影片
I ordered a tea set- cheese burger in porker coffee Honestly,it was a bad experience.Cheese Burger no cheese Only butter on bread And one tomato slice ,taste bad Not fresh lemon juice
继续阅读
6:30pm嚟到食晚餐，人唔算多，装修都过得去。呢间餐厅有一个特别之处，餐牌上每一个主菜所写嘅汁，跟上枱见到嘅都唔同，好奇怪。呢度食物质素好参差。不过服务的确好，所以我俾好评，希望佢努力改进。姜汁海鲜忌廉汤有浓浓姜味，汤底有些少蚬肉和蛋丝，加上磨碎嘅甘笋，味道唔错。跟汤附送嘅牛角包，虽然唔算松软，但味道尚可。韩式泡菜牛肉炒饭泡菜充分混和喺饭里面，好入味，饭有啲似意大利饭，比较黏口，而牛肉比较韧，要扣分。焗鸡肉芝士咖喱鸡意粉焗得过左火，意粉好干，鸡肉好干，无咖喱味，虽然上枱相当热，但以味道计，零分。于是同侍应反映后，佢帮我换过一碟，呢次湿润多咗，不过有浓烈酸臭味，无咖哩味，什至无咖哩颜色，亦无芝士味，于是再向侍应反映。经理好著紧出嚟话刚试过个意粉系无问题，而厨师加了柠汁去煮，所以鸡肉有酸味，由于我觉得酸酸宿宿味太浓，我决定换另外一款主菜，经理都好乐意更换，值得一赞，咁我就换香煎金狮鱼配香蒜番茄汁。香煎金狮鱼配香蒜番茄汁块金狮鱼好热，不过佢叫香蒜番茄汁，香蒜味欠奉，蕃茄汁亦唔见，虽然味道尚算过得去，但佢个改错咗名，应该叫香煎金狮鱼配小蕃茄及茄子。甜品甜品系朱古力慕丝蛋糕，味通清淡，普普通通。热咖啡咖啡系呢度嘅主打，质素无可置疑，满分。
继续阅读
就是因为喜欢饮咖啡，好几年前已经系Pokka会员。但自从铜锣湾、德福店都相继结业，呢几个月都比较少光顾😔今日心血来潮去开油塘，不如去将军澳分店食番餐😙 下昼打电话去订定位，店员话留枱5分钟，用膳时间个半钟🤔早到咗15分钟即时被带到窗边4人枱👍🏼餐厅环境几舒服。餐汤系姜汁海鲜忌廉汤 - 姜汁味够，但唔系好觉有加忌廉因为质地系稀稀的。内𥚃有几粒蚬肉都算系海鲜挂🤔 至于跟餐汤嘅牛角饱都算脆但我都系比较喜欢面饱类无咁肥腻。假日套餐选择都唔少，今日点咗个韩式泡菜牛肉炒饭。 牛肉份量较少，得约6-7片。泡菜炒饭饭底偏湿，以为韩式会用珍珠米但又唔似。整体来说味道非常普通，本人并不太欣赏。唔紧要，嚟Pokka我主要系为咗杯水准隐定嘅咖啡☕️。其实热咖啡比冻嘅香好多😌小甜品只系点缀，配咖啡都唔错。见到宣传单张先醒起会员生日月有免费麦唛多士，多谢晒🤗
继续阅读
未出发先兴奋! 安排咗个多月嘅两日一夜生日奇妙旅程， 终于开始！😍 之前成日经过呢间cafe， 觉得装修几靓几舒服咁，不过一直未有机会试， 决定今次趁著靓仔生日就订枱试下！我哋每人叫咗一个周末set lunch, 哗d名好似好吸引咁㖞， 我地叫咗水蜜桃牛油果大虾焗饭同埋芝士咖哩蛋包汉堡扒饭， 每个餐都包餐汤餐包同埋嘢饮同甜品， 每个餐都系二百蚊内 好似都好reasonable 呀（？）点知...汤 - 是日餐汤系南瓜薯蓉薏米汤 听落去好似好好人几好味以为blend左果d 西汤，点知又稀又冇味 好似煲到中式汤咁。另外加咗18蚊upgrade咗个龙虾海鲜汤, 果个可接受。餐包- 极奇怪，用好似麦当劳双牛芝堡嘅𠮶只汉堡包😒水蜜桃牛油果大虾焗饭 - 靓仔钟意peach 我钟意avocado, 谂住perfect la... 半个罐头水蜜桃，三片冇香味既牛油果， 一只又唔大又唔新鲜既焗虾，好多冇蕃茄既茄汁。 样差，难食。芝士咖哩蛋包汉堡扒饭 - 唔够咖喱汁，不过味道份量不过不失。甜品同饮品 - 成餐入面最正常既野。唉，我同靓仔年纪都大㗎啦~ 始终胃嘅容量有限，唔可以食咁多垃圾， 减肥好难㗎嘛！ 点知竟然系生日先带靓仔嚟食埋啲咁嘅嘢, 谂住食贵少少会好啲orz 食完之后真心唔明白点解呢间野仲可以生存到...以后都系自己试完觉得好嘅餐厅先带靓仔去！！好彩仲预备左大把野俾靓仔既生日姐 😚
继续阅读
与友人外出聚会，有人提议食呢间，见唔驶等好耐位就试下啦！呢款凯萨沙律材料好丰富，除左原有的爽脆沙律菜，脆口的烟肉粒及多士粒外, 仲有大虾同鸡肉，软滑牛油果粒，捞匀一齐食，口感超丰富！呢款香煎三文鱼扒，厚切三文鱼扒煎得几香口，食落充满鱼油口感，同人分享会好d，唧少少柠檬汁会减少肥油感！再叫左呢样韩式石锅芝士鸡肉饭，趁热将所有材料捞匀，芝士熔入饭粒中，泡菜嘅辣味同鸡肉好夹，热辣辣一口饭好滋味！甜品系呢个提拉米苏多士粒，每粒成一个方块，囗感似食紧西多士，伴以雪糕一齐放入口，甜美满足感爆灯！顺带一提呢度侍应态度服务唔错，就算中间上菜时有少少出错，都好快有跟进！
继续阅读