影片
次次经过都冇入到去食。因为觉得个门面设计太特别哈哈哈好似比小朋友入去玩既地方咁。今次经过见附近冇乜野想食所以试trytry，佢既pizza都还可以，鸡翼系真系好好食！下次会再黎！
继续阅读
今日去呢间餐厅其实系比佢门口吸引左，门口既装饰太可爱！但当然有望下个餐牌先啦，手工制Pizza感觉唔错就去试吓！果然有惊喜!本餐牌既野食名，款款都别出心裁，好特别！我同朋友2个人order 左3款野食，本来想叫个辣肉肠pizza，可能太多客人叫，所以辣肉肠卖晒，但侍应话可以用烟肉火腿代替、就试一试!再叫左个海盐焦糖鸡翼，同埋卡邦尼意粉！呢个食物摆盘好得意，如果同小朋友一齐去一定可以令佢哋乖乖地坐喺度意粉个汁浓度同啱啱好，意粉有弹性唔会过淋，烟肉份量颇多，只半生熟嘅鸡蛋刚好，蛋汁流落意粉一齐更浓稠，洋葱软硬度适中！海盐焦糖鸡翼外层闪令令，咸中带点甜，味道几有趣实在太钟意呢个心形石碟，好想据为己有，其实摆盘靓已经令食欲大增！喜欢系旁边有啲沙律菜，唔使太油腻！芝士烟肉火腿Pizza等得比较耐，但系可以理解，证明真系人手即刻整, Pizza底好薄，好脆卜卜，番茄汁底，切Pizza个车仔真好得意，又加分🤭成个pizza 都布满晒芝士火腿，焗到金黄色，劲多芝士可以拉丝👍🏻咁足料既Pizza好少有呢！我地2个人都食唔晒！（当然要打包拎走唔可以浪费呢）
继续阅读
近近地，就在自家的店对面吃个便饭，这间Pizza Baby用上鲜艳颜色及可爱系公仔，非常吸睛，很得小朋友喜爱。远远已经看见门口这两个左右门神公仔店内也有不少公仔装饰，好一个欢乐气氛。用上小朋友餐具同口水肩雪中送蛋（$88）其实是温泉蛋烟肉意粉，份量意外地大碟，烟肉同意粉都下得很多，意粉弹牙，加上蛋汁实在不错吃。当深海鱼遇上薯仔（$68）呢款系是炸鱼薯条，炸鱼的炸浆略厚，入面的鱼肉嫩滑，酱料是芥末千岛酱？有点芥辣味又酸酸地咁。份量也挺多，只是油了点。忍者滚蛋（$168）还点了一个pizza试试，忍者嘛，顾名思义就是和风。薄薄的饼底上放了很多很多木鱼，还有就是烟肉碎、大阪烧酱和蛋黄酱，椰菜吃不到，但加了白菜干，可能无货代替的？味道还可以，但店员忘了给那架单车形的切饼器，只好随意撕烂食了。桂圆红枣茶（$24）朋友一向喜欢养生系列，呢个桂圆红枣茶啱哂，甜甜地几好饮，卖相也靓靓。英式田园（$32）是加了青瓜果浆的柠檬七喜，冻冻的几解渴。食物味道ok，份量合理，价钱稍为进取，而且小店人手不足，出品有点混乱，避开繁忙时间去应该会好一点。不过嘛，小朋友喜欢就好，无所谓啦。
继续阅读
我好耐唔时就会去红桥，估唔到原来开左间pizza店，系同区里面多左个选择。朋友话今日唔肚饿，为左唔好浪费食物，我地叫左个双层巴士pizza同埋手撕麻麻G沙律，到唔够饱先再叫野。个menu玩味十足，连外墙、装饰、布置、食具都有谂过，睇得出间店好有心意。我好唔好彩个pizza无晒辣肉肠，用左烟肉同火腿代替，不过竟然有惊喜! 首先，个pizza送到黎好吸引，有一把单车型嘅pizza刀；其次就系佢热辣辣同好脆嘅外边。佢d芝士超级多，厚厚的一大层，芝士控真系不能抗拒! 而且佢地用料充足，每一口都有配料，个味唔会得芝士味抢晒~最后我地竟然食唔晒，想打包。不过个staff话基于卫生问题，唔俾带走。隔离台2位男仕叫左1个pizza，2个意粉，2份小食。搅到我心郁郁想下次黎试埋佢d意粉添....
继续阅读
喺附近做完野，见到呢间pizza baby门面好吸晴，真系好大只baby坐左喺门口，而全间铺头系用左粉红色做色调，满足爱自拍嘅少女黎打卡影相。入面装修都几温馨，好似出席紧一个小baby嘅百日宴咁，墙上有好多自已画嘅图画同自拍，感觉亲切。Menu好得意，菜式名称唔系一般普通名，改左d会令人会心一笑嘅菜名。配合埋手绘图画同文字，好有心机。值得一提系佢有个一次性嘅围肩，岩晒食野污糟嘅猪呀～超体贴，又配合餐厅主题，baby都会用口水肩，哈哈忍者滚蛋，个名真系好得意，猪落order时都忍唔住少左。pizza成个卖相俾我地嘅感觉系:大~阪~烧~上面铺左好多木鱼丝，中间有满满嘅日式酱汁，传黎日式小丸子嘅味道。材料方面有椰菜同烟肉，椰菜份量好多，所以pizza唔会觉得漏。饼底方面唔会厚，而且焗到岩岩好，饼边好香脆。要讲下架单车，系切饼用，好可爱。叫左个蜜糖芥末鸡翼做餐前小食，卖相好吸引。鸡翼炸过，所以食落卜卜脆。有蜜糖味，甜甜地，加埋唔会太辣嘅芥末，非常惹味，系个好好嘅配搭。日出时分系一杯用士多啤梨同热情果做嘅梳打饮料，甜甜酸酸，好味道又非常解渴。
继续阅读