Pin To Thai

营业中

休息中

🔥雞肉串燒；雞肉嘅部份唔會燒得太乾，價錢嚟講，我覺得都合理，而且即刻叫佢即刻做，我覺得呢一個都做得唔錯，加埋餐廳自家製嘅沙嗲汁，成個味道更加好食，鍾意食雞肉串燒嘅朋友真係不能夠錯過！🔥蟹肉奄列飯，亦都係即刻叫佢即刻做，非常多蟹肉，而且同雞蛋嘅味道非常夾，餐廳亦都加咗另外一隻自己嘅辣椒醬，整體令到成個口感更加好食，價錢嚟講唔算太貴，$82，我覺得非常值得試！而且份量都好多，我哋都差啲食唔晒！即叫即炒！正！

可惜 可惜 原本幾好食 服務好好 自從轉左另一個收銀員（皮膚較黑又比較肥） 服務差咗好多 冇禮貌 成日發脾氣 態度唔好 而家個收銀員 唔nice又唔笑 黑口黑面 呢間店之前冇乜人知 服務好好 而家旺少少就變咗 我食過幾次 第一次見呢個收銀員已經服務好差今日第二次見佢 決定唔會再嚟炒菜 之前好有鑊氣 而家炒到腍曬收銀同櫃面同一個人 好唔願意做 成日拖慢進度 入邊煮嘢嗰幾個出嚟幫手晚餐落單 間舖得幾個客 都可以唔記得咗落order總括嚟講 普普通通 小店都咁巴閉 冇服務質素 真係唔需要再去香港飲食業明明改善中 但係有少少生意 就包埋好差的服務態度呢啲風氣 真係太差唔想受氣 真係唔好去

本身對哩間餐廳都充滿期待，因為係社交媒體網站到見到有foodie推介，話佢係泰國菜平靚正之選，事先都有係Openrice睇左食評同相，決定專登抽個weekday黎試一試！黎到餐廳我叫左lunch set既泰式豬頸肉飯，但上左菜之後就係換黎無限既失望。啲豬頸肉勁薄勁細塊，仲要唔多，完全同係Openrice見到其他人影落既泰式豬頸肉飯有好大分別(真係有比較有傷害，大家可以自己睇黎比較下😵)，完全食唔飽。而味道都係正常普通，係香港一般泰式餐廳都食得到既味。結論：唔會再黎😑😑

灣仔 $70內有交易嘅泰國菜小店😮高質抵食‼️Pork Boat Noodle Soup 泰式豬船河($68)船河有5種麵底可以選擇‼️河粉,金邊粉,米粉,粉絲,蛋麵。睇顏色就知湯底好濃,飲落去有種好青甜嘅牛味,豬肉份量不少而且唔會過熟,肉丸就不過不失,冇咩特別,仲加左啲炸脆片,浸湯食好好食,吸收曬湯嘅精華,通菜新鮮爽口Grilled Pork Neck on Rice 豬頸肉飯($68)豬頸肉嘅油脂分佈平均,食落感覺到好香嘅油脂係口入面散發出嚟,送飯一流.另外加咗嗰omelette有鑊氣又唔油店員都幾nice,店員同廚師都係泰國人,味道正宗,食物選擇都好多,有船河,炒飯,炒河等等.唯一缺點係地方比較淺窄,堂食的座位只有九個,所以排隊都會排得比較耐,想食嘅朋友要有心理準備🥲食物質素:4/5回頭率:4/5性價比:4.5/5服務質素: 4/5📌Pin To Thai 灣仔船街48-50號地舖港鐵灣仔站B2出口,步行約4分鐘營業時間星期一 全日休息星期二至日 12:00-22:00

去開灣仔搵嘢食 見到呢間小店排咗一條龍就決定試一試呢一間泰國菜小店環境比較細 應該係主打外賣 座位唔多食物性價比好高 可以媲美其他$100up嘅泰菜✨- 炸春卷炸春卷係熱辣辣啱啱炸起 份量都足夠唯獨餡料較少 但作為一份餐前小食都唔錯👍🏻- 泰式炒香葉辣肉碎配白飯呢碟炒辣肉碎真係必叫！肉碎份量好多 調味適中夠香辣煎蛋亦都做到流心效果 撈埋一齊食超好食😍- 豬頸肉炒飯以味道嚟講 呢碟豬頸肉炒飯係成餐最驚艷豬頸肉彈牙 而炒飯亦都帶有淡淡胡椒味鹹度適中 差唔多每一啖都可以食到豬頸肉好推介大家試一試

😋😋😋😋😋😋only compliant is the place is too small. sitted in small bar table, all self serve. but they made really good food. i hv no idea such small kitchen can producr thats good variety food.i order two dishes think 3, lucky i didnt. the portion is sooooo big. better than 九龍城area thai food. quality good taste hv 80% of samsen. already full mark in my marking sheet. +15$ hv a omelet eggs. crazy big i guess at least 3 eggs inside. sooo full finally. thei see-eww is so chewy and good. chicken tast

同事介紹一間細細間既泰式粉麵飯小店，讚不絕口。終於的起心肝去試一次，由於店舖只有幾位堂食位，所以都要排隊堂食。好彩都好快排到，佢有lunch set 亦有散叫，炒河炒飯只有散叫。今次叫左蟹肉炒飯，佢地無明火煮食但炒飯都好有鍋氣，量又足，完全夠飽。80 蚊性價比高

常說秋冬季節會食慾大增，不過氣溫多變，間中還是令人倍感疲憊，影響胃口每當此時即想起泰式風味，想像以其酸甜香辣喚醒味蕾然後在某假日晚上，待友人自主OT之後（對，就是如此Workaholic），趕到Pin To一洗悶氣主戰外賣，小小店面只設約十個座位，早到早享受，亦見有部分來客果斷轉外賣了雖說並非促膝把酒傾通宵之地，但店家人手有限，出菜需時，不擔心要趕喉趕命濃香四溢的椰汁雞湯　Chicken Coconut Soup　$75，富有椰奶豐潤感，以適度酸辣解膩香茅香葉味突出，不會僅有椰香專美，湯中亦不乏雞柳，肉瘦不鞋口，喝罷比想像中更易飽肚稍烤至邊脆的燒豬頸肉　Grilled Pork Neck　$65也甚討喜，而且份量頗足微焦蜜甜中滲油脂香，沒有半點膻腥，嚼感彈爽未至乾柴，蘸汁愈冶味，淨食也不失色至於泰式濕炒河　Stir-fried Flat Noodles with Gravy Sauce　$68就不過不失，說不上驚艷配料可選豬、雞或蝦；為保幾分清新，我們選擇雞肉炒河，伴煙韌滑河粉無懼飽滯但由於炒河裹醬兼略油，所以必須趁熱，趁其鑊氣香味尚未消散時享用

😎位置方面，喺灣仔船街，地鐵站行過去大概1分鐘，非常方便！😎食物方面，今日午餐時候去，叫咗兩個唔同嘅飯，一個係肉碎炒蛋飯，令一個係豬頸肉飯！肉碎炒蛋飯做得非常出色，同泰國嘅味道完全一模一樣，肉碎非常香，再加埋小辣！更加開胃！加埋雞蛋食，簡直係非常match! 豬頸肉都唔會太肥，送飯一流！朋友都非常鍾意！覺得好食！😎價錢方面，lunch set每人$65，不包飲品，如果想加飲品另外加$10，亦都有其他小食提供！

同朋友喺船街食飯，未有食飽，發現呢度好多人排隊，落嚟睇到好餐牌好吸引。即刻沖入嚟試吓。未諗到呢個價錢都可以喺灣仔食好正宗嘅泰國菜！虎蝦金邊粉彈彈牙，豬肉船河湯汁濃郁，下次都會再嚟幫襯吓其他嘢！豬肉船河入邊有脆片，有三種層次嘅口感，即刻食脆卜卜，加少少湯同埋全部浸湯汁口感都唔同。豬肉片好薄身湯底濃郁。亦都可以加埋自己嘅個性化設計，我揀咗蛋面，其他河粉米粉，金邊粉都有得選擇。舖頭雖然面積不大，但都實際溫馨，供應香茅水，好飲！

中午經過灣仔見到有新泰國菜，睇咗OpenRice feedback都好似唔錯就入去試吓。可能早入到去大把位，見到lunch Menu都唔錯，60幾蚊都好多選擇，但係冇泰式金邊粉，泰國菜點都要試吓金邊粉，就知道間嘢嘅實力，散叫$68唔係爭好遠，就決定一試.蝦金邊粉蝦，泰國菜嘅金邊粉都係平碟上，佢佢係深少少碟，但份量其實足夠。食第一啖嘅金邊粉嗰種酸酸嗰種味係我鍾意嗰種，仲有濕濕地非常好味，蝦好似有三隻以上雖然有殼但感覺係新鮮蝦，值得推介。試臨走前出邊已經要排隊，下次會嘗試吓去個lunch set Green curry.

週末本來計劃的出行，詎料被一場紅雨打岔，侷促於一室之內，未百步輒返，唯有買外賣。電話落單，二十分鐘便可取到。我們要了五樣食物，每一盒都裝得滿滿的，非常吸引！炒芥蘭有些蒜粒、紅椒絲等，芥蘭相當爽脆，而且炒得夠透，令芥蘭的清甜更能突顯。沒有數到有多少條春卷，總之勁多！咬下好脆好脆，豬肉、甘荀、木耳和粉絲餡更是滋味！炸雞目測起碼有半隻雞，脆皮近乎極致，雞肉仍保持軟嫩，蘸點雞醬，是追著來吃的！豬肉乾炒河豬肉很多，河粉是較為濶身的，滑溜分明，此外還有芥蘭與甘荀片相伴，好食。三大串牛肉沙嗲，牛肉燒完仍然不柴，襯著沙嗲醬，勁惹味。這餐紅雨外賣，十分滿意。

呢一間泰國嘅餐廳喺大王東街開咗大概都已經有一年，近排終於同朋友過去食咗佢嘅堂食，今日係朋友灣仔屋企新居附近玩，就決定推介佢哋識吓呢一間餐廳小店，餐廳所有要負責人都係泰國人，非常原汁原味，佢哋亦都非常友善，今日就外賣左返去食！首先推介佢嘅蝦餅，熱辣辣，有六件，加埋泰式辣醬，成個口感就非常好食，而且爽口彈牙，作為小食嚟講真係冇得輸🙈 豬頸肉沙律都非常推介，非常多，加埋沙律嘅配搭豬頸肉冇咁油，鍾意食泰式沙律嘅朋友都可以一試！豬肉奄列飯，係用泰式嘅豬肉奄列做法，口感非常厚，好似食緊蛋餅咁，而且味道條配都做得唔錯！泰式炒河，鍾意食泰國嘢嘅朋友點少得叫呢一個，非常有鑊氣，而且味道亦都正宗！

就在住处楼下的一家小泰国菜，超级小，感觉主要是以外卖为主，堂食的话感觉只能作不到10个人。半开放式厨房，可以看到每一道菜的制作过程。个人比较喜欢 金边粉 和 炭烤猪颈肉 ， 海南鸡饭 不太推荐因为鸡没鸡味。支持各种主流支付方式。

身為灣仔區嘅街坊，見到呢一間新嘅泰國餐廳，裝修到非常新淨，餐廳位置位於船街，five guys對面！餐廳位置唔大，我估佢主力都係做外賣，餐廳位置大概只有三至到四台！係半開放式廚房，隻眼可以望到入邊嘅廚房！ 睇落都非常乾淨！我哋今日叫咗幾個唔同嘅菜式，串燒來講都非常好食，我哋叫咗兩串雞肉同埋兩串豬肉，唔會話有個燒得過熟，火候控制得好，再配埋佢嘅沙嗲醬簡直係一流！另外叫咗一個大蝦沙律、調味上都做得唔錯，每一隻蝦都非常新鮮，隻隻都爽口！作為前菜，非常開胃！！ 之後幾鍾意食佢嘅肉碎奄列，上枱嘅時候熱辣辣，口感亦都非常厚實！朋友都非常鍾意食！我哋就叫左青咖喱雞，再加一份薄餅，青咖喱入邊都有好多唔同嘅配料，令到口感嘅味道昇華！再配埋酥脆嘅薄餅，其實非常好食！薄餅每一份$20亦都唔係太貴，而且仲有六件，CP值 高！ 呢一間餐廳嘅收費來講灣仔區其實唔係太貴，我哋三個男人都係食咗$400，非常抵食！有機會一定會再嚟叫外賣！