pal.

营业中

休息中

見到網上好評的豆腐芝士蛋糕，所以去試吓，果然出色，很軟滑，入口即融，值得試吓！因是午餐時間所以點了大蝦牛油果莎莎原味比高包配蕃薯條及慢煮雞胸炒蛋配黑松露醬酸種包配薯條，飲品是檸檬汽泡咖啡及奶油黑咖啡；大蝦爽口鮮甜、牛油果配上蕃茄醬很清新，雞胸炒蛋配的黑松露醬的酸種包也美味，麪包烘的少少脆，蕃薯條及薯條也香脆；檸檬氣泡咖啡味道適中，而奶油黑咖啡就酸了點，用的咖啡豆偏酸；但座位比較擠迫及不夠冷氣，有點悶熱！

見到咁多好評去試下，但體驗好差食物：黑松露意粉 咸到食唔到 上面個黑松露醬仲有少少酸 好奇怪 如果唔係加咗個炒蛋乜都冇得食坐位: 超逼，最大個問題係嘰員工唔識做，牆邊4張2人枱，分左2張2人位，中間4人位，我近窗個張，中間個4人位就入左6個人，6人入面2個小學生，張長凳原本坐4個宜家坐6個，勁唔舒服，完全唔明點解個侍應會咁樣安排，都唔阻止，完全enjoy 唔到個lunch，快快脆脆走人所以，服務: 差

Around 15 mins walk to the metro station. it’s a really small and crowded places, around 15 people sit closely in around 200 ft. area. Quite uncomfortable because of no privacy and not chill at all. No restrooms, no place to wash hands. The service is slow, only one guy cooking, so you need to wait a long time to get your food ready. The funny thing is that when the food comes, most of people finish drinks. And the food quality doesn’t worth waiting so long.

見網上好多人介紹，就試一試佢！周六1pm去到要等2張枱，好彩好快有人走。店內只有12個位，門外2枱位置，裝修有點殘，而家較迫。由於人手不多，order完需要等耐少少。食物選擇不多，但有質素。⎑慢煮雞胸自家製青醬意粉 $98有驚喜，性價比高⸜♡⸝ 青醬係新鮮打成，好fresh，唔會油淋淋，雞胸好嫩滑，唔怪之得差唔多每枱都order，必試ᵎᵎᵎ⎑All day breakfast $138 好豐富，有齊三文魚、腸仔、煙肉、蘑菇、蛋、蔬菜，酸種包外脆內軟。⎑豆腐芝士蛋糕 $49完全唔膩既芝士蛋糕，入口有濃濃豆腐味，好似無咁邪惡，可以食多幾啖𖦞⎑Lemonade $42⎑Matcha Tonic $50Vwalk 都開左分店，環境裝修比原店更舒適，建議大家想試可以去分店會更加享受。

～ 大蝦牛油果酸種包配番薯條～ 檸檬汽泡咖啡～ 豆腐芝士蛋糕夏天來了, 一杯好飲的冰涼咖啡好重要! 大蝦新鮮, 酸種包好食, 豆腐芝士蛋糕是一餐完滿的感覺…$200有找，好味抵食，店員又好

這次走到屯門，發掘了一間隱世小店 pal. café，地方雖小，坐位不多，食物卻充滿特色及創意，當中的比高包令人驚喜，另外，員工態度非常親切值得一讚。點了兩款創意比高包，各具特色。香煎蝦牛油果比高包揀選了藍莓比高包，微甜果香中和了香煎蝦的鹹香，牛油果的滑潤令整體口感更有層次，外脆內綿，配搭的蕃薯條熱辣香甜，令人一試難忘。另一款是 慢煮雞胸炒蛋比高包配上肉桂提子比高包，淡淡肉桂香和甜甜的提子味與嫩滑炒蛋及雞胸肉完美融合。雞胸肉保持嫩口不乾柴，配搭的香脆薯條，份量多，非常飽肚。

見有youtuber介紹屯門cafe就嚟試吓真實環境同睇相睇片都有幾大落差食物唔錯 但坐位狹窄被安排坐喺近門口嘅矮枱店員出入 / 店門開關時會有碰撞 坐得不安同埋蛋糕隻碟好熱 🫠

之前喺社交媒體網站加入左香港cafe關注組，見谷友推薦屯門嘅Pal.💭作為大西北人類星期六就去左試下，味道都唔錯-店舖位置唔算難搵，喺何福堂輕鐵站附近，但舖頭比較細，客同客之間就坐得逼啲，周末要等一陣位，我地星期六1點左右等左10分鐘左右就有位，職員有4個(態度友善)，野食等左15-20分鐘左右就上齊有得食我地兩個人一共叫左慢煮雞胸自家製青醬意粉🍝煙三文魚沙律🥗同埋一杯熱Cappuccino☕️-煙三文魚沙律🥗$118沙律份量ok，食材幾新鮮，牛油果雖然細小小但好熟同淋，個南瓜烤得好好食menu寫個醬係自家製洋蔥蜜糖汁，加埋新鮮蕃茄仔同啲醋漬洋蔥，酸酸甜甜咁仲有水波蛋汁一齊食唔會覺得得沙律菜食好寡，好味！而且食完都飽嘅慢煮雞胸自家製青醬意粉🍝$98雞胸好滑一啲都唔柴，意粉掛滿青醬，味道都唔錯，但係份量就比較細啲，朋友食完之後都唔飽🤣Cappuccino(熱泡沫咖啡)$42(偷飲左一啖先影;;)味道正常，普普通通嘅一杯咖啡，凍冰冰嘅天氣飲杯熱飲人都暖返哂~☕️總結：食物味道唔錯嘅小店，但因為店舖細，人流多坐位貼，就唔多適合想去cafe慢慢chill嘅人啦會回顧，下次想試下Bagel同檸檬氣泡

翻屯門路過此店叫了一杯hot lattle 入口太熱，味道過於苦另叫了一杯Dirty 入口咖啡味有少少太酸後徑苦澀。甜品不過不失～但店員態度友善，下次路過會再試，加油😙

入咗嚟屯門咁耐，今日終於有時間試吓呢間小店，價錢方便唔算平，用餐嘅時間大概係朝頭早11:00，我哋一行二人，揀咗一個香蕉pancake+牛油果慢煮雞胸酸種麵包沙律+一杯Dirty。價錢雖然唔平呢度埋單大概$250，但係食物質素同賣相有驚喜，完全唔係啲普通cafe既質素，咖啡好好飲，大推佢哋嘅麵包+coffee，等候時間唔算耐，大概20分鐘左右上菜，staff態度都好好，當日係假期，個場keep住都要排隊，值得一試！

原本諗住好chill嘅下午茶，入到店內剛有2個位，但吧枱上已報滿收回的餐具，環境擠迫混亂及店內的匆忙感，order 食物後真的足足等左好耐先上第一份意粉Chicken Pesto Pasta， 等左咁耐已被情緒扣分所以沒有覺得特別好食，食完意粉先來柸凍mocha, 跟住就再來 All Day Breakfast 正正常常沒有特別驚喜, 最後再上一柸沒有誠意的 Cappucino。用餐時間大約一小時多，但等候食物時間用左45分鐘。店舖、吧枱環境及上食品時間先後次序有待改善。

其實食物質素同嘢飲真係不錯，亦都理解店面比較細要等位好理所當然。但係有一位阿妹侍應，係工作期間食嘢不特止（開放式廚房客人睇到晒），仲要客人自己大大聲喺座位度叫出嚟點菜，自己仲繼續一邊食嘢，一邊撳機落單，成個觀感都幾差，建議培訓吓員工。 最令人無奈嘅係其他員工都勤勤儉儉咁樣努力工作，淨係得佢一個喺度唔知做乜，將啲水樽由下面個檯擺番上去bar檯到，提供唔到有效率嘅工作，幫唔到同事亦都冇盡全力serve客人，希望可以加強改善吓。

住屯門的朋友推薦已bookmark一段時間，終於黎到當日下午約3點-4點到達，店內座位不算多，剛好有空桌，不用等位。原來計劃一定要食的是Bagel 和 豆腐芝士蛋糕不過當日被告知蛋糕已售罄（朋友推薦），很可惜，建議早點去—慢煮雞胸牛油果比高配蕃薯條-Bagel可選原味/芝麻洋蔥/藍莓選擇了芝麻洋蔥bagel👍🏻加上嫩口的慢煮雞胸和牛油果，很好味的組合👍🏻-熱辣辣的炸蕃薯條，即叫即炸，非常香口，粗度剛好，脆卜卜又食到內裹蕃薯，少有好食的蕃薯條👍🏻—香辣蒜香蕃茄忌廉大蝦意粉蒜香撲鼻而開胃的蕃茄忌廉醬汁👍🏻，意粉都做到掛汁，如果是手工意粉會更好—糖冬瓜鮮奶咖啡冬瓜味鮮奶咖啡夠特別，以為味道會奇怪，事實幾夾幾好飲—鮮奶咖啡店員非常有禮貌👍🏻

我同幾個好耐無見嘅朋友約左黎呢間咖啡店見原本都無咩期望我都係普通叫咗個慢煮雞胸自家製青醬意粉點知一嚟到成碗綠色 諗諗吓我自己都叫咗個青醬不過意外地好食！ 個雞胸唔會好嚡，個醬汁有少少酸酸地 亦都有好大浸蒜香味 幾開胃🤤偷咗朋友啲煙三文魚食佢哋分別叫咗綠色早餐牛油果件三文魚班尼油蛋同煙三文魚沙律 另外都想讚個杯凍朱古力！好濃唔會有假甜同假朱古力味！咖啡店真係好細 枱枱凳凳都唔係好多所以等待嘅時間都好長 而且入到去冷氣唔足夠食完嘢都成身汗出番去但係真係好乾淨企理 而且好衛生 Staff都好nice 雖然得一個人做樓面但係都keep住面帶笑容 同好有禮貌希望下次有機會再返dou

聽聞這間咖啡店很久，今天到附近工作決定順便來試一試，店舖少少一間座位不算多，早上11點多到來便已全院滿座。本來想嘗試他的孫種麵包，可惜已經售完，所以叫了另外其他食物。這次叫了煙三文魚牛油果bagel配炸蕃薯條，bagel外層焗得非常酥脆，外脆內軟，配搭煙三文魚和牛油果非常出色，除了這兩樣配料還夾雜了一點洋蔥增加口感，非常不錯。炸番薯薯條炸得相當出色，很香口。除了食物外還叫了一杯咖啡，咖啡同樣高質。非常推薦這間咖啡店。