PHI Coffee & Pancake (MOSTown新港城中心(4期))

今日红日黎到phi coffee～之前朋友讲起食过其他分店麻麻地，所以一直都冇试到，今日红日见佢唔洗排队，又想chill 下，决定比个机会佢😈1. 鸡排全日早餐落单时店员提醒要等20分钟，点知唔洗10分钟黎左！ 但质素都唔错✨ 🐥鸡排虽然做唔到皮脆，但都做到肉嫩！同埋有2块都觉得份量系okay！ 🍳蛋就轻微脆边，落左少少辣粉，食落都几惹味～🍞个包有阵轻轻牛油味，但唔算特别香🥗菜就冇咩特别，冇黑醋/沙律酱，食落dry🧅菇系最差嘅item，明明可以整得好好食，但佢好干身，又冇乜调味，好似冇特别烹调过～2. 冬荫功海鲜意大利粉冇咩挑剔，真系冬荫功味！香茅味同椰汁味都重，好食！海鲜都OK，鱿鱼好弹牙！不过真系好辣🥵 唔食得辣嘅记得要留意～3. 焦糖牛奶咖啡我觉得个牛奶咖啡本体都唔算好好饮，本身黎到时已经有焦糖味，个阵还算刚刚好，后来上面嘅焦糖越嚟越融，搞到成杯咖啡超级甜😆4. 豆花咖啡佢系一杯牛奶+豆花+Cream+白朱古力块，另外一个细杯就系espressso，倒落去之后再捞埋～都几好玩😆不过杯espresso 真系好苦，倒左菇去杯奶到都仲系好苦，我攞左少少焦糖黎呢杯野先觉得好d！———————————————————————整体我觉得唔错！特别系佢唔使等位嘅话，喺假日可以chill 住食下cafe 都系几好嘅选择！…查看更多

昨天行经马鞍山这间店，五周年见有与五字有关都会有折，我喜欢食pancake，所以不会错过这个优惠，入座拣选座位后职员给两杯热水我们🙏但因座位较冻，所以转去另一座位。见有其他客入座我们原先的座位，职员也好细心提示该座位是较冻的👍。我们叫了一个鸡扒all day Breakfast，有两件鸡扒，鸡扒煎得靓和又美味。另一个海盐焦糖pancake，有三件pancake味道不太甜，味道和口感也好适中。下回也会再去食😋😋。…查看更多

之前净系帮衬过美孚𠮶间，今次第一次帮衬马鞍山分店。印象啲嘢食系好食， 所以就试下呢间分店。 食物质素----一如记忆， 系有水准嘅好食。推介梳乎利：非常松软，食唔晒冻左外卖拎返屋企食都仲ok冬阴功意粉：香又入味，唔辣（我唔系好食得辣）薯条：条条都干身又脆服务质素---惊喜作为普通市民去呢啲连锁餐厅，对佢地既服务质素系完全唔会有期望。 啲嘢唔嚟错就已经系我嘅所有要求（非常卑微）。点知，店入面特别有两个侍应嘅服务， 系令我觉得好到有啲毛管戙， 忍唔住埋单既时候赞佢地同要喺度写食评。对客说话有礼，又详细推介食物，最惊系我地坐到打烊，侍应仲话佢收左d野先，但我地可以‘’慢慢坐‘’。 今时今日嘅香港， 喺商场餐厅打烊时听到呢句说话我真系觉得自己撞邪！无可能架～～～最搞鬼系埋单同佢地讲佢哋服务好好嘅时候， 侍应仲好有信心咁话openrice都系咁写（帮衬前完全冇睇过）。笑死。返嚟睇返openrice， 竟然发现啲劣评大部分都系因为佢哋嘅服务质素差， 非常惊讶 。觉得自己好似去咗平行时空！点都好，好食嘅餐厅唔止佢哋 ，希望佢哋员工继续咁有passion ，继续做一间为数不多食物好服务又好嘅餐厅！加油！！！！…查看更多

这是我第一次去这间餐厅，当时大约下午三点，我站在餐厅门口想找个员工问下有冇位，但是不知道他们是看不到我还是不想理我，要走到餐厅内在他们面前才问我几位，那员工话入面冇位，出面（放在餐厅外的枱）坐唔坐，我话等入面的位，佢就话出面排队啦，排队位在餐厅对面（商场的柱位）当时没有人排队。等了1 5分钟有客人离开，餐厅内亦不忙但都没有员工理我，内有6位员工只在谈话。之后终于坐低点餐，员工就好似好赶咁讲“98定139定159“，”食咩，得下一个，得下一个，得下一个···“ 非常赶的语气。最后，食完主餐上甜品，我们三个人只上一份，另外2份等了10分钟都没有，所有员工行来行去眼望望，我问有2份还要等多久，那时才去睇下，回覆竟然话”张单唔左，依家整俾你吖，等10分钟你要唔要？“ 完全没有道歉，好似理所当然咁，态度完全不能接受。…查看更多

今日挂咗10号风球，谂住落新港城睇吓有乜嘢舖头开咗食个午餐，见到PHI有开我就入去食啦，见到呢个餐我就问一问个职员包唔包饮品，佢答我包饮品我就叫咗呢个餐食啦，食完之后我就俾钱发现贵咗好多，我就问点解会咁贵个职员就答我，你呢个餐再加一杯嘢饮，所以就咁贵我就话啦明明头先我问咗你个同事佢话包嘢饮我先叫呢个餐个职员即刻态度相当恶劣回答我，我点知道咁多嘢总之今日饮品系半价，我当时都即刻反问佢就算系半价都唔会系呢个价钱，佢就即刻将张单改返半价个价钱，佢哋呢间嘢嘅职员态度一向都好差我希望佢公司正视呢个问题…查看更多