影片
招牌菜
脆皮原只德国咸猪手 外卖$78即制热辣辣出烟脆皮猪手 香草味够腍 味道好 细size 厚切咗都有10大件 半边骨头包装盒靓 另外有汁酱点(百X超市都有 大只啲$88 即买简单啲)现场有半自助餐+主菜 $88+10%主菜都有猪手 或者坐低食 仲抵半自助餐食品唔多 ……甜点 糖水 饮品 餐汤1款 沙律都齐有几款炸物 鸡翼春卷薯条 热气唔吸引…冇热荤嘅环境唔豪华 简洁 清静 舒适 招呼都好仲有下午茶 $48 +10% 冇主菜 饮杯嘢小小轻食 倾计聚脚 感觉几好揾日会试
继续阅读
黎过几次，贪佢无乜人，试过头半个钟包场，够静。呢到semi-buffet唔贵，跟主菜价钱，约150至300左右。叫左鱼柳，好味，炸得啱啱好，少许脆身，唔干，下面薯蓉好味。第二个主菜系大虾pizza，都系做得恰到好处，少许脆身，虾够爽，千岛酱又系my favor。蘑菇汤正，够浓味。今次个麦乐鸡干到可以掉死人，薯条都系。个蒜蓉包系buffet里面我会食几转嘅，跟住就系蓝莓cheese cake。其他甜品只不同味嘅布甸，可以唔食啰。以前仲有几款蛋糕，而家cheap左，主力啫喱布甸类，真心失望左。不过，主菜系为佢收住我嘅一个主因。加上一定唔多人，都会间中继续帮衬嘅。
继续阅读
一行10人去食，自订菜单点了9样食物，除了水鸭汤和片皮鸭外，其他无一可取。菜心苗，菜唔甜，汤无味。鲍鱼唔鲜，无过火，不过啲果皮无味，豉油都无味。生蚝和焗生蚝，同样质量一般。蒸鱼两食，条鱼完全无鱼味，鳞又多，炒球又唔弹牙，调味又无。蒸骨骨腩，个豉汁唔知咩味，无豉味，仲要偏甜。炒个意大利饭，我知系偏硬，但都唔系硬到食完牙都软，又干。鹅肝多士，煎得唔够香。严格嚟话，中式食物差，西式食物唔掂，无可取之处。一心有人介绍食，满心期望，不过实在太差。仲有餐厅无咩冷气，愈食愈热。
继续阅读
第二次黎OYSTER ONE，自从试过一次佢地猪鞍斧头扒之后，一直心思思好想再食多次！ 因为整得太好食喇！ 以百几蚊既价钱，可以食到咁大去斧头扒，真系吓亲我！ （隔离枱见到都即刻问叫咩名🤣🤣）而且厨师煮得岩岩好，劲JUICY,一d都唔韧❤️❤️❤️❤️另外个烧春鸡呢，成只上架！ 一样系好好食！ 就算系鸡胸肉， 都系劲滑😍😍我地仲加佐2只生蚝， 好鲜味啊！ 其实佢仲有个自助沙津吧， 当然款唔叫好多， 但系汤，包，糖水，甜品，水果，餐茶，薯条鸡翼样样齐， 仲好岩我老公口味添！ 因为佢唔食生野！ 带老人家黎都岩晒！ 😊😊最后我地食到劲劲劲劲饱！
继续阅读
偶然发现呢间酒店餐厅有半自助晚餐，价钱重好实惠，当然试下，可能位置较偏僻，所以价钱就好吸引 。任取前菜有…… 沙律，yogurt, 鸡翅，芝士焗西兰花 ， 蒜蓉焗法包，磨菇汤及糖水 。甜品有一口芝士饼，啫喱 ， 泡芙 ， tiramisu ,生果有西瓜， 饮品有橙汁及苹果汁 ，质素就一般啦，反而磨菇汤我觉得几好主菜有几种选择，叫了烧春鸡 同 比目鱼 ， 味道都合格，烧春鸡都几大份量 。还有一提就是另外送了一个薯蓉焗田螺，不过薯蓉太油腻，食咗好少 。以埋单平均每人 $152，以晚餐来说，好超值 ， 当然不能要求太高啦 。
继续阅读