所以特意悉心打扮衬了一套衫连头饰到访！去前一日Book位个时已经问左会唔会有三层brunch set ,佢哋话有！ 但去到个时系无嘅，亦无其他lunch 食物选择，得甜品小食（OMG 😱我未食嘢嚟㗎）!—————————-最后点左块crepe同饮品的set 。 等左好耐个crepe都未黎，咪影下相先，一沃张凳，职员已经即刻走过黎，同我讲唔戴口罩唔可以离开位，唔系食嘢个时唔可以除口罩！但我其实系饮紧野！😂 甘我都明白理解，小心防疫，人人有责！ —————————等左45分钟之后块crepe终于到，可能因为上网睇食评啲人讲到劲差我有心理准备，甘我又觉得比想像中好未至于劲难食，但唔系好食 , 同向欧洲食𠮶啲正宗法式crepe口感同味道有点差距，似香港风味多啲，普普通通而且份量有d细 ！我坐住自已位一路食野一路自拍，影下食物📸！feel 到d staff 成日有意无意走去cashier度装我。隔左冇几耐老板娘终于都走埋过嚟。心谂咩料？唔通食嘢都要戴口罩。老板娘话：「唔好意思，呢度唔俾影products！」我有啲愕然以为佢话连食物都唔俾影！—————————-原来佢指我头饰同专登带嚟打卡嘅道具小干花！🌺🍁我同老板解释我只系自己戴。老板娘虽然口讲话OK 唔好意思，不过每当我望出去嘅时候，总系发现佢同埋其他员工，对眼系斜斜［箕］住我。🧐虽然我到底都唔知佢哋d眼神系咩意思? 不过我真系觉得十分唔自在唔舒服👀❌，就埋单走咗。食完件成阵风咁嘅crepe ,仲肚饿过未食😫！—————————-临走嘅时候，见到有班靓女着到靓靓又系谂住嚟影相High Tea ! 一除口罩又比人叫住戴罩坐返低，样子甚为无奈！ 🤷🏻♀️我觉得老板唔介意大家影佢舖头，不过每当有「人」影相就好似显得有啲避忌，（可能）呢度始终系租比人哋影婚纱相或者商业拍摄嘅地方，在商言商，人人叫杯咖啡就拎支长镜入去影沙龙，仲洗租场咩？😂—————————-总结，环境系靓系舒服，去参观食吓嘢唔错！我都同意疫情期间大家注意卫生带返口罩唔好周围就系岩嘅！不过唔建议钟意影相的专登去（除非包场拍摄那种），纯粹将此个人经验分享出来，❌📸 免得为谂住去「打卡cafe」的美女们失望而回！…查看更多
