影片
以上资料只供参考，请与餐厅确认详情
食记 (37)
四个人,又想玩三国杀,但太多餐厅唔俾玩纸牌游戏,就想上cafe,我地4个都想再帮衬呢间cafe~~~因为黎过2次(2次都系10个人),印象都好好~~星期五3点几book位(听电话个哥哥就态度麻麻地咁,等我仲以为好full添...),仲以为星期五晚会好多人添,点知得2枱人上到去个女仔serve得几好~我地都几满意架~~$75个餐配饮品免加一,对于我地呢d要玩得开心,无人阻住ge要求,真系物有所值!!整体野食几好味,不过当中2人略嫌份量唔够,而我就食唔晒~饮品都好饮,我地主要都系叫朱古力(+$5)~好好味=]饭点左龙利柳菠菜阔条面x2, 以为有d菠菜喺面,好阔果种面,点知get错左@.@ 而且龙利柳系吉列,好少见,不过都唔错~~~照烧鸡扒饭同白汁鸡皇饭友人话都系唔错ge~~整晚无乜人,但玩得好开心,尽情咁笑笑笑~~~真系好美好ge时光=]
继续阅读
晚上七时光顾，一行九人。人客不多，不用等位。用餐直至九时多，都只有两班人客入店光顾。店内环境较昏暗，冷气不足。Set Dinner 约七十多元，一个饭或意粉，一杯饮品。产品味道一般，欠特色。我使用了 openrice 这网站搜寻食店多年，今次是第一次在这里写食评。驱使我留言的就是服务不周的原因。侍应礼貌接受，但食店服务欠全面。选择楼上 Cafe 的食客，一般都是想要求一个舒适的环境，可以跟朋友聊聊天或耍玩店内小玩具，所以逗留的时间一般都会长一点。晚餐及饮品都用完了，我们继续聊天。有点口干及口渴，著侍应给杯水。来了一杯后，身边的几位朋友也想要一杯，于是著侍应也每人来一杯，侍应都没有拒绝。但是，最后却空手回来，告诉我们厨房表示没有水供应。很明显这不是侍应不想给的问题，而是厨房的人不想供应。这样的服务是否有问题呢？要求几杯水都不是什么大不了，但竟然不供应。店内客人又不是多，不会阻延其他客人的光顾。这跟客人表示要再落单，点多杯饮品有何分别。 试问客人会否再来光顾，我就应该不会再来了。
继续阅读
由我在openrice见到呢间cafe咁有特色,加上我又咁爱熊猫,所以决定同朋友仔一齐去睇下先!!幸好恒隆大厦唔难揾,0系家乐坊隔黎而已~我地入去大厦后,架lift原来有双单数之分,但系一部lift只系有4个人入左去,部lift已经上下摇下摇下,真系惊惊地~而且禁「关门」又关唔到 我地4人搭过另1部好了~之后幸好无事~panda cafe的门口就好似防烟门似的 我地一入到去,职员同我地讲「每人最低消费一杯饮品及一份食物~6pm前必须离开!」真系好鬼直接!! 其实我地系当日的第一批客人,因为果阵都系2:30pm only!更想不到的是,menu内完全无set lunch,只有单叫%单叫.............所以价钱一定唔系便宜.....而且热饮最平都要15蚊....就系coffee/朱古力..........其实餐厅唔算好大间,有一部份就系比大班人gathering的,另1边的chair比较优雅,适合2人坐的~这个区,有一个书架全是漫画及小说借阅呢! 如果wall也是用黑白的配搭会更好 如其他食家所拍的照片,地上真的有成班熊猫公仔大集合呀!!好兴奋~仲有好多panda的摆设呢~真系无处不在呀!! 不过panda方面,估唔到无lover house or pandaX的公仔!水吧有2个职员,其中的女职员态度麻麻...又唔会主动同客人讲野or 推介咩食物好味之类.....我地order完食物之后,好敷衍地repeat order... 幸好气氛不错~播放relax的英文歌仲有李圣杰的抒情歌曲呢,但水吧冲coffee中途,无啦啦停电....但过左唔够5s便无事主菜--芝士白汁海鲜长通粉 $50称唔上系1份套餐......但系menu那一页的右边,讲到好似一份set咁......幸好味道不错,芝士很香浓,白汁几香滑,唔会系茶餐厅quality~有多件蟹柳,蚬,尤鱼~几足料!!另外朋友叫左芝士焗西兰花帆立贝+意粉 , 香草白汁什菌长通粉 及白咖哩香茅猪扒意粉(拣晒3款系menu该页推介的主菜,味道不错的) 饮品--薄荷朱古力咖啡 想不到我地3人也叫左薄荷朱古力咖啡 !!再另1位朋友叫左latte,佢话几好饮!最快上菜! 但我地3人点的薄荷朱古力咖啡---- 一杯接一杯上菜的时间真系隔得几耐,起码30分钟!!!!......但算啦,我地都系入黎想玩下食下倾下计..所以都愿意等的.,..但想不到每一杯coffee设计的图案也是超美呀!!!!最突出的就系panda舔舌,非常神似呀!!有一杯似系荷兰的风车style,另1杯似一个荷包蛋?!?!哈哈~各有特色!!! 味道也很好喝,果然有 浓烈的薄荷味道及少许朱古力的甜味~可以任扲棋类,集体游戏的玩具出来玩~不过玩层层叠一跌晒落黎果阵,我地成为全场最嘈的客人tim,哈哈~真系好好玩!同朋友玩得超级尽兴呢!!我系大赢家,一局都无输,因为我多数系稳中求胜,但其中 龙成日制造危机~哈哈....好刺激
继续阅读
今晚我地一行10几人，去咗呢间餐厅食饭聚旧，拣呢度系大家希望有个地方可以坐吓倾吓计，睇吓啲旧相开心吓。野食ＯＫ，也冇咩特别推介。只系特别想讲，我未食过一间野，可以比侍应妹妹话咗我地３次之多因为我地１０几人，枱又细，食完啲碟都未执又已经有新食物再到，有见侍应妹妹得两人应接不暇，体谅唔追佢埋嚟执，我地自己将啲食完嘅碟放到隔离一张冇客人嘅枱，佢竟然行埋嚟话我地，话唔准放野过隔离.....咁点呀？你又执唔切，我地又冇位放食物，好心帮你放埋一边又比人话。。。跟住我地坐嘅地方好热，叫佢埋嚟开风扇，佢应咗我地之后佢冇问，我地唯有自己开！点知佢又埋嚟话我地做乜搅个风扇？佢话佢地原本个ＭＯＤＥ唔系咁，一定系有人搅过先系咁㖞！一把风扇啫？！点解咁睇唔开要埋嚟质问我地？我地系客嚟架！朋友囡囡离开时，才发现面仔比【失】钖咗几啖有冇搅错？
继续阅读
恰巧旧生聚会成班「九」男女要揾间就脚得嚟又可以座几粒钟吹水嘅地步，某人拣左MK呢间上楼Cafe台都订埋就胆粗粗即管一试。旺角登打士街呢种地带真系最就得人，玩夜咗就算住天咁远都唔驶搭N车返屋企，旺角实属旧区重建重点发展区，D楼龄分分钟同个Friend加埋都唔够佢高，不过胜左楼底高地方够大几适合开设呢类上楼蒲点，大到楼下竟然开到间家电连锁店.........废话讲完！一嚟到楼下两部电梯衰咗一部，成班o靓妹仔迫哂入去仲有位涉就唔好意试入喇！自己踩四层梯楼当练气吧！旺角上楼俾我嘅印像好多时唔系呢边妇科诊所就𠮶边几间挂满颜色招牌各有各做咁，呢道好彩无呢D野环境算唔错，唔怕教坏我哋依班咁乖嘅同学仔~~小弟向来对食肆都系以食物嘅质素作评比标准为First Priority，本来食咗个盘菜宴先嚟Meet佢哋都唔住食嘢叫杯特饮算，点知俾个女侍应凶多我两凶(建议啫~建议啫)话最低消费每人$80蚊叫埋嘢食o架要！见佢咁认真咁我都拣咗份「帆立贝芝士西兰花长通粉」同埋"卖飞佛"思乐冰类饮品「石板街」沙冰，面头堆满细细粒棉花糖夹杂住朱古力沙冰香滑得来有咬口，口感唔错........但其实我根本无饮到因为同朋友掉转左杯冻啡，香滑、口感呢D形容词系从佢表情喘摩出嚟嘅啫！反观我饮错呢杯Latta定Cappuccino嘅味道以及温度都俾到我惊喜，啡、奶份量尚算恰到好处，同时亦都欣赏饮品面头的那些「艺术」，令本来平时唔饮啡嘅我都忽然地爱上。吹咗一阵水见大家点嘅主菜都仲未嚟，"刘丹"嘅情况时有出现反正出得嚟系HEA问题不大，要赞一赞之后嚟嘅「帆立贝芝士西兰花长通粉」，个汁我会将佢同"红蚂蚁"的长通粉比较，长通粉同个汁嘅比例都恰到好处够我点干佢，只是略嫌粉身唔够爽口，但有两大只帆立贝同芝士西兰花在前已能夺回不少分数，相比起"红蚂蚁"那个白汁煎鸡鸡柳长通粉份量磪有过之而无不及，不过人哋唔驶每人最低消费$80蚊至食到差唔多质素嘅佳肴美点。最后都有遇到其他食评遇到嘅疑似赶客个案------越夜就越热，讲到High我哋都唔够隔离班廿几叁人玩得咁高涨，越食越热只可能饭气攻心又或者杯冰已消化咗情有可原。之后阿Sir召位女侍应过来帮手影张大合照，结果出来嘅相片质素松郁蒙水准令大家有D唔开心，我相信佢呢D情况要佢做呢类搭单工作已经麻木，所以相片嘅质素可从佢面上麻木嘅表情反映出来，唔可以怪人，俾著你咁嘅钟数见人哋HeHe哈哈自己仲要任劳任怨，撑得起依份工简直系EQ训练场。最后最后忽然嚟个一人一小碟Cheese Cake甜品，水准系OK得嘅~ 至起码唔似会冻伤条脷又或者倒汗水蛋糕咁款我哋已经几满意架喇！
继续阅读