影片
开饭介绍
邻近时代广场的酒吧，其世纪中期现代主义装修打卡一流。主打客制化的鸡尾酒，更定期安排现场爵士音乐和DJ表演，是和朋友轻松畅聚之选。
继续阅读
营业时间
今日营业
18:00 - 04:00
星期一至日
18:00 - 04:00
以上资料只供参考，请与餐厅确认详情
有关奖赏计划
因为星期五约咗几个朋友上去，happy friday都知多人㗎喇，所以前一日book定咗位，上到去就有位坐啦。😎Cocktail好好饮，第一杯饮negroni🍷，classic够正宗，第二杯tailor made要tea/fruity🍹，bartender做咗一杯铁观音Gin/berry/梅酒/lime leaf，好有层次有balance 有惊喜！😋😋😋同埋staff服务态度好好，一定会再返嚟！
继续阅读
今次已经系第二次去依间酒吧！位于铜锣湾嘅中心地带最啱食完饭同朋友过嚟一齐饮杯嘢倾吓偈上次过嚟都已经好钟意呢度嘅气氛员工服务态度亦好friendly同贴心Cocktail 不但外观靓，而且好啱我口味😋今次叫嘅呢杯叫《Golden Time》用Rum嚟做base入面仲有加Sherry Wine、菊花同埋薰衣草🍸原本怕酒味重嘅我 都觉得好易入口～评分：8/10去嘅时候咁啱系假日前夕比较热闹如果冇订位可能需要等一等位不过企住饮又系另一种feel💕
继续阅读
首先我哋3个人惊冇位已经打咗电话去book位 喺电话度实牙实齿同我哋讲有bar枱嘅位 咁我哋就信佢专登搭咗几个站地铁过去 去到竟然同我哋讲收银枱执开就系Bar枱？！🤮🤬开头个四眼西装经理懒系热情扮晒有礼貌咁样问我哋想要啲乜嘢类型嘅cocktail 跟住好似一知道我哋唔系Shisha 消费唔够多就即刻态度恶劣到爆🤬🤬求其之后无啦啦俾咗一张凳我哋就算🤮点坐啊跌出嚟啦🤬系咁问佢几时可以俾多张凳我哋 我哋仲要好声好气提多次佢话我哋打嚟𠮶阵都话有位点解而家冇 跟住仲要扮晒嘢话咩𠮶阵真系有位 你唔系suppose人哋打嚟book位你就要帮人留位㗎啦咩🤬最后仲劲鄙视咁赶我哋走 见到我哋饮到差唔多啦都唔会再问佢有冇位坐啦 就即刻过嚟话帮你哋收咗个杯先啦🤮🤬cocktail 又唔系特别又唔系平 完全唔值得花时间去破坏你美好嘅收工同朋友聚嘅心情👎🏻👎🏻👎🏻
继续阅读
我地Happy Friday一行4个人，打左电话book左位，入到黎四眼经理话要等一等，结果我地4个人饮哂野同nuts 都仲未安排到位子🤬如果明知无位就唔好叫我地落单，完全系欺骗顾客 😡👎🏻求其一个空位摆到杯细细杯野饮就话系位，之后多次问经理几时有位子佢都匆匆了事扮到好忙，最后安排左1张凳俾我地4个人坐，态度非常恶劣，唔好意思都无一声😡🔥Cocktails 方面非常普通，饮品细杯且无卖相🤯性价比极低👎🏻完全唔值得百几蚊去买一杯细细杯嘅酒而且受气嘅Bar😠😡👎🏻！！
继续阅读
之前已经想去买呢间Bar，而有一次上到去，因为太多人，所以同我地讲要等好耐先有位，咁我地就离开了。今次我地特登早左半个钟打去间bar，book定3人位置，佢当时嘅回覆系「可以啊，不过得吧枱。」然后我就问「如果吧枱有冇得坐㗎？」佢答「有。」当我地到左酒吧，佢就同我讲话无位，要我地企住喺佢收银个位，但佢完全冇提及过会唔会有位，而我哋谂，既然有book到位，应该等一阵就会有位俾我哋啦。咁我就讲我地叫住饮品等啦。结果我地叫哂野饮之后，佢就无在理过我地，完全无谂住比位我地坐。有人迟过我地黎，都可以比左位人地先。之后我地见佢比左位人，所以有一张凳空左，所以我哋就拎咗嚟坐。呢个时候，我地已经等左接近45分钟。而我哋一直到到走𠮶一刻，都系三个人坐住一张凳仲要呢张所谓既凳唔系佢安排比我地。佢经过见到我地，有讲过话会比多一张凳我地，结果又等左15分钟，佢完全无左件事。我再问佢，佢就话「安排唔到架喇，full哂架喇。你打过黎𠮶阵系真系有位既。」我听到呆左。如果佢系book左都唔会留位嘅话，咁正常做法应该系直接叫我地walkin睇下到时有冇位啦，边可能应承完人，然后就突然话冇。呢个经理系完全没有悔意，而且连一句唔好意思都冇讲，好似理所当然咁。自己就开开心心咁喺隔离比啲熟客坐先。我唔知佢呢位所谓既经理（四眼，西装）系咪有意为之，佢完全系差别对待，而且得过且过。个经理笑笑口叫客人消费完就不再理会，完全不知所谓。除左服务，饮品都唔好得去边。叫佢要fruity, 偏strong都可以，佢够胆调一杯mild既比人。。咁不如你唔好问人啦。。然后叫佢要整杯refreshing，可以passionfruit做底，佢整左杯焙茶味既比我地，又系搞咩？Mocktail唔写喺menu，叫完发现收$118一杯，而cocktail都只系$128。唔到买单都唔知可以咁贵呢间就算几多人介绍，我都唔敢再去。成日要人等。
继续阅读