Oyster Moment (已結業)

葵涌区都是街坊生意为主 对比葵芳 相对上较少选择交通 地铁都无葵芳站接驳住大型商场所以想揾个靓靓餐厅休息一下 都有种似寻宝游戏 发现时有小惊喜😆今次叫左行入#oystermoment 叫左一份set lunch餐厅设计好舒服玻璃窗外面系青山公路车来车往既景象餐厅内设计色调以白色 蓝色 暖绿为主 配衬住暖暖橙黄吊灯就带比人舒服既感觉如果set lunch 可以加$40就有两只法国圣马天尼no.3既生蚝🦪 好吸引😆 食落好fresh 仲带有少少咸海水味 今次main course 系烤美国猪扒配烧烤汁菠萝莎莎猪扒都几厚 但唔会因为厚而唔熟或者overcook 值得一试👍🏻如果生酮饮食嘅朋友就可以走薯仔💃🏼不过好钟意呢度既薯仔 个边少少焦 值唔会焗得太林假日带埋老公/另一半去啲人少少既地方撑台脚 呢度相当唔错👍🏻♥️…查看更多

葵涌工业区要揾食其实又唔算太难,今日去食呢间系开左好耐既西餐,佢主打系食蚝,不过午餐我哋只order set lunch,有主菜,餐汤,沙律同餐包,如果想食蚝可以加钱order,讲返佢个lunch set,今日主菜分别系食美国肉眼牛扒同猪肉眼扒,牛扒order 7成熟不过黎到系5成,但肉味都唔错,而猪扒就好有惊喜,同牛扒相比仲要淋D,配埋菠萝粒几清新,一般而言主菜都合格,而餐汤今日就比较错,味道淡又饮唔出到底系乜野汤,但不得不赞佢既餐包同沙律,餐包有心思,感觉似自家制,而沙律菜亦非常鲜甜,如果行开呢头都会再次帮衬…查看更多

5月21 晴 劲热劲好天星期六例牌训到好晏 黎到都3点钟 好彩赶到3点半落场前食晏餐厅环境几好 楼底好高 系工厦林立有间西餐厅算系几特别南瓜餐汤 打到好溶 加左忌廉呢啲例牌野 味道正常沙律菜都几新鲜8爪鱼意大利饭落足料既 够芝士同饭够湿成餐晏 最想讲呢块扒外表其实煎得唔错，而家好多西餐厅都卖澳洲/纽西兰草饲肉眼扒，因为来货货平过美国肉眼好多。但草饲牛相对上冇肉味，油花极少，真心好难食。我叫左7成熟 但最后黎到接近Well Done.又冇油 又干又鞋 真系唔掂。块扒太薄 厨师火喉好难控制 ，可惜。…查看更多

呢一间餐厅嘅地点虽然比较偏僻，系外面睇系一间唔起眼嘅西餐厅但由我一入去嘅时候，就留意到餐厅有雅致嘅装潢 感受到系装修都落左一啲心意 💙💭餐厅系繁忙嘅马路旁 宁静的餐厅更加添上一份嘅浪漫 系繁忙嘅都市中可以停下来 品尝一下餐厅嘅美食 今日嘅餐厅人客唔多 显得清静 可以与友人慢慢享受😊 来到oyster moment 当然少不了点生蚝来试试今次点嘅系 💜法国亚历山大no.2 同埋💛美国嘅黄宝石 💜法国亚历山大no2口感食落好肥美 海水味浓郁 鲜甜💛美国嘅黄宝石都唔逊色 海水味并无法国亚历山大咁重 反而更鲜甜 嘅肉都无法国亚历山大肥厚 其后我地都点左set dinner menu首先上嘅系香脆内软餐包同牛油温暖嘅餐包再加上咬落去有阵阵香草味道🥰果然不错 之后嘅系set dinner嘅starter 🥔焗法式脆壳田螺配薯仔蓉呢道菜出乎意料嘅好味 可以感受到薯仔蓉仲有白松露油嘅配搭 接著就系厨师推介嘅餐汤 今次系磨菇汤磨菇汤好 creamy 同好rich 好浓郁 一放入口就满满嘅磨菇味 跟住就系主菜 main dish 威灵顿牛柳配砵酒汁一黎呢道菜已经比佢嘅外观所震撼 威灵顿牛柳嘅系灯光嘅配搭下更显美味不过对于一个女仔来讲 我始终都系太饱饱 食唔完🤣 最后甜品 donut 🍩 with ice cream (焦糖炖蛋 flavour )摆盘已经好显得出餐厅嘅用心 一上菜已经对呢间餐厅加分 ❤very good 👍 最后埋单两个人食左900几个人觉得价钱合理 餐厅环境浪漫 食物嘅质素中上的确系一间好值得去体验嘅餐厅🥰系平民邨一带难得一遇嘅高质餐厅😘😘值得介绍朋友去食❤❤佢系值得大家去食同享受嘅一间餐厅…查看更多

早两日好想食蚝，之后就揾到呢间唔算太贵嘅西餐厅，之前喺附近返工经过都见过呢间，就一于去试吓。葵涌附近都系工业区，lunch set 唔算太贵，都见到好多人lunch time嚟食。————————-———————-——————〈法国圣马天尼 No.3〉Set$40/2 单叫$39/1虽然比较细只但好新鲜，海水味唔重，偏鲜甜，有矿物味，$20一只黎讲质素好好值得一试！〈美国黄宝石 No.2〉$51/1呢只比法国蚝就大少少，都好新鲜，肉质肥美，比法国蚝更清甜。但除左大只少少，质素都同法国蚝差唔多，价钱就法国𠮶只抵好多。————————-———————-——————Set嘅沙律系胡麻酱沙律，正正常常，但系个人唔钟意麻酱因为比较小朋友口味，如果用油醋就更好啦。意式香草面包配上法国牛油都好出味，尤其系牛油真系同普通牛油有分别，比较香醇。餐汤系洋葱汤，传统法国洋葱汤系会炒到啲洋葱特别深色然后落汤水，呢个洋葱汤就比较似啦。————————-———————-——————〈烤美国猪扒配烧烤汁菠萝莎莎〉$128因为期待个菠萝莎莎所以拣咗呢一个，不过有少少失望因为个菠萝莎莎只系罐头菠萝，冇咩特别亦都提升唔到块猪扒。我哋拣咗薯菜，做得几出色，薯仔熟度啱啱好，保留少少爽嘅咬口。其他蔬菜都烤得刚好，好juicy。猪扒反而有少少逊色，熟咗少少导致无咩肉汁，有少少干，不过真系好厚身好大块。〈南瓜蟹子蟹肉意大利饭〉意大利饭煮得偏较身似系港式口味，甚至乎熟咗少少。Topping除咗蟹子仲加咗啲xo酱，但系比较少只系可以提升到𠮶一啖嘅风味。虽然佢成个都系南瓜酱煮但可惜食唔到南瓜𠮶种甜味。蟹肉同菇唔会太少。————————-———————-——————整体而言呢个价位算系做得唔错，尤其是蚝真系新鲜，但系主菜可以再改善，系一间值得一试嘅西餐厅！…查看更多