Q Time Cafe

話說今日約咗舊同事食lunch, 有個同事係太古坊返工，佢話呢間食漢堡包幾抵，咁我哋咪一行四人試吓囉😋睇完個餐牌，發覺價錢都唔平，一入到去個環境，好似係親子多啲，有哺乳室，都唔緊要，睇吓個食物質素如何，我哋四個人點咗四個餐，兩個係同事推介嘅漢堡餐$118，再叫兩個set lunch$98（incl salad bar n drink n main course), 喺order嘅時候，個店員話沙律係只可以一個人食，唔可以share，我哋係聽到嘅，跟住我哋啲餐來齊啦，我發現個漢堡其實好細，絆住薯條，有一個湯，同一杯Special drink（Cappuccino/latte)，同一款蛋糕，賣相可以，但味道一般，但價錢ok，跟住再上兩個set lunch，炸蝦忌廉意粉（係熱嘅，但味道都係一般），日式咖喱豬扒飯（中規中矩，但啲飯係腍）跟住諗住同事話佢食唔晒啲沙律，費事嘥，咁我咪夾少少，真係好少夾咗塊菜，加幾粒粟米，跟住個店員就話沙律可以一個人食㗎咋喎，佢話如果要食要加錢$25一位，跟住我覺得我加$25唔係問題，但佢個set lunch包沙律，冇問題，因為好多人都係夾一兜（個碗係佢provide)一個人食根本食唔晒，喺呢個惜食地球（環保），我哋應該珍惜食物，唔應該用價錢去衡量，所以我唔會再來🤔😡…查看更多

Lunch times 周圍都好多人，呢度仲有位所以入去試吓，個lunch menu 係叫一個主菜，拼salad bar 同無限飲品Salad bar 可以揀嘅嘢都唔少，除咗普通沙律菜之外，仲有枝豆，cold cut, 藜麥等等沙律菜同車厘茄都好新鮮嘢飲有3種，桂圓紅棗茶，石榴汁，同埋熱情果汁，味道正常Mid-day breaksfast味道正常，個scone 都ok, 美中不足係唔夠熱…如果係三五知己想搵個地方傾吓偈都OK嘅…查看更多

今日放假，一家人去遠啲！我哋去到港島區鰂魚涌中信大廈👍🏻地理位置唔錯， 鄰近太古地鐵站！因為知道呢度有一間親子友善餐廳！除咗食物適合小朋友，內裏嘅環境設施都好吸引首先，最緊要就係有育嬰室👏👏👏場內有森林嘅場景，場景有一棵好大嘅樹🌳場內還設有兒童及育嬰物品出售🛒最重要係內設遊樂場，可以比小朋友放下電⚡️遊樂場方便比較適合幼兒至初小的小朋友！用餐方面，食物水準亦都OK我哋order嘅漢堡包，裏面嘅肉扒肉質好Juicy裏面餐配有流心蛋😆😆好正👍🏻田園沙律亦都好新鮮！小朋友玩得好開心希望下次有機會再過嚟啦😍📍Q Time Cafe…查看更多

題外話：劣幣驅逐良幣親子餐廳有小朋友玩意有瀡滑梯有家長唔管理子女係自由既表現但係影響到人就失禮（係食客出醜）同店員傾計時知道有客人將管理既責任歸咎於店員而唔係處理於失常既食客其實店舖好有質素份量亦充足值得支持…查看更多

有次經過鰂魚涌係到搵緊食乜好上左openrice見到Qtime cafe呢間親子餐廳 以前對親子餐廳既既有印象都係小朋友 一大班屋企人聚會🤭咁諗住上去試下啦 黑色餐牌果個套餐就係一個價錢包任食沙律同埋一個任飲區域 食左三轉沙律🤣雖然都係基本沙律款式但材料都好新鮮夠食到左個主菜就食左個雞排意粉 詳情個名唔太記得 酸酸甜甜好開胃加埋沙律區我覺得呢個價錢係好抵～出餐速度都好快 員工態度都唔錯👍🏼下次經過會再黎食😚下次會想試下佢地粉紅餐牌「OL餐」因為有包一件蛋糕 好吸引🥰…查看更多

今日去咗中信大廈，上層一間”Q time Cafe” 雖然佢係親子餐廳，但係午餐時段全部都係白領。一入到去覺得顏色相當色彩繽紛，有啲似小朋友去嘅playgroup粉紅粉藍嘅設計，令人心情愉快。等於set大約係$98至到$118，$98嘅set已經包括一個自助嘅沙律吧有一個主菜同埋有幾種唔同嘅果汁或者果茶俾大家飲斟，2118就包括沙律或者餐枱如果揀咗餐湯就冇得夾沙律，一份蛋糕同埋一杯特飲，揀咗特飲就唔可以喺出面斟其他飲品。🥗沙律吧：沙律吧麻雀雖小但也有不同的菜🥬（大量的羽衣甘藍），配合火腿/車厘茄等配菜，然後醬汁也超多選擇，想食清啲可以絕對推薦！🥦湯：蔬菜忌廉湯中規中舉，跟出面西餐廳也不大分別。🍄黑松露忌廉磨菇意粉配風乾火腿意粉雖望落細碟，但其實份量不粉，裡面有很多的菇及忌廉汁，不過吃完一整碟其實都略感味道單調，幸好有Parma ham可以調一下味。🍑烤雞配蜜桃甜酸汁配意大利粉賣相都有點像港式的甜酸骨，蕃茄汁有點像西炒飯的茄汁味，亦令我聯想起當年聖誕party的蕃茄意粉😂 特飲選了黑糖薑茶，天氣轉涼後需要多飲熱飲呢☺️ 朋友揀咗呢杯係香印提子汁，佢話淡淡地都有提子香味。🍰最後上蛋糕我朋友揀咗綠茶紅豆蛋糕而我揀咗黑朱古力慕絲，已跟餐甜品嚟講個份量都幾大份，所以食到尾都幾飽😆🍵🫘抹茶唔會過苦亦唔會假甜，配埋紅豆棉融嘅口感幾有驚喜！🍫🫐朱古力慕絲通常是穩陣選擇，食落亦覺得很不錯，紅桑梅跟內裡nutty嘅口感都為朱古力蛋糕增添咗層次，成餐飯最好食反而係呢個！整體黎講，餐廳無論在裝潢定係食物上都不錯，平日午餐時間亦唔會擠擁；餐廳都鼓勵大家關注身心靈健康，放慢腳步，Q time就會變成Quality time！推薦指數：3.8/5⭐️…查看更多

晚餐淨係有set嗌包湯包main course包甜品包嘢飲 非常之抵openrice訂座有埋八折cp值更加高食物質素嚟講羅宋湯正常 味道偏淡 幾多料炸魚青醬意粉 食得出舊魚唔係啲cheapcheap鯰魚柳 不過因為都唔係啲咩貴魚 食得出有啲腥個雞wrap意想不到好食 幾得意all day breakfast正正常常 冇咩特別冇咩差嘢飲有好多選擇味道都ok抹茶蛋糕唔好食 冇咩抹茶味芝士蛋糕嘅rich幾好 不過食完main之後好頂朱古力蛋糕都好食 好濃朱古力味由於係親子餐廳 係有一個area畀小朋友玩 因為係平日晚市去 嗰段時間淨係得三個細佬嘈唔嘈睇你彩數我嗰段時間兩個細路好安靜 一個細路大聲笑大聲叫好彩佢哋食嘢嘅時候安靜番無法想像星期六日多細路會嘈成點食物味道整體嚟講冇話咩好驚艷 但係冇咩扣分位由於cp值高整體嚟講呢間餐廳係推介嘅…查看更多

Q Time Cafe 親子西餐廳 鬧市中比小朋友放電既餐廳📍鰂魚涌英皇道1001號12樓01室餐廳設有兒童角落 有瀡滑梯 有軟氈 算得上安全但兒童玩嘅樂部份佔地不多 始終都係港島鬧市既餐廳設有嬰兒床、哺乳室等 都方便家長照顧同使用坐位都十分舒適，設有獨立房間午餐食物來講份量不多 套餐有自助沙律吧，自助飲品吧 🔆 烤雞配蜜桃甜酸汁飯 （$98）甜酸汁開胃，雞塊都唔乾只係份量偏小🔆牛油果 溫泉蛋 酸種包多士如果鍾意牛油果嘅一定要嗌呢一個牛油果醬配上溫泉蛋極之好味牛油果醬味道算是濃郁 值得推薦…查看更多

👍🏻地點方便近太古地鐵站，環境光猛舒適整潔，部分區域設有獨立小房，很適合有B B的家庭聚會。👍🏻遊戲區雖然唔大，適合2-7嵗較年幼的小朋友，不過小朋友都玩得開心，設計安全，而且有得同小朋友親子DIY pizza 及cupcake, 剛剛臨近中秋重有得玩埋DIY 月餅。👍🏻食物ok!啦！主要都係同小朋友一齊玩一齊食。不過即使冇小朋友，約朋友去飲嘢傾計都係唔錯的選擇。小朋友就覺得非常開心。❤️❤️❤️…查看更多

諗住同朋友個仔慶祝生日，又想避開人多既weekend，我地黎左呢間親子餐廳食Tea，tea time真係唔多人，所以好舒服。我地4個大人加一個4歲既小朋友，tea叫左個2人份既picnic basket 同2個炸魚薯條share，個picnic basket其實個份量都唔細，有生果，捲餅、雞翼同cup cake。捲餅同雞翼都好好食，得別係雞翼外脆內嫰~個炸魚薯條都好好味，佢寫明係迷你，咁真係唔大份，但其實塊魚柳好厚，炸得啱啱好。至於個薯條，唔知係咪因為俾小朋友食，唔似出面啲薯條咁死鹹，個薯條點個他他醬好好食~ 但我覺得最正係個兒童餐, 可以俾小朋友自己整pizza同decorate個cup cake，等個小朋友可以坐定定慢慢整, 我地又唔洗理佢，真係真正既kill time,  lol。同埋個兒童餐仲包份禮物，小朋友仲可以扭蛋，但好正既係要走先可以扭。我朋友個仔就係本身唔肯走，就係姐姐用扭蛋呢招攪掂左~因為見到佢地有蛋糕，所以我地連蛋糕都無買，嗰日餐廳有3款蛋糕，分別係芝士蛋糕、伯爵茶同抹茶紅豆，佢啲蛋糕真係highly recommend，因為款款都好好食, 而且每件上碟都會加隻好靚既威化餅蝴蝶，食得又睇得。…查看更多

未黎前睇過介紹都預左小朋友遊玩的地方好細，其實都唔太緊要，小朋友都玩得開心，同埋有 DIY pizza 係主要想黎既原因，小朋友可以玩又有得食。但服務比一般餐廳還要差，地方狹窄一張長枱放六張大櫈之後，基本上要成張櫈拉哂出嚟先入到去坐，小朋友上落更有困難，未坐好職員已黑口黑面告訴張櫈太出會阻住其他人，即係全程要坐係度唔俾離開個位？食物質素非常一般，賣點是親子餐廳但職員完全冇同小朋友有任何交流，只係聽到不斷提醒唔好倒瀉飲品同係遊戲區唔好太大聲，去過最差既‘親子’ 餐廳，絕對不會再幫襯…查看更多

香港有各類大大小小唔同嘅親子餐廳，前幾日我就帶咗小朋友去屋企附近嘅呢間小型親子餐廳——Q Time Cafe。一睇個名，感覺起得幾好，希望我同小朋友真係可以系入面裡面Kill time啦。呢間餐廳同其他親子餐廳唔太一樣嘅係，佢哋面積其實唔大，門口有一個售賣區，可以係裡面選購小朋友嘅食物、餐具、口罩等等。一入門口發現裡面用餐嘅人唔少，所以有興趣嚟試嘅人一定要提前訂位。呢度嘅兒童遊樂區面積唔大，裡面只有一個滑梯、2個鞦韆、小黑板、閱讀區同埋各類嘅玩具。雖然呢個遊樂區唔大，但我覺得對於比較細嘅小朋友，其實係足夠嘅。可能因為呢度游樂區唔大，所以佢哋同其他親子餐廳嘅收費方式都唔太一樣，佢地唔需要額外俾入場費同清潔費，只需要每個人點一個餐，所以整體會比其他親子餐廳平。佢哋有提供成人餐牌同兒童餐牌。一般點兒童餐嘅話，包括四種嘢，分別係果汁、主菜、甜品同扭蛋一次。我幫小朋友點咗肉醬意粉，我試咗一啖，感覺同平時去大家樂食嘅差唔多。大人呢，我哋分別點咗蒜香大蝦扁意粉同埋美國牛肉漢堡。蒜香大蝦扁意粉我覺得無太大驚喜，但美國牛肉漢堡就很令我好驚艷。佢哋漢堡嘅牛肉不是用漢堡扒，而是新鮮牛肉剁碎嚟整，所以食落去好鮮甜，感覺同去高級餐廳食嘅差唔多。呢度嘅用餐時間係90分鐘，但如果後面唔係有人等梗嘅話，餐廳係允許玩多一陣嘅。而且，餐廳都好貼心，入面有一個哺乳室，媽媽們可以係裡面餵哺母乳、幫BB換尿片。餐廳仲有提供燉奶機、BB床等等。所以就算帶1歲以下嘅小朋友去，都好適合。…查看更多

小朋友去太古上堂，偶然發現一間親子餐廳：Q Time Cafe於附近，立即book來試。一入到餐廳，感覺色調和諧好舒服，員工好有禮貌，我們帶著四個小朋友，不時留意到我們的需要，值得一讚。我們點了四個兒童餐兩份大人餐。兒童餐：DIY Pizza x1 ，卡邦尼意粉x2，雞胸配南瓜意大利燴飯x1。大人餐是全日早餐及魚柳漢堡。小朋友最開心就是整Pizza，餅底已經預備好，小朋友只需要放上自選材料（最多四種），就可以拿去焗！零失敗超開心！焗出來的pizza也很好味。卡邦尼意粉好creamy，好夠味，小朋友也搶著吃!😂這是雞胸配南瓜意大利燴飯：另外還有一個驚喜就是兒童餐包括裝飾cupcake這一環。小朋友可選擇四種材料來為自己的cupcake 弄製自己喜愛的味道。大人餐，yummy：餐廳另一邊是兒童玩樂設施，雖然地方細細不過也多元化，有滑梯有千秋有圖書閣，當然還有很多大大小小的玩具，我幾個小朋友都玩得𣈱快。總括來說，值得一試！…查看更多

一間我幾鍾意嘅港島區親子餐廳，地方唔算好大但坐得舒服，仲可以一邊用餐🍽️一邊睇住小朋友玩🛝🧸，呢度仲有3間獨立房，有埋電子消毒機🍼同bb床，最最最貼心嘅地方係佢有母乳餵哺室 🤱🏻，呢樣我真係好欣賞🥰不過食物方面個人就覺得一般，叫咗個carbonara 好啖口，無咩味，食咗一半就無食了。不過兒童餐有個「自製cupcake」環節，小朋友可以order自己鍾意嘅配料🫐🍫裝飾現成cupcake🧁，雖然只係做簡單裝飾，但小朋友都玩得好開心😜…查看更多

難得出港島區 除左搭下電車 仲想揾間靚靚地既親子餐廳坐下😌 呢間可以Openrice訂座免等位 👏🌈餐廳採色和諧 俾人放鬆既感覺 🍼親子配套OK 有BB凳 兒童餐具 兒童護手搓手液 消毒液 哺乳室 等等 扣分位😅 係餐廳無私人廁所🚽 要去商場既 好在乾淨同有小童廁板👍🤤食物方面 味道 選擇都算合理 價格少貴 小朋友有得簡單整野食 絕對係 #0失敗DIY 🥇 湯圓揀左 DIY cupcake 係預焗好晒既cupcake 只係放返生果 配料同果醬就完成🤣⚡️小放電區 設有小地台分流 開放式設計方便大人觀察👀 （放空😎）地方真心唔大 但都叫樣樣有啲 小滑梯 🛝 大積木 磁石黑板 小閱讀區 幼幼玩具 小韆鞦 幼幼彈床 小車仔 對湯圓黎講就真係超晒齡 但幼幼打卡放電 媽媽們傾下計 應該不錯😝唔夠喉⁉️行返太古城仲有溜冰⛸️場 / 冒險樂園（有彈跳迷宮）唔想課金既話都可以考慮 鰂魚涌公園+ 葛亮洪號滅火🧯輪展覽館～～…查看更多