Plato Cafe & Bistro

617
54
32
港铁油麻地站 C 出口 继续阅读
所有分店 (2)
电话号码
34262700
97875976
开饭介绍
装横具美国风格的楼上西餐厅,环境舒适,可从店内玻璃窗眺望弥敦道的街景,招牌菜为德国脆皮咸猪手。 继续阅读
特色
包场派对
营业时间
今日营业
11:30 - 23:00
星期一至日
11:30 - 23:00
付款方式
Visa Master AlipayHK 支付宝 现金 美国运通 银联
座位数目
100
其他资料
网上订座
Wi-Fi
酒精饮料
自带酒水
包厢
支持减塑
泊车
电话订座
外卖服务
加一服务费
独家网上订座
当面支付
前往餐厅网站
http://www.facebook.com/platocafebistro
有关餐厅
闹市中的绿州
在繁华的油麻地弥敦道,找到relax的「代名词」?

名字叫「Plato Cafe & Restaurant」的西餐厅,位处繁华的弥敦道旁。甫入店内,发现以黄色做主调的主题墙,墙上挂有富有美国风尚的玩味海报与油画,同场播放relax十足的流行曲,全然拥抱悠然自得的轻松感觉!落地玻璃窗的设计,可眺望弥敦道的街景,顿时放松心情,享受温暖窝心的饭聚时间。

由大厨与店主为大家精心打造多款亲民而具个性的西餐菜式,由小食、主菜、甜品饮品以至各式套餐,配搭尽显心思。不论情侣二人甜蜜聚会、三五知己好友见面、上班族找地方歇一歇、一家大细欢聚一刻、甚或团体的联谊主题用餐,让你感到额外的亲切。

推介的菜色有:深受欢迎的德国脆皮咸猪手、黑松露牛面颊肉意大利饭、龙虾汁大虾意大利饭、安格斯肉眼牛扒(配红酒烧汁)、水牛城鸡翼等,饮品推介有甜蜜蜜的Oreo 奶昔及英国Twinning 茶包系列。

想在闹市中寻觅绿洲? Plato 这个地方,能够化解烦忧!

有关奖赏计划
食记 (773)
等级4 2019-09-25
18 浏览
偶尔都想一个人放空下, 比d时间自己独处🌃🍷, 今日放左工难得有少少时间⌚, 就享受下一个人的晚餐😊 小妹叫左一个Set dinner包括一个餐前汤🥣, 一个主菜🥩同一个甜品🍰Bella Cabernet Sauvignon🍷, 一个人的晚餐点少得一杯红酒呢🙈, E枝系嚟至智利嘅红酒🇨🇱, 带有黑梅同云呢嗱嘅香味, 入口有少少甜, 味道柔和, 无苦涩味, 每啖酒都带有回甘!龙虾汤🦞🥣(跟餐要+$28), 配有一块蒜蓉法包🥖, 龙虾汤味浓同埋几滑身, 不过如果可以再杰身d就更加好啦😊美国安格斯西冷牛扒🐂🥩首先, 沙律菜🥗几新鲜, 而且个汁调教得几好, 黑醋汁唔会太酸反而带有点甜味! 小妹叫左5成熟嘅牛扒🐂🥩, 牛扒肉嫩多汁, 无任何筋, 煎出嚟唔太油腻而且好香, 牛扒上面本身有d香草🌱, 已经几够味, 完全都无咩沾过酱汁都好好味! 推介!!👍🏻👍🏻😋😋 如果块牛扒可以大多少少就好啦👉🏻👈🏻🙈🙈心太软配云呢拿雪糕(跟餐+$38), 心太软大约等左15分钟到, 松软嘅外壳配上热辣辣嘅朱古力溶岩浆🍫🌋, 极之邪恶😈, 味道唔错, 38蚊都几抵😊红莓士多啤梨茶🍓☕, 食完正餐点都要饮番杯餐茶, 非常香嘅红莓同士多啤梨味, 饮落去微酸带点甜为晚餐做一个结尾😊总结: 食物质素几好, 服务同环境都唔错, 价格合理嘅餐厅😊😊👍🏻 继续阅读
(以上食记乃用户个人意见 , 并不代表OpenRice之观点。)
以黄色做主调o既楼上西餐/cafe,一面有住大片玻璃窗可以居高临下欣赏到弥敦道o既夜景,气氛唔错。有得散叫,亦有晚餐同二人set,我地点o左一个精选二人套餐($448 未加一),因为朋友计过,会比叫两个餐再补回头盘甜品平大约$50。是日餐汤系杂菜鸡汤,因为系西式o既煮法,唔会话好似中式老火汤咁浓鸡味,味道接近罗宋汤,但系无蕃茄。除o左汤之外,仲有一片蒜蓉法包。头盘可以六选一,有沙律、特色薯条同鸡翼等等,我地拣o左英式炸鱿鱼圈,酥炸o既外层,点埋沙律酱灵舍好食~主菜可以拣安格斯牛扒、黑毛猪或者羊扒,因为羊比较少食,所以嗌o左纽西兰羊西冷.露丝玛利烧汁。好香羊酥味,讲紧唔只系未食o个阵闻上去,而系食完之後齿颊之间o既留香。相比起用上露丝玛利亦都即系迷迭香调制o既烧汁,个人觉得那绿色o既薄荷酱更加惹味,味甜而带微薄荷芬芳。羊扒附有一份生菜、西兰花同埋焗薯,生菜淋上o左黑醋汁,味道酸甜,而个焗薯就真系激好食,有少少类似茄子一样咁腍,同埋好多油,真系好香口,我都朋友都一致俾满分!跟餐有一个饭或者意粉,点o左龙虾汁大虾露笋意大利饭。d 虾略嫌有少少乾身,同埋个别o既露笋有渣,但仍然算ok,尤其龙虾或者蟹类不知为何好多餐厅都好容易整得好咸,然而呢个risotto 则够味得o黎唔会。甜品系西班牙玉桂条伴雪米糍,虽然上到台系忌廉垫底o既云呢拿雪糕。朋友之前真系o系西班牙食过呢只churros,感到好怀念。玉桂棒口感似沙翁但结实一d,一样都系蘸满糖粒。佢本身微温,同雪糕形成对比,亦都可以一齐食。最後两杯餐饮,我地都不约而同,想饮english tea,一杯叫o左lemon & ginger,另一杯则系earl grey。 继续阅读
(以上食记乃用户个人意见 , 并不代表OpenRice之观点。)
今天到救世军捐赠物品,顺道在油麻地午餐。看到这楼上铺的午市餐牌,一心以为楼上的餐厅会较少客人,谁知仍然有七成客!大都是同声同气的香港人! 可能真系很美味吧!就座後,要选择菜色了! 下单後,就要先去清洁双手。 餐汤和蒜蓉包        香煎纽西兰牛扒 配薯菜    牛扒肉质纤维很明显,肉质结实,下刀时要比力。肉质唔霉,估计没有用梳打粉乸过。 薯条是刚炸起,热辣辣,外脆内软。心中完美的薯条:二种口感同时存在。   烧牛肉柚子沙律  这几天的饮食都是高糖高脂肪,很邪恶,所以选择沙律扮健康。   上方排得靓靓的牛肉=自助餐冻肉盘的烧牛肉,还有那健康的青瓜丝。沙律菜:狗牙菜,罗马生菜,但没有柚子。Dressing是柚子醋&黑椒,味道酸中带咸,配烧牛肉,很和谐。  这碟沙律已经很多菜!无奈,小米把全部伴碟的沙律菜都交给我,自己就等於进食好多好多菜菜了!红桑子草莓茶 Strawberry & Raspberry Tea  午餐包一杯34元的饮品。   在34元热餐饮之中,这个红桑子草莓茶也许不含咖啡因,幸好小米看到是红色的水果,就接受这款莓莓茶。 真身:红色的茶汤很美丽。而小米最开心一刻:把整包砂糖倒进茶杯里!享受那甜中带酸的<莓莓茶>。 自己另外加4蚊,来一杯黑啡,无糖无奶系列,够健康。在用餐期间,听到其他客人温文尔雅的对话,都是专业人士用语。充满着科学性,技术性,医学范畴。在妈妈的角度:要努力培养小米,希望小米长大後,有如此的视野和学识。而在十八廿二,花样年华的角度:笋盘呀! 继续阅读
(以上食记乃用户个人意见 , 并不代表OpenRice之观点。)
等级4 2019-08-28
945 浏览
呢间餐厅嘅入口比较难搵,但系里面真系充满惊喜!里面嘅灯光黄黄地好温暖,而且有好多食客,大家有倾有讲,好不热闹。我同朋友两人一人带咗一个餐,分别系苏格兰比目鱼扒同埋香蒜白酒蚬意大利粉。先来一个餐汤,个餐汤可以加$28转龙虾汤但我哋冇咁做,只系饮咗个红汤,佢再跟一块蒜蓉包,细细块食有落去几香。跟住个意大利粉真系超乎我想像啲蒜蓉爆得好香!一片片炒到黄金色,仲有其他香料令到整个意大利粉更为出众!而且蚬肉连珠壳,数量好多,只只size都好平均。比目鱼扒更加令我非常惊讶🙀!块鱼点解可以咁滑?滑到就嚟只叉都接唔住,真系好夸张,但系我又冇夸大,未到仲要系超好食。嘢饮每人跟一杯,超过$34嘅嘢饮只需要补回差价,我哋每人带左一杯朱古力同埋咖啡。榛子朱古力净系个唧花,我都觉得好有心思,饮落去又唔会过甜,表面仲有啲榛子嘅碎块。另外我朋友叫咗杯冻嘅cappuccino,咖啡嘅味道好浓烈,大大杯可以慢慢消磨时间。仲有个甜品我可以话系圆满嘅结束,因为热辣辣嘅玉桂条再加上云呢拿雪糕,那雪糕正是我想要的味道,配上甜丝丝的玉桂条,满足了馋嘴的我。 继续阅读
(以上食记乃用户个人意见 , 并不代表OpenRice之观点。)
等级4 2019-08-13
1552 浏览
跟老公行街後想搵一处舒服的餐厅食饭,上网见到Plato食评唔错,今晚就系你啦!!闲日晚上7时多, 虽然时间尚早,但唔系净返好多枱,有好多枱已经预留俾订位客人。是晚两人共叫左2个套餐,因为套餐最抵食,价钱也十分相宜。跟餐是蔬菜汤,而餐包是香脆的蒜蓉包,刚上枱的蒜蓉包, 热辣辣的, 香脆可口。龙虾汁海鲜天使面HK$168这个天使面真的要赞一赞, 材料相当多, 有带子、三文鱼, 每款食材都很新鲜,所以整个面鲜味十足. 意粉软硬度适中, 龙虾汁精华更完完全全地沾满每条意粉,味道很好。西班牙黑毛猪鞍架HK$208猪鞍虽然不是很厚切的那种, 但肉质完全不嚡口, 超柔软, 而且有咬劲。肉质烹调得不会刚刚好, 肉质软稔, 口感柔软, 黑毛猪味重,再配合清香微酸的红桑子汁一齐食用, 刚好中和油腻感觉, 取得一个很好多平衡,这个推介必要试一下。饮品方面只包了一杯$34的饮品,就是热柠水或热柠茶,如果要叫其他饮品只需要补回差额就可以。 可以试一试这里的咖啡,冲调得还不错。 继续阅读
(以上食记乃用户个人意见 , 并不代表OpenRice之观点。)