PREFACE COFFEE & WINE (The Sharp)

营业中

休息中

这家营业到晚上11-12点，晚上还有alcoholic beverages供应，确实比较少cafe营业到这么晚，适合爱喝夜咖的人士推门进去看到几乎人手一台电脑G/F主要是大长桌，落地窗视野光线不错楼上比楼下更安静，连店员说话都是小小声。1/F主要有双人方桌和3-4人的圆桌，方桌面对面放下两台电脑是没问题的，这层的椅子靠背高度正常，更舒适些。我点了杯hot latte但个人感觉咖啡味道一般，温度也不太合适，胜在环境和氛围还可以吧。有wifi，有洗手间

之前銅鑼灣Lee Garden 間Starbuck 執咗少咗個勁多位嘅溫書/做嘢地方🥲最近成日去呢間開到12點cafe☕️我懷疑係cwb唯一一間開到咁夜嘅cafe啱哂同朋友吹水或者me time chill 吓食物同咖啡都幾唔錯！Brownie個人好鍾意佢地Brownie，好濃Dark chocolate，甜度適中，每次嚟都一定會嗌😋Green tea latte驚喜地好重抹茶味😍出面好多餐廳cafe 嘅Green tea latte都好淡，呢間完全唔係咁好推介👍👍

想係銅鑼灣嘅鬧市搵個地方靜靜地飲杯嘢， 呢間睇落去個樣幾chill，就試吓啦個cafe同時營運緊幾樣生意，大部份時間係做啲AI 丫IT相關嘅工作坊，同時都有做Cafe，有小食呀，飲品等等，之前仲有個AI coffee 我本身就唔係好飲得咖啡，要養生，咁就要洋甘菊茶啦🍵☕️如果價錢嚟講就係偏貴嘅，咁當然去到coffee shop就唔係淨係為杯飲品，都係為個氛圍，個環境又幾好彩，咁啱有窗邊位，可以望到時代廣場

最近居家办公，闲地无事，去铜锣湾周围掹咖啡店。 行街时发现PCW新开，忍唔住入去试下。 入到店里，似乎正在准备活动，搭建展台中。选个靠窗的位置，点咗杯piccolo。 饮了一口，先想起要拍照，味道好好。泡绵密、比例适中、豆嘅烘焙程度都啱啱好系我中意嘅类型，下次啲hand drip尝试下。睇到吧台展示区域有售卖croissant同曲奇等小点心，唔知道以后会唔会出brunch嘅菜单。如果有轻食就更加好啦，会再次帮衬

日前同朋友一齊去咗Preface度飲咖啡。當日我早到咗，而朋友遲咗，所以就預先嗌咗杯咖啡先。坐咗15分鐘左右，職員突然行埋嚟話呢度最多坐兩個鐘（可能係見我已經飲咗大半杯），當時個場有一半都係空位。到我朋友到咗無耐，職員又再行埋嚟，提醒我哋有用餐時間限制，同時叫我哋調去一張細枱（個場當時有三張吉嘅大枱）。朋友嗌咗一杯綠茶，等咗20分鐘都未到，唔知職員提醒我哋有用餐時間限制嗰陣，有冇考慮埋出菜效率？重點：到我哋走嗰一刻，嗰三張枱都係冇人坐過嘅🫠

明白呢間餐廳主要做coffee同wine，但作為一間同時提供「食物」既餐廳，收得呢個價錢，俾咁樣質素既食物真係有點過分。首先，肉醬意粉，唔熱既，微暖，肉醬同意粉分開，啲肉醬仲要勁多油。薯條同芝士條唔錯，熱，芝士條拉絲，薯條亦提供兩款醬，提讚。最嬲係個垃圾威靈頓，時間：用左足足一個鐘先上台，仲要係唔熱！唔熱！唔熱！牛扒同bacon同酥皮分離，酥皮係冧既！入面舊牛就生到仲識吽吽聲叫，仲要係咬唔開！ 如果你放入口，一係你成舊吞，一係你成舊吐！呢舊野如果30蚊，fine兒家賣緊148，俾兩舊咁既疑似急凍垃圾，無下次

今日行到有啲攰就搵間Cafe坐低唞唞，本身淨係嗌咗兩杯啡，冇諗住打卡所以冇影相。環境好靚，有種好似去咗韓國嘅感覺。飲到一半見到佢Menu有味噌蘑菇意粉幾吸引就嗌咗嚟試吓，有驚喜!!完全唔係Cafe嘅質素。醬汁好creamy，唔會太多味噌而搞到好咸，雖然嗰兩隻蛋個擺盤有啲搞笑，不過整體嚟講都係水準以上。btw要讚下啲服務，嗌完個意粉之後，其實都keep住有好多客人入黎order，但都有個短馬尾既女店員好貼心攞咗兩杯水俾我哋，等我哋唔洗咁dry。下次再黎補返打卡相~

喺銅鑼灣想搵個地方，靜靜坐低傾下偈，🍹☕️飲杯嘢，呢度係個幾好嘅選擇聽有個鍾意飲咖啡又係IT人嘅朋友講，原來呢度好出名有好多IT嘅workshop啊，交流活動，Tech savvy 人呢就好鍾意喺度聚集個餐廳樓高三層，地下同埋第一層都係俾人哋飲品，食light meal我就好鍾意喺個窗邊度打卡，望住對面個Times Square人來人往，chill下搭𨋢上過2樓參觀過佢哋應該耐不耐有啲workshop，一堆IT人喺度Mingle吓🥂分享吓新idea咁

我同朋友想試吓豬扒，但是已經售罄。我改吃牛扒，7成熟，容易入口，味道好好。另外吃了羽衣金蘭牛油果🥑沙律同柚子啤酒🍻味道淸新可口🥳。地方寛濶，客人人數不多，可以坐很久和傾談工事或者私聊也可以去。

佢唔知係裝修完之後，我番去左3次次次個女店員都係咁逼我買野食咁，我都表明左我淨係想飲杯咖啡等個仔放學，佢係都話 「你不如嗌下野食啦」落單前又chur，連我咖啡到左一啖都未飲，佢又拎本menu過嚟問多次「其實我地新出咩咩咩好好食」。最後我頂唔住佢好似疲勞轟炸我咁 個感覺好似我唔叫嘢食根本就唔歡迎我喺度坐 我無奈咁叫左個沙律佢先冇再黑我面。不過好想喺度反映一下，其實咁樣做我作為顧客嘅感受真係好差，我唔係冇錢消費，或者我下次嚟再叫嘢食都得嘅啫？但係佢咁樣疲勞轟炸我，我好似去做啲美容中心，定係fitness center既感覺…最後都一讚番沖咖啡比我個後生仔，雖然我唔係成日嚟。但係佢記得我鐘意用takeaway cup。

銅鑼灣。cafe之前去咗坐preface 同friend 吹水 叫咗兩款蛋糕🥰🥰Passion Fruit Sponge Cake $50個人覺得佢食落麻麻哋☹️☹️好普通 所以就唔推介 (同埋都算貴啦)Chocolate Tart $60呢個比較來講都好味d 但都比較普通啦 所以都少失望🥲🥲總括來講呢兩款蛋糕相比個價就麻麻哋啦但係如果係諗住係cafe坐好長時間吹水或者做嘢 就應該okay🥰🥰 因為個位置幾好 同埋氛圍好唔錯😍😍📍Preface coffee & wine銅鑼灣霎東街11號The Sharp地下及一樓中環威靈頓街33號The Loop 地下及地下上層

下午3點走入coffee shop，基本上都冇乜客人，第一層得一枱客，二樓都係得2枱，並非繁忙時間，點餐亦沒有人排隊。點餐同整咖啡都係同一個男職員，本人叫了一杯Americano 同埋一杯espresso tonic ，店員並沒有問堂食還是外賣，隨意給了外賣杯。由於朋友已經上了樓上，我是有禮貌地問男職員: “唔好意思，請問會唔會有餐盤因為我要拎上2樓”。男職員不太耐煩的俾左一個紙托我，兩杯咖啡整好，我見冇人先至問男職員可唔可以比多杯暖水我，點知男職員幾乎係想jip我，黑晒口面，使唔使咁呀？你話如果係繁忙時間就話啫，一個人都冇，入到嚟仲見到你喺度玩手機。咁嘅服務態度，以後唔會再幫襯。

其實只係想食個早餐，同個職員好清楚咁講叫左份公司三文治，另外想加半份牛油果。然後個職員問我係咪叫左沙律，沙律才可以加。其實講聲唔好意思，冇得加便可以，唔洗反問我。 之後我問咖啡可否轉植物奶，個職員又唔直接回應。就說「我地只有全脂奶，脫脂奶同燕麥奶」 其實個職員真係答非所問，完全唔helpful 。 到最後上餐，另一個職員望住我張付款收據問我有冇點餐，我話有，佢又擺出一副不相信的樣子，繼續望住我張銀行電子收據。首先，間餐廳其實只係俾左張銀行電子付款張收據，你望住我張收據都冇用架啦，你又唔俾張落左乜野食物既收據我🤯 第二，間餐廳計埋我只有兩個客人，D職員有幾專心返工大家知啦🤪係得上咖啡既一個哥哥仔正常少少，會講句多謝哂。 轉過頭，落單嗰個又係到拎住部手機疑似打機中。講大家未必信，歡迎去感受下。

一入門口員工啲眼神就好似話比你聽唔好阻住佢地收工咁，但當時係星期五嘅晚上八點，啲態度已經好趕客。之後我地睇緊 menu個時順便問埋廁所係邊，著黑色西裝嘅員工就話佢地無廁所，最近要去時代，但之後發現原來二樓有廁所，只係唔想比我地去 叫咗啲野食上到去1樓，冷氣無開，空氣好焗。嗌咗枝酒員工完成無幫手倒，呢個價錢我會期望多少少服務。到9點8到西裝員工話準備要閂門，請我地離開，但問佢佢話10點先閂門，但佢就企咗係我地隔離比壓力我地要我地走…仲話要提早清潔。但你明明話閂10點但9點8就要客人走，咁係為咗員工可以早走而趕走客人嗎？銅鑼灣地段仲有好多選擇，真係完全唔值得一試。

Coffee shop 會給你甚麽想像空間？文青 cofé？Grab and go 那些在辦公室附近的連鎖咖啡店？今回分享一間我近來很喜愛的，可以令人想像到「未來」的一所打卡咖啡店。「Preface Coffee & Wine」在銅鑼灣及中環均有分店，我都有光顧過；銅鑼灣的比較大，我更喜歡，樓高共四層：這可形容為一間與科技概念和酒吧融合的咖啡店，餐飲均顧及持續發展，集合品啡、品酒，自我學習空間於一身的地方：我每次來多數都是邊喝咖啡、邊寫文章執相、放空一下，感覺很自在 stylish。介紹一下。地下是方便 Grab and go 的 Multiverse，方便人客外賣；貫徹純白色裝修，加上樓底高，很有空間感：沿樓梯上一樓，已見到大大個投射電視銀幕：一樓是方便用餐兼 Work-friendly 的 Metaverse，白色梯級座位，陳設已很不一樣：此處咖啡是用本地咖啡烘焙商「Roastwork」的出品，並用大數據預測咖啡潮流，以提供各款口味選擇：「Espresso Macchiato」$70用哥倫比亞、巴西、印尼及危地馬拉混合的咖啡豆，手沖而成。本身咖啡底已帶濃烈黑朱古力香氣及很 nutt