平日堂食、外卖都有食呢间。多数都叫太阳蛋烟肉pancake, 有时会加牛油果、鸡胸做配菜。其实叫过好多次，漏配菜试过几次，所以今日打开个外卖都好怕又漏咗野。不负众望，牛油果又系无出现。首先我唯有去外卖平台申请退款，上次平台客服教我要拣边个主菜漏左配菜就拣果一个主菜做退款申请，无得就咁选择退配菜嘅费用。做完呢个动作我就打去餐厅问，餐厅话留个电话俾佢，调查完会打俾我。一收左线隔左几分钟，餐厅拒绝我嘅退款。Ok. 明白嘅因为系漏配菜嘛。但系佢拒绝完系无打俾我嘅。于是我又主动打去了解，由同一女店员听。又系轻轻交低句因只系漏配菜，退唔到钱。讲完一大轮，我因为都唔想再叫呢间外卖（实在无心情再同佢地跟进，漏野次数太多，每次都系话下次再食嘅时候打俾佢佢会补返俾我），我选择叫店员退个牛油果钱，店员话会再安排。等左好奈店家都无退，再打去了解，店员今次态度已经唔同晒，仲要用系正常人都感受到佢扮有礼貌但实际唔想同你讲野嘅语气回应。店员话今日内退o 唔ok，我再追问即系几点佢先问7点前得唔得。点解漏左野好似我要求佢俾返我咁？结果15分钟后退咗牛油果钱。好奇一问，揿退款拒绝掣可以咁快手，宜家呢个年头用网上转帐咗方便30秒可以处理到嘅野你又唔做。我都俾左我可接受嘅费用去享用贵餐厅嘅食物，假日都系想开心少少食个靓少少嘅早餐。为左漏野，我每次都要影食物相，影单据，又要打俾店家又同平台讲，其实到呢刻都已经无晒mood，食物又冻埋。仲要个平台客服只会同你讲非常抱歉，但帮唔到手解决问题净系话会反映返。我作为俾左钱果个，系咪店家漏左野反而要我去suffer? 得到呢间餐厅咁赶客嘅处理态度同方案，真系多谢你赶走左我，虽然我知你唔志在我呢啲细单。而想外卖cafe食物睇食评嘅你，可以考虑其他餐厅了，因为佢个外卖盒会好似盲盒咁惊喜。…Read More
