Pokéworld (已結業)

Fantastic food! Just like sushi but bigger really fresh. Good for a quick takeaway meal. And lovely friendly staff

放假好鐘意去上環飲咖啡, 經過見到呢間店好eye catching. 好靚既Aqua blue 招牌. 望吓個menu 覺得好特別就試吓. 我哋因為之後仲要去coffee shop，所以2個人share 1 個. 我本身係嚴重選擇恐懼. 老闆娘好nice, 俾咗好多suggestion 我. 叫咗Pokiritto, 要吞拿魚加蝦, 好得意係用ice cream scoop, 每樣一大球. wasabi Mayo 醬再加牛油果! 牛油果成半個呀！ 只係加$12!! 我睇到呆咗! 仲有free veggie 可以揀! 包好原來都好大份! 食得出材料好新鮮, 個醬好正好match! 本來覺得有D貴, 食完覺得值回票價

The food here is divine! Ingredients are fresh and the menu is super healthy. The concept is simple but brilliant and the staff are so friendly! Will certainly be coming back.

平時去買飯卷, 一係就包定哂, 一係就set死哂配料, 但今日我就發現左上環有間"試業中"既小店...可以滿足我三個願望~大大件既壽司飯卷+自由配搭+即叫即做, 除左飯卷, 仲有壽司白飯同沙律, 食材新鮮, 款式多, 店員細心為您製作order, 保証滿意! 飯卷為斜切, 食用方便, 三文魚腔既我除左會揀切粒三文魚,仲揀埋吞拿魚, 配和風沙律汁, 加埋青瓜絲,牛油果等配菜~ 啖啖都食到豐富食材,口感十足! 另外我仲食埋佢地既壽司白飯, 自由配搭其中既彩虹蟹籽, 有口感之餘, 賣相亦吸引! 熟八爪魚比較爽口唔會好硬, 唔好睇少佢地每款份量, 我地兩個人share都夠哂飽!

今日係上環經過pokeworld，睇見佢新開就諗住試下，一試真係有驚喜，門口又有錶位方便泊車，值得一提既就係用料新鮮再加埋特色醬料，同其他壽司店不同之處，值得大家一試。

前幾日喺公司聽講座，營養師話食飯會幫助新陳代謝，健康啲。其實呢類concept都唔係第一次聽，但對於平時「無飯主義」嘅我真係一大挑戰...呢日黎開上環做野，竟然俾禧利街新開嘅Pokeworld吸引到我!見間舖主打魚生飯同飯卷，配料同醬汁都可以任揀，啱哂我呢啲心多嘅人。今次叫左個飯卷 (Pokirrito)，$78可以揀兩樣餸，我要左三文魚同蝦，外加三色蟹籽 ($6)，之前未見過黃橙綠色嘅蟹籽，咁得意忍唔住要試試~ 醬汁要左和風沙律汁，而小店亦offer免費配菜，我就要左青瓜同豆芽，感覺好清新!揀好要嘅配料後，店員會即叫即整，成品都好足料! 三文魚好新鮮，而蝦肉係好爽的，不過最鐘意嘅都係個和風沙律汁，係香醋芝麻沙律汁咁，酸酸地幾開胃，所以都好快食哂~ 我見佢地仲有辣mayo, 燒烤醬同日本豉油咁，下次可以再試下其他~

平時食壽司卷都係包好哂比你自己埋黎簡今日比我發現呢間即叫即製!好新鮮呀!呢個壽司卷( $78 )係即場卷比你,用料好新鮮所有野都係自己簡完佢就包比你個醬好特別呀,有幾隻醬簡!我就簡左芥末蛋兼醬!食壽司用呢個醬真係好特別輕帶 wasabi 味但係又唔攻鼻非常容易入口,佢絕對令到個卷更加好食!佢仲有得簡豆苗😍食落好好味好清新呀呢個菜係必選呀成個ROLL整完出黎成7.5 inch長我同朋友見到嚇一跳,本身打算輕食2個人share一個都食到好飽

經朋友介紹，走去試吓新嘢。去到上環地鐵站，行幾分鐘就到。 第一次食，試o左Pokiritto同Sushi Rice，用料新鮮，而且分量十足，店員會細心地以你口味而推介。 店內環境不錯，有一種很放鬆o既感覺，很舒服。 值得再去！

不錯的小店，和刺身丼飯的口味有些不同，因為配料比較多，又有很多汁，所以口感非常豐富，而且這種味道和口感感覺非常新鮮。因為真的很多料，所以價錢尚算合理，而且服務員非常有禮貌，服務不錯，值得繼續幫襯！

經朋友嘅介紹，去左上環新開嘅一間舖頭買外賣，一個新嘅食法，可以自由配搭sushi salad。首先，可以選擇壽司飯、沙律菜或做壽司卷，如要減肥嘅OL, 係可以揀沙律菜的。主要嘅topping係可以揀三文魚、三文魚腩或八爪魚，然後仲可以再on top加其他配料，有帶子，豆苗，中華沙律，蟹子，螺肉，毛豆，etc. 十分多的選擇。呢個就係我第一次嘅新嘗試，對於一向愛吃日本嘢嘅我來說，呢個sushi bowl真係好fresh好抵食，仲好健康添！一定會再encore!因為真係好抵食同好好食。食完即刻覺得以後喺繁忙時間嘅中上環又多左一個新嘅外賣選擇(都有座位堂食嘅），最重要係可以自由選擇配料，日日都可以食唔同嘅sushi bowl。唔使下下淨係食caeser salad...pasta...so boring....第二次食嘅sushi bowl, 好大隻牛油果啊！好正兼好抵食！

If your looking for something tasty and healthy but also filling, this is definitely the place to be! I love it so much here! I've become a regularly 😂 everything is so fresh and colourful! They still need some more decor but apart from that the staff are very friendly and helpful for newbies!

Impressive Salad Sashimi Rice Bowl & Pokiritto. Finally discover a restaurant that serves dishes that are not only "Delicious", but also "Healthy" here in HK. What a new conecpt.Never heard of pokiritto before so had one for the first time and it's amazing. It's simply a better version of sushi roll with your own choices of sashimi/meat/salad in it. I returned the other day and tried the salad sashimi rice bowl and I love it. Highly recommend this place if you have been looking for a salad/sashi

今日Lunch去上環禧利街，見到開左一間新既外賣店，裝修顏色係我鍾意既淡藍+白色，感覺好清新，吸引左我入去。雖然主打外賣，但店舖入面都有枱同櫈俾你坐低食同抖抖。餐廳引入左係外國好流行既"Pokiritto"壽司飯卷，其實之前見外國有好多舖頭都賣Pokiritto，有諗過香港點解冇既呢？而家終於見到有一間喇鍾意食Pokiritto既原因係"你有得揀"，自己可以選擇主食、主菜、配料、醬料等等。呢間舖頭每樣野都幾多選擇，連飯都可以㨂白飯/糙米飯，唔知遲D會唔會有而家好興既藜麥飯呢？主菜有三文魚、八瓜魚、熟蝦、吞拿魚、海膽等等。配料更加多，比較特別既有毛豆、三色蟹籽。花多眼亂，我點點下加左好幾樣配料，都擔心問一問店員咁多配料包唔包到，不過佢話放心 哈哈！個店員都好用心咁包到靚一靚。三文魚好新鮮，個卷好足料，有幾隻熟蝦，醬料同配料都好夾 (自己揀的) 另外仲自選左一客沙律，點知發現原來個卷都幾飽肚架喎！總括食物質素唔錯，各樣野食都好新鮮，雖然唔係平，但一分錢 一分貨，十分足料，可以當正餐。以後Lunch又多一個健康選擇，唔洗成日都茶餐廳

平時食呢啲wrap 多數都喺墨西哥style 今次竟然喺食到日本style 仲諗住應該無平時食開個啲咁陽色 點知又令我喜出望外喎今次-同平時wrap都一樣 可以自己揀要咩 但呢到喺揀日式配搭👅我呢就揀咗三文魚 八爪魚 同玉子 之後佢地就幫我搭咗生菜 豆苖同青瓜入去 醬呢 我就揀咗芥末蛋黃醬 成件事真喺好和風😂因為即叫即整 所以等咗一陣先有得食點知一嚟到 真喺嚇親人 長度同手肘有得揮 好彩啊姐我有帶朋友嚟 可以切開一半 如果唔喺又要做大嘥鬼其實真喺唔喺好似wrap 反而似放大版日式卷物 食落喺點？緊喺好和風啦 個芥末蛋黃醬有wasabi 味 但又唔會攻鼻到令你淚輕彈 再又帶蛋黃醬嘅酸甜味 唔錯唔錯成個配搭都好fresh 用料又新鮮 真喺好正❤️-如果我喺附近返工 我實成日搵多個同事去share 當lunch 好味又好似唔會肥 鍾意食日本嘢嘅絕對唔可以錯過

係中環番工，有時食到悶悶地都會行去上環，今日點半先放lunch，想離開下中環， 鼠左去上環，竟然見到有新嘢，門面幾靚，見到門口貼住啲顏色鮮豔嘅飯丫，卷丫，沙律，就入去睇下，店員解釋下先知原來係夏威夷嘢，初初見到有三文魚，吞拿魚果啲，以為係普通日本嘢，原來吾係，聽完解釋先知由頭到尾自己揀，再配上好夏威夷嘅spicy mayo sauce, 好味咼，只係有啲辣，不過我都頂得住 睇睇張相，真係有啲靚 step1揀左白飯沙律底step2揀左三文魚加八爪魚(算幾新鮮)step3揀左毛豆加螺肉，各加$6 (埋單$90,吾加就$78)最後啲豆苗，青瓜，紫菜，葱等等都任加整體吾錯，係想食得健康同清新嘅時候可考慮