45
7
1
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
有关奖赏计划
食家推介
相关文章
同英國嘅朋友喺我屋企附近揾野食。我地試咗佢哋嘅試食菜單，有兩款前菜同埋五款意粉。我想特別讚揚一下員工，佢哋好細心地解釋每一款意粉。首先係自家製肉丸，喺所有前菜度我認為呢個最出色。肉丸又大又肥，一口咬落去唔會太松散或者太硬，好嫩好多汁。佢哋將豬肉同牛肉混合成肉丸，有油香但唔會有腥味。再加上帕馬森芝士同鮮茄醬，同埋香辣嘅黑椒味，芝士味濃郁，鮮茄醬酸酸嘅味道更加開胃。另外一款叫松露生牛肉片，牛肉切得好薄，上面放咗新鮮松露同埋松露芝士醬，牛肉入口鮮嫩，唔駛咬嚼太多，但最突出嘅係松露芝士醬。同時配上沙律。接著係餐廳嘅招牌意粉，叫Tagliolini黑松露麵。Tagliolini係一款細扁麵，同Spaghetti差唔多長，呢度嘅Tagliolini係新鮮手製嘅麵，咬落去好煙韌有彈性。意粉上頭有新鮮刨嘅黑松露片，實際嘅味道主要係靠醬汁，麵條同醬汁配搭得好好。麵條沾滿醬汁，但味道唔會太鹹或者太稀，醬汁有重松露油嘅香味。整體嚐落味道非常滿意。另外仲有一款經典牛肉千層麵，叫Lasagna Classica。麵上枱嗰陣好熱，肉醬份量夠多，麵條唔會太軟爛，咬落去有點煙韌。焗完之後麵上面嘅醬汁變脆，芝士拉絲唔夠，不過味道香濃，唔會太鹹，夠入味。仲有一款叫皇帝蟹吉他麵，叫Chitarra King Crab。呢款吉他麵口感係硬身煙韌，麵條掛汁，加上啖啖蟹肉同蟹肉絲，嚼落爽彈，食落有鮮味。麵條沾滿蟹肉，再加上濃郁帶少許辣味嘅蕃茄醬，非常美味。Tiramisu :Tiramisu上層嘅咖啡粉同砂糖都落得幾多，所以要小心唔好咁大啖咁食， ladyfinger夠濕潤，適合鍾意多CREAM、唔多咖啡味酒味既人。大推！
继续阅读
Pici有一個$298嘅 Tasting menu咁2人入座嘅話呢，可以有✔️2個 前菜✔️3個 意粉✔️2個 甜品今日，同朋友3個人去慶生。但3個人嘅Tasting menu, 係同樣份量⚫️2個 前菜⚫️3個 意粉⚫️2個 甜品不過就要畀$298 x 3 所以大家唔係兩個人去就千祈唔好試tasting menu 🤣🤣店員好人有唱生日歌，氣氛好
继续阅读
🍴麵包 (6/10)比較硬身同乾，非常有口感，好似比平時食開嘅更硬更乾😂🍴布袋芝士 $98 (7/10)芝士好軟滑好creamy，芝士味係淡身清辣，加埋蕃茄同火箭菜好fresh 。🍴意式辣肉貓耳朵麵 $138 (8/10)貓耳朵麵好有口感，意式辣肉係鹹辣嗰種，肉粒好少，食落都有一定辣度，好辣會忍唔住一啖一啖咁接住食！真心好食！🍴 煙燻豬肉腸意大利雲吞配南瓜醬 $180 (8/10)呢個好特別，雲吞飽滿，皮有厚度有口感，入面個煙燻豬肉腸第一啖好似鹹牛肉，咬耐咗就食到煙燻味，南瓜醬甜甜哋，幾香的。🍴黑胡椒芝士手工圓麵 $95 (7/10)圖麵有咬口，食落重黑椒味，芝士味唔算濃，比較偏鹹，一般。推薦指數: 7/10節日係比平時貴，單點仲抵食，幾時食有一定質素🤣
继续阅读
一行五人去呢間西餐廳飯聚，7時入去，由於有一些晚歺組合沒寫在Menu裏邊，只通告貼在牆上，便找了一位侍應介紹一下，－位外籍女侍應過來，她說得很快，沒什麼耐性，最後我們也聽不清楚，就隨便叫了一些意粉冷盤之類，食物來得很快，沒太大特色及印象，總之大家7:30左右已經食完，再看看有什麼吃，又請該外籍女侍應給我們Menu，問有沒有甜品之類，說時遲那時快她已經開始收我哋的餐具，一副趕客態度，我們7:40左右便離開餐廳去另外覓食，從未遇過這樣的服務和對待，也從未用40分鐘吃晚餐，永不回頭！
继续阅读
Pici Lunch Set好抵我諗就大家都知㗎啦。呢日嚟到將軍澳，唔係好諗到食乜，就去咗Pici。去到嘅時候差唔多到滿晒，好彩仲有位食到。希望呢間餐廳之後可以book啦，咁就唔使咁麻煩預時間嚟等位。前菜水牛芝士都ok啦，沙律比較好食。叫咗招牌嘅黑松露意粉，同埋肉醬千層麵。黑松露意粉好似比以前細碟少少，而且都冇咁香。肉醬千層麵一定係熱量炸彈，但係都好食嘅，要小心燙嘴。之前有野飲跟餐，不過而家冇左lu冇咁抵。
继续阅读