影片
以上资料只供参考，请与餐厅确认详情
食家推介
相关文章
喺铜锣湾希慎地库揾食，试咗 Peek-A-Poke 嘅夏威夷风味，真是一个健康又满足嘅选择！拣咗寿司饭同珍珠糙饭做底，配料有吞拿鱼、蟹籽同海带芽，全部好新鲜，吞拿鱼入口滑溜，鲜味爆棚，蟹籽同海带芽加添口感，食落好清爽。鲣鱼酱油调味清新，唔会盖过食材嘅原味。仲加咗牛油果，creamy 嘅口感令成个 bowl 更丰富，健康感十足！试咗三文鱼味噌汤，汤底浓郁，三文鱼份量多，饮完暖笠笠好满足。店舖位于 food court，环境干净企理，自助点餐好方便，出餐速度快，店员态度 OK。适合想食得轻盈又唔失滋味嘅人
继续阅读
同朋友喺铜锣湾做完gym之后，嚟到hysan食poke bowl鬼佬鱼生饭🥣 健康得嚟又可以补充蛋白质同体力👍🏻👍🏻分别拣咗【夏威夷风味】💰88好足料👏🏻👏🏻有刺身吞拿鱼、新鲜海带芽、紫洋葱、蟹籽，配鲣鱼酱油~ 底下跟寿司饭，份量多到根本食唔晒😂第二款拣咗【加州风味】💰98刺身三文鱼、青瓜、鸡蛋丝、三文鱼子，配果仁芝麻酱~一样系拣咗寿司饭底😂根据经验，其实所有材料都比得好足，如果女仔拣饭底应该真系好难食得晒😂下次都系拣一半饭一半沙律菜😂
继续阅读
位于铜锣湾的Jar-Jar-Bar，藏身于HySan Place地下二层，主打创意寿司饭组合。这次点了「吖嗪先生」寿司饭（$88），搭配沙律菜及跟餐的双柠梳打。寿司饭口感丰富，米粒饱满，配料新鲜，份量足，性价比高。跟餐的双柠梳打（原价$10）清爽解腻，梳打水气泡感足，加分！ 店内环境简约，服务效率高，Apple Pay付款便捷。整体而言，适合追求轻食或快速用餐的上班族，适合追求又健康又有饱足感的寿司体验，赞！
继续阅读
有时去铜锣湾睇戏，谂唔到食咩🤷🏻♀️，都会去希慎地库𠮶层 food court食嘢，久而久之有几间已经成为咗食堂，今次就介绍俾大家知💁🏻♀️❣️夏威夷风味 $88材料有吞拿鱼、蟹籽同海带芽，材料非常新鲜😋，而且好多，饭底可拣寿司饭、珍珠糙饭或沙律菜，今次就拣咗寿司饭沟珍珠糙饭，配上鲣鱼酱油食好快就清晒😆❣️加洲风味 $98材料有三文鱼粒、青瓜、三文鱼子同大量嘅鸡蛋丝，饭底拣咗寿司饭沟沙律菜，配上果仁芝麻酱，味道十分清新，但可以少啲酱更加好好 ❣️夏威夷风味 $88+鸡蛋丝 $10 +牛油果 $15上次食过返寻味，今次再加上鸡蛋丝同牛油果，所有材料配埋一齐好新鲜，感觉仲好健康添😗❣️三文鱼味噌汤 $15今次再加配一个汤，三文鱼份量多😄，味噌汤味道浓郁😋👅好味度：8（10分满分）🍽️ Peek-A-Poke 铜锣湾轩尼诗道500号希慎广场URBANHOOD B2楼
继续阅读
系铜锣湾核心地带都可以方便地揾到食沙律嘅地方。有预设或者自选嘅poke bowl。可以选沙律菜或糙米饭或寿司饭 ，可以mix 埋一齐，仲可以选少饭。选择颇多。夏威夷风味主要系吞拿鱼，海苔同鱼子。配以鲣鱼酱油，比较钟意佢带有麻油香味。清新零负担，同埋都好味。吖嘻先生 名字好奇怪。主要系吞拿鱼同好多粒粒枝豆嘅口感。卖相见到咁多酱汁有d 吓人，食落都系太多酱汁，同埋颇重wasabi味。自己口味麻麻，同埋建议要嗌少d 汁。👌🏼加州风味 主要系三文鱼，青瓜、鸡蛋丝、三文鱼鱼子。食到唔同嘅口感，符合预期嘅味道。酱汁有芝麻油香味，不过系呢间嘢落酱汁都几重手，下次可以叫少啲酱。
继续阅读