Press Enter (已結業)

2017-9-16 (Sat) 2:30pm ☀️🔥🔥#好味度: ***#抵食度: ***#環境度: ****#推介度: ****.今天天氣熱得很，乘地鐵也弄得汗流浹背，幸好由奧運地鐵站走過來的途中也有天橋好遮陰。選擇這間餐廳是因爲之前見到它的小戚風蛋糕賣相很別緻 (雖然這趟最後沒有點吃哈哈)，加上這裡近市區而又至於太擠擁，是週末市區悠閒找餐的不錯選擇。. 1) 凍朱古力 $50>> 超! 濃! 郁! 很少地方可以喝到這麼濃郁純朱古力味而又不會太甜太溜。我自己本身不太喜歡加cream，但相信溶入cream後會更滑更好。另外要一提的是，這裡是採用環保的鐵飲管，不過個人始終覺得不夠衛生。2) 伊甸園 $120>> 被這七彩繽紛的吸引了。份量蠻大的，適合三、四個人分享。這個窩夫味道很特別，蛋味很重和軟熟，跟之前有其他甜品店嚐過的一般窩天不同。舖在面的水果也很新鮮。難得有芝麻味雪糕的選擇，綠茶雪糕相對較普通。不過這個價錢略覺有點偏貴。後記: 雖然食物不至於超級出眾，但吃得出選材和烹調是有誠意而不是流水作，是不錯的選擇。會再來一試小戚風蛋糕。#007 完。

想發掘美食就要去下隱世小店今次去左係大角咀嘅Cafe Press Enter個名好特別 裝修都不忘鼓勵我呢啲廢青講返野食 我叫左什錦海鮮龍蝦燴意大利燴飯我想講呢個飯超高質 真係啖啖海鮮龍蝦都有手掌咁大 質素對得住價錢另外火山石燒美國認證安格斯西冷牛扒(10oz)名付其實的燒牛扒不單止可以鎖住肉汁食落個口感十分好👍🏼真心覺得牛扒係要咁整先出色🤤另外叫左杯士多啤梨乳酪特飲 好味又健康🍓_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)價錢：$168+258+38________________________唔信我嘅可以自己去試試😂地址：大角咀大全街六號地下

話說呢篇係一篇年代久遠兼集合左幾次用餐經驗既食評..lol 已經係我仲係大角咀返工既時侯.. 個陣成日黎食食極唔厭=P呢個係佢本menu黎 好鐘意!!! 好鐘意呢個木造既keyboard!除左店名, 仲見到佢砌左E N J O Y出黎 >v<""入面有好多咖啡, 沙冰同特色飲品選擇~~ 仲有好多窩夫款呀好似幾靚♥講返我食既lunch先~~ 因為已經黎過幾次, 知道佢係會定期更換款式架不過其實差唔多次次我都係叫佢個雞扒窩夫lolll入面既環境 其實我真係好鐘意 :]!!主要係好簡約既水泥風格配木系枱 鋪位採光都唔錯 成個感覺好舒服Soup of the day 南瓜湯呢個就係我既至愛 即焗窩夫配香蒜鹽燒無激素雞上脾扒$88第一次叫個陣仲好擔心無飯到肚會餓親..點知根本就食唔晒loll窩夫佢好慷慨咁比左4大件, 係厚身個隻窩夫!!個窩夫要大讚~~~♥勁勁勁香既蛋香~~ 口感鬆軟因為有4大件既關係 佢比既蜂蜜我多數都要叫佢refill ;D至於雞扒佢落既醃料唔算多~ 食到有淡淡既鹽香味 ~~~呢個set仲會配唔少份量既沙律菜+半個有烤香過既蕃茄~整體黎講好唔錯呀!!!而隨餐附

《Press Enter》地址：大角咀大全街6號地下🔹鵝肝煙肉美國牛肉漢堡。沙律菜。炸薯條 $178🔹野菌黑松露意大利燴飯 $98升級套餐：+$30 加飲品及是日餐湯------------------------------🔺煙肉洋蔥忌廉湯🥄 味道都夠，洋蔥味尚算濃郁餐湯來講 不過不失正常野☺☺-🔺🍓士多啤梨青檸梳打味道唔係化學味道有新鮮🍓同青檸味仲好夠soda,好fresah👍🏾👍🏾-🔺Iced Americano 咖啡味好香 無苦澀味 比起好多地方嘅咖啡好飲好多☕️ 對於無咖啡生存唔到嘅我黎講係ok嘅-🔺鵝肝煙肉美國牛肉漢堡配搭上建議轉一轉 肉類可以減少樣轉其他野鵝肝同煙肉都偏咸 牛肉無肉味肉質偏老 洋蔥太生 有🍅幫補下個包係得意嘅 係有炭香味 但認真黎講唔係咁好味Burger黎講呢個真係麻麻地另外沙律菜黑醋唔夠；係得薯條滿分-🔺野菌黑松露意大利燴飯呢個Risotto算係唔錯 香濃的黑松露味 飯粒軟中帶硬汁方面都好creamy 係好味嘅👍🏻 菇都唔會好小 性價比都高嘅-💬題外話：超級支持餐廳用不鏽鋼飲管 環保係要有人行出第一步餐廳環境舒適 適合同朋友傾計食物選擇少 未必迎合到各種客

貴婦high tea 感覺既午餐冇諗過lunch 都可以食到甜品，唔好睇小佢，一個人係根本食唔晒～ 極度滿足！！即焗窩夫配香蒜鹽燒無激素雞上脾扒！都係Hkd 88 ! 重有凍熱飲果茶！

『Press Enter』位於大角咀舊區，位置有點難找，跟朋友在附近行了幾轉才找到……本來特登早一天打來預約了下午1:30，怎料來到時說我book了1點@口@......唔......明明記得自己book了1:30的......結果要再等位，由於正值午餐時間，小小的餐廳坐滿了客人，我們在烈日下在附近閒逛了半小時，侍應終於打來說有位喇。餐廳裝潢蠻有格調，但格局比想像中小，幸好我們3人坐在4人枱，也不算大逼。不過餐廳的冷氣很不夠，我們全程要開私家芭蕉扇吹著才行……跟餐的羅宋湯沒什麼特別，味道偏淡。「香蒜蟹肉扁意粉」的醬汁十分濃稠，混合了蟹肉碎，有點像Carbonara蛋黃醬的creamy口感，一個人吃的話可能會覺得太膩，但2-3人share就覺得剛剛好。這道菜名超級長--「火山石燒西班牙粟飼白豚扒伴燒汁白飯」，本來十分期待，吃起來卻令人很失望！白豚扒很厚很大件，但肉質嚡熠熠，一點也不嫩滑，而且不夠入味，感覺有點像吃擦子膠……雖然淋上了燒汁，但燒汁味道不濃且過稀，補救不了白豚扒的不足。另外兩件西蘭花煮得不夠時間而過硬，與其說是配菜更像是伴碟。「太妃情迷朱古力」其實是香蕉窩夫配朱古力雪糕，窩夫

大角咀美食係多既, 小餐廳同cafe 多到花多眼亂, 上open rice 見Press Enter 呢期好多人講,  行開附近就入去快食個甜品.佢Menu 有好多西式既咸食同甜品, 一個胃注定食唔哂咁多, 就叫左個最正路既Banana Chocolate Waffle 試下.  滋味就真係唔錯, Waffle 夠厚夠軟熟, 配上焦糖Banana 同埋好crunchy 既chocolate cake 粒粒, 足夠頂住個胃走. 雪糕球就不過不失, 食落唔似movenpick o個隻咁rich, 真係配菜稷, 主要都係waffle 夠好食. 埋單唔過百, ok 之選.

星期五嘅夜晚，約左兩位好朋友一齊食飯。約得太即興，前一日先周圍搵餐廳，結果揀左好友屋企附近嘅press enter。餐廳格局好似一般小cafe咁，氣氛輕鬆寫意，唯一不足係坐滿晒人環境都幾嘈。講返食物，我地三個人首先點左個黑松露薯條，呢碟係我嘅all time favourite! 然後有個牛肝菌雜菌意大利飯，飯身黏口粒粒都帶汁，好食！另外仲叫左個慢煮豬肉眼同埋原隻燒春雞，呢兩個主菜都唔錯，豬肉眼嘅肉好淋同滑。而燒春雞我就只食左少少雞胸，已經好飽！朋友話食極切極都仲有好多雞肉。因為起初三個人太餓，呢兩碟都冇影到相食完晒主菜回回氣梗係要加多個甜品作結！我地揀左個焦糖香蕉朱古力窩夫，黎到先知成座塔咁高！窩夫質地鬆軟，而且比較厚，熱熱地食好滿足，同時極飽肚，略嫌朱古力醬唔夠多，不過都值得推介！餐茶我要左杯培茶鮮奶，好香茶味，而且唔會太甜，好喝！最後，朋友有附近屋苑住戶證，埋單有88折，三個人，一個前菜、三個主菜、一個甜品，再加三杯特色餐飲，埋單都只係$613，我地覺得好抵食！性價比都幾高！

呢間餐廳成日經過都冇位... 今日見到有位就決定一於試下啦.....呢個係今日嘅lunch Menu.....見到有窩夫呢個選擇我當然二話不說就揀呢個啦🤣🤣 夠特別嘛.... 而且見附近每一枱都總有一個人會叫... 先黎一個湯... 今日既係南瓜薯仔湯.... 好重既薯仔味加淡淡既南瓜香.... 好飲...跟住就輪到主角出場..... 窩夫...配埋一個 花生加砂糖既醬 甜甜地 鬆軟又飽肚.... 好味道！ 雞扒亦都煎得香脆....唯一可惜係淡左少少..如果加返少少鹽就very good啦！！餐飲我揀咗熱嘅水蜜桃綠茶....一壺咁上....都幾大壺... 斟到好多杯.... 正....如果唔係趕住返去返工....呢度都可以同朋友來坐下傾吓計食下野享受一下

今天有事到奧海城，順便到附近大角咀食lunch。經過Press Enter, 裡面好似好chill 好舒服，就入去吃個lunch。午市套餐由$68-88 包餐湯、飲品、主菜，不用加一，都幾抵食。餐湯有點像中式羅宋湯、偏稀。百里香雞肉意大利燴飯 $88典型的risotto, 飯粒煙煙韌韌、不過就唔太吃到百里香味道，一個女仔吃會有點膩。幸好點了這個香芒鮮橙梳打（+$20）有幾片香橙作點綴、裡面有粒粒芒果肉、賣相已經好吸引、喝下去更透心涼。夏天的消暑良品呷了一口友人的Rose Latte、好香玫瑰味、latte 口感亦綿滑、讚最後點了鮮果雪糕葩菲$48估唔到$48的葩菲都做得那麼漂亮、有塊薄薄菠蘿片在上面、光看已經暑氣全消

大角咀近年開左好多小小嘅cafe，今次就Enter Press Enter 同好友共聚。我同朋友點左什錦海鮮龍蝦燴意大利闊條麵($168) 同 火山石燒巴拉圭肉眼牛扒 (原價要$188, 而家做緊優惠$99) 落單嘅時候店員話我地知可以揀3、5或7成熟，我地都係茹毛飲血愛好者，所以毫不猶豫揀左３成熟是日餐湯為大蒜薯仔湯，雖然加左蒜落去，但味道唔算太濃烈，飲完可以放心同隔離嗰個傾計，唔駛怕有口氣XD湯嘅質地略為稀，不過都食到湯入面有打爛左嘅薯仔。西湯黎講我偏好忌廉湯質地濃稠嘅湯，所以我覺得呢個湯不過不失。過左一陣朋友點嘅凍焙茶latte就黎到啦，一見到杯嘢我地都好驚喜！係不銹鋼飲管！係不銹鋼飲管！係不銹鋼飲管呀！（很重要所以要講三次），估唔到呢間小店都係環保小先鋒，願意為環保多花心機去處理不銹鋼飲管呢啲可循環再用嘅餐具，對一間小店黎講真係要花一定嘅人力心力，呢份心意真係好難得，嗰啲堂食都用即棄餐具嘅大財團點可以唔慚愧？！主菜火山石燒巴拉圭肉眼牛扒 (三成熟)同不銹鋼飲管相比，就冇乜驚喜啦。肉質比較un，肉味唔太濃，醬汁味道偏淡。配菜薯蓉好似冇調味咁，食食下大家都遺忘左佢，最後要我呢個食物

朋友遇到傷心事, 我遠赴大角咀, 到她家附近坐下聽著她訴心聲。食物已經不是首要, 反而是寧靜的環境, 這店柔和的光線, 令我的朋友冷靜下來。店內的餐牌也做到像是一個KEYBOARD一樣, 我也跟朋友說: 「人生就像鍵盤一樣, 喜歡便按ENTER, 不喜歡就按 DELETE 或 BACKSPACE 由頭來過。傾計談心, 朋友要求點個凍飲冷靜一下, 她點了香橙水蜜桃梳打:其實大家志不在吃, 但避免她晚上肚餓, 我們還是點了個卡邦尼和闊條面, 仲有餐湯架~卡邦尼都幾好食, 好creamy, 鐘意隻溫泉蛋。不過要留意menu上有另一隻「中式卡邦尼」,我地都係保守d, 食返舊有的食物:個人覺得食物可以煮熱D先上檯, 等傾計朋友唔會好快攤到食物凍晒~有興趣的可以參考下餐牌:-

放暑假週末就緊係要同朋友見下面 平時大家都忙住返學返part time 或者internship 真係好耐冇見過面 喺大角咀呢邊有唔少好抵食既餐廳 我朋友話：「平民價錢，中環質素」😂 的確呢邊有好多親民食店 我自己都好中意間唔中黎食下飯～我地行行下 見到有間設計風格簡潔既cafe 個名都好得意 叫做 Press Enter 睇落食物唔錯 啲甜品既賣相極討好 😍店內充滿藝術氣息 睇得出枱枱櫈櫈都有花過心思去設計 牆上仲有一幅好靚既畫 😍連餐牌都好可愛 係一個鍵盤！上面寫住enjoy 難怪叫「Press Enter」入面有多款精緻美食 除左all day breakfast 仲有其他主菜lunch set、甜品同飲品 ☕️🍹檸檬生薑茶 $38呢個生薑茶好清淡 檸檬同生薑既味道都係淡淡既 發出陣陣幽香 可以幫助消化 消一消濟 😌 一路食主菜 一路飲清新既檸檬生薑茶 係最完美既配搭☕️ Rose latte $38 🌹熱玫瑰拿鐵既賣相好靚 😍😍上面係心形拉花 靚到我地都唔捨得飲～ 濃濃既咖啡味 又香又醇厚 飲到津津有味 ☕️玫瑰花瓣為苦澀既咖啡增添一份清香 🌹火山石薄燒澳洲草飼肉眼扒 $108呢個係

朋友仔早前約我食飯，把openrice link 發給我，正好上週踩單車食了一間不錯的叉燒大王，正好想推介給大家，就錯把食評落在Press Enter 這間餐廳裏。每天在公司都要發郵件，Press Enter 是一件必做的事，但如果按錯就會大件事啦！餐廳的名字就正好是因為我錯按的Enter，讓我留有深刻的印象。走進餐廳第一個感覺，它很文青feel, 中間長長的原木枱可以足夠十二個朋友一起用餐。我跟朋友坐的櫈是由油罐改裝的，不知道是店主採購回來還是自家改造呢？店員好細心地簡介餐廳的Menu 單品是可以加錢轉餐的。所以我們其中一個食物就轉餐，加了餐湯和百香果綠茶。甘筍忌廉湯，上面灑了一些香草，應該是迷迭香吧! 有了忌廉，甘筍味不會太重，質地尚算幼滑。摩登蠔肉意大利繪飯，第一次食那麼豪味十足的Risotto. 蠔也不算小，配有我最喜歡的菇類，洋蔥，汁好creamy, 味道非常濃烈。這個是日果茶，正好解一下蠔飯的重味道，因為他比較清甜，而且可以給兩個人用。窩夫雞扒伴沙律菜。這個是我選擇的，因為好想又好喜歡食窩夫呀！厚厚的窩夫外面香脆，但入面如海綿蛋糕的柔軟，不像之前在一間好出名的咖啡店裏食過

今日去到大角咀，到左午飯時間，見到呢間落地玻璃既舖頭。係門口睇下餐牌，價錢合理，一於試下。餐廳環境舒適，格局優雅。睇咗一陣餐牌，我就揀咗其中一個午餐，朋友就甜品當午餐落完單，好快就送上餐湯，好香濃嘅南瓜味朋友另外點左一杯士多啤梨乳酪特飲$42，佢形容為甜度適中，香濃嘅士多啤梨味，但有奶昔既質感，好好飲跟住黎既係我嘅午餐-火山石燒西班牙栗䣳白豚扒伴燒汁配飯$88，塊扒好厚肉，面頭有香脆嘅炭烤味道，一啲都唔韌，仲肉嫩多汁呢個就係朋友點既其中一個甜品-熱帶風情$85，我都分享左一揩，好濃郁嘅蛋味，外層夠脆，加埋雪糕、芒果、cream，一啖咬落去，爽呀而另一個甜品就係法式焦糖燉蛋，面頭嘅焦糖，厚度適中，令到每匙羹勺落去，焦糖同蛋嘅比例剛剛好，好味以後黎大角咀有多一個選擇