影片
营业时间
今日营业
10:00 - 22:00
星期一至日
10:00 - 22:00
以上资料只供参考，请与餐厅确认详情
今日去尖沙咀食咁好大块pizza𠮶间，一入到去就要转英文台😆间舖唔系好大，好多时都坐满人，见到有人走，就行过去坐，个员工都主动又好快手执好张枱。堂食嘅话而家可以扫枱上QR code落单，不过你想行出去系门口个玻璃柜拣下Pizza，系cashier落单都可以 。我哋叫咗一份德国香肠同个4人餐，包一个16”芝士pizza、2个意粉、一个沙律、4罐饮品同4件芝士蛋糕。个pizza本身已经有芝士，可以拣2款配料加落去，我就拣咗辣肉肠同灯笼椒 。个批都可以拣薄脆批或者厚批，我拣咗厚批 。呢间嘅pizza整得好松软，酱汁同配料铺得够均匀。重点啲辣肉肠容易咬开，唔好硬角角👍叫咗一个白汁鸡皇烟肉蝴蝶粉同招牌千层面，呢两个一定要趁热食，啲味道浓郁又多配料，两个粉都附有一个蒜蓉卷🥰（食到一半先记得影下相🙈想推荐俾朋友们)样样食物都好大份，价钱相宜，性价比高呀❣️Joyfoodstop心动值：💓💓💓💓/5Paisano's Pizzeria(香港)地址: 香港尖沙咀加连威老道8号地舖(港铁尖沙咀站/尖东站B1出口，步行约2分钟电话: +852 24144445
继续阅读
一家人🧑🧑🧒🧒返完教会去尖沙咀食晏，屋企人想食pizza，见到门口有全日套餐就入，入面都算多枱但全部都系人，好彩最后有张四人枱，试咗do QR code但揾唔到全日餐，走咗出去counter先睇到有个牌写全日餐限星期一至五，有d无奈😮💨，叫咗夏威夷🌺pizza $35两块，辣肉肠pizza$30一块，鱼手指$25同珍珠热朱古力🍫$18。可签卡。鱼手指同热朱古力🍫出先，Pizza会翻热，等咗10分钟，一次过攞哂有盘。夏威夷🌺pizza🍕大块有菠萝🍍火腿,不过我觉得Pizza Hut好味d,但性价比呢间系高。鱼手指香脆赞，热朱珍珠组合新颖。铺头尽头坐得热
继续阅读
听过好多朋友讲呢间pizza店啲pizza大块又好食，今日行街经过终于可以买黎一试！拣左最大路既Margarita pizza，真系大过块面😂，芝士、蕃茄同其他配料分量都适中，钟意佢饼底够薄，香草尤其多，入口仲要热辣辣，好正👍🏽
继续阅读
香港有六间 Paisano's 分店，今次嚟试尖沙咀加连威老道嘅呢间。佢哋提供New York style 嘅披萨，你买可以1块或整个（12吋、14吋、16吋同埋佢哋嘅巨型24吋）披萨，佢地已经喺香港开咗好耐时间。佢哋有得系室内坐，亦提供外卖同送餐服务。呢间分店嘅营业时间系每日早上10点至晚上10点。最近我买咗一块四重芝士pizza，经过加热后就可以即刻食用。整体而言，pizza质素唔错，份量十足。片片都好大，一人一片已经够饱。但系放耐咗就会好油，所以最好趁热食呀。呢度嘅pizza性价比唔错，一份大大份，饱过pizxxx hxx😂
继续阅读
同朋友行行下街有啲肚饿，就入嚟呢间试下，估唔到又几ok㖞。下午茶时间又唔系话好饿，但系又想食啲嘢，最主要系唔想等位。咁啱行到呢间舖头闻到好香，啲Pizza摆晒喺度俾你睇劲吸引，价钱又唔算贵，咪谂住试吓啰。餐厅环境好正常，尚算干净，只系有几张枱上面啲嘢冇人执，下午三四点有一半吉座位。叫完嘢食之后等一阵有得食 😋 叫咗四重芝士同埋夏威夷风pizza，两个都几好食！呢个价钱完全冇投诉啦，下次仲想试埋辣肉肠。
继续阅读