面包有D硬，但浸入椰菜花汤软咗就无所谓。主菜大赞盲𫚧鱼柳配松露薯蓉分量充足，鱼柳皮脆肉厚，酱不太浓，薯蓉软滑，配菜和摆盘都有好有心机。cheesecake好食，唔算大份但食完主菜都够饱。事先讲明，原本餐系148加加一，但老板可能觉得我nice同影食物相，畀八折我。我食紧时候都己经想畀好review，特登开account赞扬，优惠真系唔关事。我真心觉得好值得帮衬，而家经济咁差，咁多好餐厅执笠，不妨支持下。（sorry小妹中文有待改善）
继续阅读
见到新开，谂住唔系咁多人就试下。我中午12点去，加上唔系地铺，的确系无乜人，我钟意佢环境够静。食物方面也不错，挺好味的，尤其是系个龙虾，我叫的是扒烧，很好味，d膏好好味，觉得好抵食，连饮品都是＄200几蚊，正。其他面食，牛肉也不错。也有些贵食的扒类没有试，觉得下次可以试下。
继续阅读
今日去咗食圣诞前夕lunch，见到呢间西餐厅新开张，里面环境都好好，坐得好舒服再睇吓餐牌，原来有八折，午餐都多选择👍今日叫一个慢煮猪鞍，香煎鱼柳 再加一个肉酱意粉❤️午餐仲有饮品沙律汤主菜甜品，真系性价比超高😊慢煮猪鞍午餐-味道合宜，肉质幼嫩，仲有大量配菜，同埋有个实体蒜汁，太好食 连相都无影🤣🤣肉酱意粉-份量唔少，就算男士食都够甜品仲有蛋白奶挞^_^全个午餐真系够晒圣诞感觉 yummy 呢个旺区仲有咁既价格套餐，都算系咁啦
继续阅读