影片
港铁金钟站 E2 出口, 步行约10分钟
继续阅读
开饭介绍
Quayside at Fenwick Pier, Wan Chai is a chic waterfront restaurant. This restaurant is a steakhouse that also serves traditional Bistro dishes. Quayside also has a unique walk-in wine cellar and cigar room for those interested.
继续阅读
营业时间
星期一至六
11:30 - 23:30
星期日
11:00 - 18:00
以上资料只供参考，请与餐厅确认详情
相关文章
Hokobuy团购睇D相好似几不俗，价钱亦唔算好贵(始终金钟区)，买一次带妈咪去食。地点响分域码头，有少少偏僻，但识路的就知经中信大厦过去唔难揾。团购写住要打电话订台，但打极都无人听，唯有响openrice订左先，再remarks返系兑换团购。我地订左6:30PM，可能地点+星期三+太早，入到来得一台情侣坐住，大概7:30PM左右陆续多返2台客 (1台系情侣、1台系朋友聚会)。餐包先上，个牛油几好味，但法包质地原本就太硬，而且个包系冻的，有D失望。餐汤是蘑菇汤，很香浓，食得出有菇蓉!!! 而且加左黑椒，微微辣好醒胃。面头放左几片炒过的香菇，提升左汤的层次，好好饮呀!头盘看上去是几吸引...但食落就发觉芝士、火腿、肠太咸 建议提供几块饼干，或者连一开始俾的餐包一齐食会好D。而家就咁食真系好咸啰...我自己拣左西冷牛扒 (另外$20) 做主菜，叫左7成熟，很好地厨师亦无overcooked，而且牛扒有牛味 (所以都唔驶点旁边果兜碗黑椒汁)。唯一有少少唔满意系牛扒表面㶶左D，配菜款多但份量就略为太少。母亲大人拣左三文鱼。个人认为三文鱼明显比牛扒出色，煎得好香但keep到肉质够嫩， beurre blanc sauce同个鱼味好夹。menu写伴碟的系tabbouleh，但眼见呢pat"饭"似系中东小米，可能平时惯左食沙律先食佢，而家热食有D唔惯，但母亲大人系赞好味的。另外，几惊喜垫底的菠菜好好味!!!甜品系焗baked alaska，卖相一流，但meringue太甜，令到愈食愈觉得漏围购包一人一杯餐饮，可以选择：红酒、白酒、rose wine、prosecco、汽水、咖啡/茶。食西餐就系要慢慢食，食环境，该餐厅可以选择outdoor seating，但其实外面太多植物包围住，坐出面唔见得景观较好，但如果入秋可能凉凉地吹下风会几好。
继续阅读
过年之后忙到而家，终于有一个星期日可以过得好宁静。今日就去咗湾仔码头一间餐厅食半自助早午餐。餐厅环境好宁静，设计好独特，特别喜爱佢𠮶个圆拱形的圆顶，即使外面下著雨都无损我的心情。面包又脆又热。自助餐𠮶部分虽然唔系好多嘢食，不过材料好新鲜，干净卫生，食物摆放有次序。无论系沙律菜还是配搭沙律的材料都系新鲜，沙律酱干净卫生。沙律意粉好味，芝士蕃茄个芝士合我心意，唔会膻；三文鱼我觉得一般，虽然好大块，但感觉好腻；串烧系行货；蕃茄汤的蕃茄好甜， 唔系净水，系有蕃茄蓉；虾肉好弹牙爽甜；水果无论系菠萝、蜜瓜、西瓜都觉得甜，唔会淡口有渣；甜品的款式唔多，只食苹果挞，因放冻左，个饼底过了气，完全唔脆，但系面头的苹果酸甜适中。烟三文鱼班尼迪流心蛋好滑，三文鱼唔会咸，面包软滑。炭烧澳洲肋眼牛扒 牛扒有好强烈的炭烧味，但系肉质唔够嫩，轻微过火。特别赞扬带眼镜中年男侍应，好专业有笑容，同我哋加水，收碟又收得快，喺我哋食完主菜会俾新的叉我哋享用甜品和水果，感觉好贴心。舒服到唔想走，仲想坐多一会儿，可是约咗人，要赶下一场。是次用团购飞，肋眼牛扒加$30，另加一!
继续阅读
想食西餐，就同湾仔返工嘅朋友黎食Quayside 环境唔错，坐得几舒服，我地简左个set dinner，跟餐仲可以叫酒😍🍀法式龙虾汤+新鲜面包好香浓，面包点汤食岩岩好☺️🍀QUAYSIDE 拼盘份量好多，包括杂锦冻肉，腌肉肠，巴玛火腿，法式猪肉冻配以核桃沙律，仲有鸡蛋同芝士，好食👍🏻🍀秘制烧澳洲肉眼扒牛扒外脆，里面都juicy，不过有少少筋薯蓉唔错，个菇同椒炒得好香好食😋🍀经典素菜法式薄饼法式薄饼好食，都几脆！沙律新鲜👍🏻🍀火焰雪山 （2人份）送到上枱之后点火，好岩打卡😍一层厚忌廉入面系雪糕，好好食😋
继续阅读
一年一度嘅万恶情人节又到喇，相信依一日会系好多男朋友苦恼嘅日子，又花又礼物又贵饭都咪话唔伤。我当然都想同男朋友去浪漫庆祝一番啦，所以男朋友就千挑万选左依一间餐厅 ─ Quayside。地理位置黎讲佢唔系好方便，虽然话系湾仔，其实就由金钟地铁站穿政总同中信大厦行过去会比较易揾路，地图上黎讲就系演艺后面嘅分域码头。当晚人少少咁慢慢行过去餐厅，吹少少风咁都几浪漫架。去到餐厅门口，见到个门面都几四正，系有啲湾仔餐厅酒吧嘅感觉，望入去比较暗有啲气氛。餐厅分左3个sections，门口大梳化位，入面正常餐厅位同室外。虽然坐室外都望唔到个维港海景，但系会有少少远处嘅大厦景望到。情人节食指定set都预左架喇，今日依间都唔例外。情人节set有餐包、餐汤、一份大冻肉拼盘、2份主菜同甜品，依间餐厅真系偏西式，系无餐饮架。蘑菇汤好足料，都有足够香味，饮落仲有啲蘑菇蓉，唔会好稀。冻肉拼盘无咩特别，就系好正常嘅冻肉头盘，火腿、莎乐美肠、烟三文鱼、沙律菜同芝士。我同男朋友最钟意系蓝芝士，平时好少食，初初怕会好浓味，不过同啲三文鱼一齐食又几好味㖞😋主菜我地分别叫左海鲜+鱼同Ribeye，鱼同配饭都比较干身，虽然有汁配，但系个汁味道怪怪地，又唔纯粹系忌廉汁嘅味，我自己唔太喜欢。男朋友嘅牛上枱嘅时候靓仔对版，可惜比要求嘅medium 熟，而且多筋，食到后段男友都放弃左喇😫 值得一赞系啲配菜几好食。甜品分别有泡乎同朱古力蛋糕，咁就不过不失啦。最好味系泡乎配嘅云呢嗱雪糕😂Service黎讲，我唔知到底系因为当日情人节爆场所以好忙，还是佢每一份餐都超用心制作，我地每一道菜中间都等半个钟，可能佢原意系好，可以俾情侣慢慢倾计，又唔会赶人交枱，结果我地餐饭由七点几食到十点。😥 本身计划再去周围行下都无晒时间。另外本来男友系book枱时request我份甜品嘅碟边要写「Happy Valentine’s Day 」，餐厅都无左件事。男友难得偶而一次嘅浪漫惊喜咁就无左喇😅
继续阅读
包场前，餐单列明包餐前酒。进餐期间，同事问要点餐前酒，职员话唔包餐前酒。结账后，同事反映，他们话忘记指示同事有餐前酒。牛扒过熟。甜品雪糕上桌前溶了一半。唔能玻璃杯，用大量纸杯。呢间野，无能力做100人场，就唔好接单。。影响自己， 影响客人。
继续阅读