QQ便利店串燒 (已結業)

前幾晚去join女朋友d "斯文飯", 個個飽晒我都未飽，唯有之後即刻去篤返幾串野食醫下肚！一出地鐵我就即刻衝左去呢檔買野食。都做左好多年，大路野，燒得都幾好味既，岩晒d 口痕、麻甩仔食。

路過天后工作，一出地下鐵已經被一家小食店吸引。主打港式串燒，選擇也不少！經過見到也有不少人在等候！點了一串燒墨魚丸（$9)這個價錢是小店內都算平的燒物，如果點肉類就要$14以上了。墨魚丸灑上味粉，很香口惹味，而且很熱的關係，所以保證即點即燒（所以不等到的朋友就不要點，因為也要燒10分鐘...）。熱的串燒會立即加分的，好食！彈牙的墨魚丸是值得等待的。這個價錢都可以接受！

天寒地凍，路過天后。離晚飯還有兩小時，肚子已經有點餓，不想吃太飽，最好能夠有一些小食暖暖胃。首次光顧這間位於天后留仙街的串燒店。坦白說，除了想食燒辣辣的串燒，幫襯的原因是因為它「貴」。一串串燒閒閒地十幾蚊，一般魚蛋也比市價略高。在「一分錢一分貨」的好奇驅使下，決定一試。這間QQ便利店串燒沒有裝修，非常平民，而店員都很親切有禮，值得一讚。最後買了一串燒牛舌，等了差不多五分鐘。　　外觀看來，牛舌大小參差不齊，燒得過火了。幸好沒有燶味，入口夠軟腍，口感尚可。不過調味方面，既非黑椒又非鹽，而是一種微微酸甜的醬汁，吃起來有些怪，不是我的口味。　　初次嘗試，未有留下好或壞的印象，但至少合格。純粹個人不喜歡那個調味汁。不過，以十幾蚊一串來講，就似乎太貴了。

游水前比肥髀食少少嘢，落車見呢間就腳，因為無乜時間，所以叫啲可以即食！一串魚蛋（$8）（唔辣），魚蛋一串6粒，上面有啲蒜粒，因為無咗咖哩味掩蓋，反而食到魚蛋嘅本味，當然唔會全粒只有魚肉（我無咁天真）不過又唔係成粒用粉造，都有啲煙韌彈牙，平時其他檔嘅唔辣魚蛋，會無味道，頂多點下豉油補救下，呢間雖然食唔出魚味，但蒜味魚蛋都幾好食！因為新開，所以餐牌新淨，圖片清晰，個拮魚蛋叔叔都幾細心，見肥髀細個，會問我要唔要加個膠袋，又提肥髀小心熱，幾窩心！

日日收工去搭叮叮經過個陣都覺得好香,咁岩尋晚屋企冇飯開,於是終於有機會可以試下呢間D串燒@@見價錢都有D貴,所以剩係叫左串雞柳同我最愛既蟹子丸當時下午6點左右....都幾多人,等左成15分鐘堅肚餓....唯有吉串魚蛋燒賣食住先D BB FISH BALL.........好細粒lol都成8蚊串...算貴但食落去,比我想象中出奇地有咬口,好彈牙!!!唔似其中魚蛋咁食落成口粉個燒賣就不過不失啦,冇咩特別,但我幾佢鍾意佢個豉油,甜甜地咁食完再過一陣,我d雞同蟹子丸終於出埸喇!!串雞好惹味係沙嗲黎的應該,,正!!又夠juicy唔會乾真真,抵食!至於個蟹子丸,絕對唔係佳寶貨,所以入面好多蟹子~~~~@@!!唔知係有心定無意啦,有少少濃濃地咁,但反而仲香仲好食!第時收工可以買返串一路等叮叮一路食

經過天后見到人流很多, 所以來八卦一下, 原來舊的店搬過來這裡.這裡的串燒選擇很多, 由最普通嘅牛肉雞肉以至雞肝, 雞腎, 魷魚都有.這裡的串燒即叫即燒, 而且放很多汁料也醃過酸甜的汁, 很多汁爽口. 如果用碳爐的話一訂更上一層樓.牛柳錫最好食的, 肉有咬勁又多汁. 雞肉鮮甜汁又甘甜也很好. 雞內臟方面雞肝粉濃好食, 雞腎爽口有汁.魷魚火氣大多汁多肉有時候韌有時候軟. 煙肉金菇煙肉腸多油脂很香好味道. 雞軟骨很爽很脆, 不錯.羊肉也很香很好咬. 牛脷普普通通. 腸粉幾好不過美有什麼特別. 價錢以街邊擋來講稍微貴了一點.