Pier 1929

营业中

休息中

自從開咗會展站之後多咗喺嗰度出入，亦都多咗約朋友喺灣仔食飯！ 上星期竟然比我發現原來會展站旁邊嘅灣仔碼頭上面有間勁有view 嘅餐廳! •就係Pier1929～ 所以就同朋友一齊去咗食lunch， 原來佢哋而家都做緊一啲午市嘅商務優惠套餐！ 只要係兩個人以上就可以叫呢個套餐食㗎啦～ 一坐低超鍾意佢哋嘅環境啊，因為有個勁大嘅玻璃窗可以望到成個維港～ 而且樓底好高，成個感覺都好舒服💖佢哋係全港唯一一間可以270度水平看到海景既餐廳！ •我就同朋友叫咗個商務午市套餐三道菜💖淮山杞子螺頭燉雞💖頭抽葱燒銀鱈魚💖日式牛肋條身體差嘅我一見到燉湯就非常之開心，入口超暖心而且裏面嘅食材真係好豐富感受到廚師嘅愛心～超級濃味，唔會係嗰啲溝水嘅燉湯！我自己呢就勁鍾意佢哋嘅銀鱈魚，做得好好首先就係佢哋嘅餐具全部都係熱辣辣嘅我哋影完相食物都仲係依然有溫度！ 銀鱈魚做到外脆內嫩～ 魚肉超滑然後再用佢送飯真係冇得頂呀！ 而日式牛肋條就啱晒鍾意啖啖肉嘅朋友，分量超多，加上佢係一個有餸汁嘅菜式，所以配飯基本上係可以100%清晒！唔係講笑，就係食完我都有少少唔捨得走，因為坐喺嗰度嘅環境係超舒服💖～

同閨蜜放假去咗灣仔碼頭呢間超靚嘅餐廳🥹可以望住維港海景同埋會展 除左西式午餐 估唔到仲有中式套餐 仲有hightea添 絕對係打卡談心好地方😌我地一人叫左一個西式Lunch set 價錢$198起 以海景餐廳嚟講價錢唔貴 仲冇用餐時間限制 坐半日都抵返😝午餐每人包1個Starter（可選餐湯或沙律）& 1份MainCourse & 1杯飲品餐湯係濃郁香滑嘅蘑菇湯🥣好味 唔會好稀或者好稠餐包似係意大利嗰款Focaccia佛卡夏 幾鬆軟 帶有橄欖油嘅香氣主菜就叫左黑松露燴牛肝菌寬條意粉 & 意式焗茄子千層意粉好有口感 醬汁嘅黑松露同埋菇嘅味道突出 好食😋焗茄子千層係素食 原來係用左茄子代替千層麵 茄子脆脆地 中間就軟身 口感得意 配埋巨量芝士味道好濃郁飲品方面推介嗌熱茶 因為茶壺超級靚🫖有種英倫風hightea嘅感覺

灣仔碼頭原來有呢間餐廳～可以270度無死角欣賞維港靚景！假日人流唔算多 可以好𝒄𝒉𝒊𝒍𝒍咁邊食邊望海景午餐有中式西式𝙢𝙚𝙣𝙪 人均$200已經食到 ʢᵕᴗᵕʡ 服務仲好好.午市套餐 𝑳𝒖𝒏𝒄𝒉 𝑺𝒆𝒕 𝑴𝒆𝒏𝒖 $198起✿ 是日餐湯或沙律｜餐包｜咖啡或茶✿ 主菜｜黑松露燴牛肝菌寬條意粉｜意式焗茄子千層甜品]意粉口感不錯 煙韌掛汁 雜菌同黑松露味都好濃郁素食版千層麵非常特別 以茄子代替麵條 焗得脆口配上濃厚𝑷𝒂𝒓𝒎𝒆𝒔𝒂𝒏 𝒄𝒉𝒆𝒆𝒔𝒆同蕃茄醬 不輸一般嘅千層麵喔熱茶以原壺奉上 茶具典雅 別有一番風味～餐廳可以變派對/婚宴場地 當日仲見到有𝙖𝙧𝙩 𝙟𝙖𝙢𝙢𝙞𝙣𝙜活動啊

因為書展第一次踏走灣仔碼頭原來二樓有餐廳pier1952 餐廳樓底超高加上全落地玻璃可以270度睇晒成個維港兩邊有小酒吧同open kitchen 薄荷綠色樑柱極有氣派撐起空內整個空間感地理位署優越，完全係辦活動宴會嘅地方來串門我就簡單食個便餐哈哈平日這邊有lunch n dinner 與餐廳無異但勝在有個靚海景Menu有中式與西式套餐My vote goes to the later one 坦白講辦宴會嘅光環下中菜反而更不可能馬虎午餐三道菜燉湯杞子淮山螺頭燉雞足料到不得了肉多湯甜但唔會油膩兩道主菜各兩項選擇我心水嘅係蔥燒銀鱈魚與日式牛肋條前者睇到大厨功架魚外層粉漿透薄薄脆外層包著魚肉仍濕潤煎魚我畀90分進步空間係可以再少油一啲至於後者炆煮牛肋夠軟腍入味兩道菜餸白飯好夠飽足望望海再望望價錢與三道菜如果想揾間decent 餐廳食個便餐呢間合適

每次從灣仔下船都會被旁邊的餐廳吸引，前一陣子發現餐廳換成一家新的餐廳，走到盡頭是餐廳內部，這個270度海景的餐廳，加上非常高的樓頂真的會被驚豔到！最近餐廳推出商務中西餐，西餐很多地方都有，但中餐一般都比較少見，立刻來試！中餐有三道菜和六道菜套餐，需要兩位起：🔸淮山杞子螺頭燉雞用這一口湯作為午餐的開始絕對是很好的開頭，湯的材料非～～～長多，多到幾乎塞不進湯匙🤣每一口都是濃郁的味道，好喝～～🔸頭抽葱燒銀鱈魚銀鱈魚燒到外皮有點焦脆，頭抽的鹹香恰當地滲透在面層，裡面魚肉依然嫩滑保持原本的魚香，很下飯。🔸日式牛肋條醬汁帶微甜，份量很足，紅蘿蔔也吸滿醬汁，把汁加點在飯內，大概會讓你吃下兩碗😆

I really want you to stay in business but the food really did not help. We had the set dinner for my birthday meal and,The daily soup (minestrone) lacked in taste it’s even worse than canned soup.The iberico pork and the salmon main courses were also lacking in any taste and the pork was hard even to cut not to mention to chew on.我真係好想支持你哋但你咁難食我真係接受唔到

之前行過碼頭見到呢間餐廳好似有啲特色，所以今個情人節男朋友就book咗呢間餐廳食晚飯，去到門口覺得都幾靚，由門口行到去食嘢位置個走廊都覺得幾靚，入到去安排座位，可能唔夠其他客人咁早book位，所以冇安排到坐窗口位，唔緊要啦，都望到海景👍🏻個玻璃反射餐廳入面嘅心心圖案，都有啲feel嘅。我哋book咗7:00 pm, 坐低之後，陸陸續續都見到好多情侶入座，但我哋七點坐低之後，直到8:30左右先起第一道菜，我哋真係以為要叫先起菜，眼見在場好多張枱都同我哋一樣，第一道菜都未上，由於係訂咗情人節set dinner，所以廚房應該會好好做，出菜應該亦都會好快好暢順，點知我哋坐咗差唔多兩個鐘，淨係食到一碟，亦都冇順次序咁上菜亦唔緊要，當時嘅我已經餓到牛都食得落，你比咩我都食😂😂😂在場亦有live Band表演紓緩吓氣氛，雖然嗰日係情人節俾啲時間機會陪吓自己嘅愛人，但時間實在太長，亦都有客人唔耐煩大聲投訴，其實知道唔關侍應事，但廚房實在太亂，出菜太慢，唔知道係咩原因導致嗰日既安排咁失策，total嗰晚我哋食咗三個半鐘有多，好彩冇買飛睇戲，如果唔係一定成肚氣😆不過餐廳店員態度保持良好嘅，亦不斷有道歉，

Chef Ecy’s Dining Experience:🥰 Food | Ambience | Service | Price | Easy Access | Restroom Cleanliness | Wheelchair🙂 Easy Parking😠 Pet Friendly | Corkage Fee | Cake Cutting FeeThis hugh restaurant is located on the Wan Chai Ferry Pier in Wan Chai. It is accessible by ferry or bus or MTR. It is just 1-min walk from Exit A2 Exhibition Centre MTR Station. If you drive, there is no parking lot around but there is one in Convention Centre with a fair distance walk. I am impressed by the ambience o

這一塌糊塗的餐廳破壞了許多人的情人節。很懷疑餐廳是否收了超出capacity的booking，餐桌放得密密麻麻，猶如置身大x樂/大x活，人聲鼎沸，就算有維港夜景也營造不了情調。服務是核爆級災難。Set dinner吃完一道菜平均要等20-30分鐘才有下一道。有人呆等了7、8個字才有東西吃，有人遲來卻可以先吃，真匪夷所思侍應們似乎很不熟悉餐廳運作，常常捧着餐盤惘然遊走，不知道要去哪枱上菜。後來客人愈來愈多，他們也徹底迷失了，完全不知道每枱的上菜進度，更反過來問客人應該上甚麼菜，完全是一片混沌。千呼萬喚始出來的食物，色香味平庸，少得可憐的份量充飢也未必夠。放眼所見的情侶多是木無表情或黑口黑面，完全體會到何謂貼錢買難受。有Live band和Magic show，或許有人有心情欣賞？反正我是沒有。翌日餐廳在whatsapp道歉，並offer了一個免費的下午茶套餐作補償。 見過鬼怕黑，不了。

去度餐廳坐下約7點左右，坐下後約30分鐘後才上第一度菜，等到8點15分仍未上第二度菜，上菜極度之慢。此外，遲來餐廳的客人則先可上菜給他們享用，要追問及投訴上菜的情況才稍為有些少改善，引致很多客人鼓譟及極度不滿。另上甜品拼盤 (一個供2人一同享用) 更沒有提供餐具，侍應放下甜品便走開，要問侍應才提供2隻匙羹，其他餐具要再問之下才提供。原本2月14日是一個開心浪漫的日子， 但被這間餐廳的服務質素完全破壞了，連影相的心情都沒有了。說真的食物只是一般 (其實都預咗)，但感覺這間餐廳好像完全沒有衡量過可供應多少客人的用餐量便接受這麼多客人的訂枱，真的對這間餐廳非常之失望。之後應該唔會再去這間餐廳了。

Book枱19:00準時到 。20:00才黎第一個頭盤 。再過45分鐘才黎第二樣 。份量少都不在話下，有個頭盤兩個人才分一隻蝦。笑左 。仲要等足一小時45分鐘先有一隻蝦比我哋分 。職員話今日廚房唔知做咩 。我就真係唔知佢做咩 。現場所見有枱係同我哋一樣慢，但有啲啱啱黎已經即刻有得食 。明顯係管理嘅問題 最後埋單都用咗半個鐘都未嚟 結果要自己出去黎單 。$1314一個情人餐 。黎得慢 。份量少得可憐 。仲要越食越餓 。真係呢一生一世都好難忘記 。現場live band唱歌一般 。係魔術表演有小小氣氛 。附帶一講 。唔知點解 。上菜有待應 。待應數量足夠 。但不明白怎樣會有些不是侍應的人做上菜 。例如一個好似剛送完貨嘅職員

勁差既情人節體驗！完全食到d客人都黑口黑臉！10個差評食物鵝肝系凍既，龍蝦湯系苦既埋單都要等成半個鐘中途仲要有4個侍應輪住問上齊菜未！我食左成3個鐘呀，仲要1人餐扮2人餐仲要d野食小到可憐，仲要吾好食！破壞曬人地既情人節！

本來打算情人節開開心心的，結果是非常糟糕的體驗。環境很冷，上菜速度超級慢，菜都是冷的。態度也很差。。。以後堅決不會再來！浪費錢浪費時間，還影響心情，要不是提前付款了真的直接拍屁股走人！！！

今日同同事嚟Pier 1929食午餐，270度海景餐廳，非常光猛，特高樓底，空間感十足。我點咗西式午市套餐（$328）：餐包：甜餐包端上嚟時，還暖暖哋，香氣撲鼻，還配上鹹香牛油球，味道唔錯。是日餐湯：熱熱的西蘭花忌廉濃湯綿密幼滑，飲落去每一口都係西蘭花蓉，加上奶油香氣和綠色橄欖油，非常好飲。主菜：美國安格斯西冷配紅酒燒汁，200克西冷份量頗大，要了7成熟，令口感比較韌，但牛味香濃，燒汁好香口，令伴碟嘅蔬菜、薯仔、蘑菇食起嚟都好好食，還有一粒酸酸甜甜醋漬蕃茄，中和咗肉類油膩感，主菜味道唔錯。甜品：芝士蛋糕份量算大，口感比較綿密結實，有朱古力醬、脆片、士多啤梨伴碟，食完非常飽足。同事點咗中式商務套餐（$168）：1湯2餸1白飯，份量頗多，同事食完太飽食唔晒甜品。整體而言，午餐價格頗高，上菜速度如食法國菜，服務亦一般，但食物質素唔錯，海景搭够。Pier 1929 (灣仔)灣仔灣仔碼頭2樓

早早book咗食生日飯，去到先見成個餐廳被人book 咗開「戰略會議 簽約儀式」，我哋被安排坐一齊… 😣 餐廳又無事前通知，嘈到黐線， 我哋都唔想坐喺度聽佢哋啲＂戰略大會＂，我哋仲特登坐車去… 頂乜嘢事呀！