影片
食家推介
早排睇报纸见到一田装修大减价, 于是一家人去沙田shopping. 行左两个多小时, 带住少少战利品去沙田揾食.行到一田底层, 已经俾pepper lunch独有香味吸引, 于是不自觉就入左去坐.可能当时四点几过左食饭时间, 等左1~2分钟就有位坐. 当日有两个三岁小朋友同行, 服务员好细心咁安排一个可以睇到街景位置俾我地, 重有两张bb坐位 (好稳, 木做5)睇左个menu, 我拣左极量肉眼牛排配薯蓉, 叫左五成熟, 因为真系几饿, 所以跟左set. 一见到份排, 见到色水唔太吸引, 心入面沈左一沈, 但食落去就非常正. 平时食排, 好多时候都over cooked,以免件排太老我通常都叫生少少, 但估唔到厨师控制火侯做得非常好, 做到外面刚刚熟, 将肉香同肉汁锁在中间, 好正, 好正,好正!!!!见到大人食正野, 两个小朋友点肯坐定定, 最后佢地食左薯蓉. 薯蓉落左好香既牛油, 令到佢好香好滑, 两个小朋友成碗食晒 xd总结黎讲, 依家pepper lunch水平非常高, 值得一试
继续阅读
下午茶时间黎都真系冇咩人，所以任你坐食得好舒服，当然其中一个原因就系呢间野系冇下午茶套餐嘅。不过小编既友人想食，禁就无紧要啦😂每次黎到，都梗会叫最爱既黑椒牛肉饭。其实本身个饭都已经好好味，不过再完美d，当然加埋好受欢迎既蛋同芝士啦。一个标准既黑椒牛肉饭再加蛋同芝士，连埋跟餐叫，total系$79，已包主选配菜一份同野饮一杯。另外除了小编叫的黑椒牛肉饭外，小编既友人就叫左一个烧烤汁鸡扒拼汉堡扒。呢个味道都唔错，不过如果太肚饿就唔好叫呢个，虽然佢有一碗白饭跟埋，但系其实相比黑椒牛肉饭，佢呢个系比较斋少少，同埋好似据紧扒禁，可能真系食惯咗黑椒牛肉饭，呢个好似一般般。呢个同样跟餐嘅话，一样都系包一杯野饮同配菜，售价$84 。
继续阅读
去到新城市广场成日唔知食咩好，最近呢度有得食寿喜烧，今次就试下啦入到去坐低攞左位先，然后要出去收银度点菜，感觉好似食紧food court咁点左牛肉寿喜烧套餐 (单点$71, 套餐加$18有小食同饮品)套餐拣左沙律，坐底无耐已经送到黎沙律杯有沙律菜、芝麻酱同面包粒，将面包粒同芝麻酱加落菜度就可以闭盖shake匀感觉都几新鲜同几好味捞紧沙律途中寿喜烧都黎到上枱果阵已经渣渣声，加左寿喜烧酱汁落去即刻弹到件衫由于无火炉加热，所以要迅速整熟啲牛。牛嘅质素唔高，无咩牛味之余都唔够滑，不过加左寿喜烧酱汁都还可以。配菜有菇、豆同豆腐，份量都算多，其中豆腐几有荳味另外啲牛可以点蛋黄汁，另有一番风味
继续阅读
食物还ok, 味道不错。上菜速度比较快。环境不错，座位充足等位时间短。服务员点菜时写错了，刚点好就去找他要求改正，态度好差⋯⋯恶狠狠摔掉手上的食材⋯⋯希望提高服务素质。
继续阅读
是日朋友带我黎食pepper lunch, 呢间野一直对佢无乜好感,感觉价钱贵左d,份量又唔系咁够。所以一路都无食过。见佢咁open既格局,原来系要攞位,仲以为好似老麦咁自己揾位。食品名称已经唔记得,有蛋个个系芝士蛋配唔知咩肉。整体唔错,系芝士嫌佢唔够多。另外一份系全店最贵个份扒。食落都可以。总括黎讲,俾多少小白饭黎丫唔该~~~~
继续阅读