Oysta + (已結業)

第一次係度食 食物質素普普 叫左個卡邦尼虎蝦意粉，D虎蝦居然係白雪雪 一D醬汁都冇，完全係求其烚熟左就擺上黎。之後問佢地有冇紙巾(我見到遠處有一大包抹手紙）佢地答我話一張紙巾都冇。好難想像係依家呢個疫情，呢種地方食野，可以一張紙巾都唔願意提供！明明我叫完餐俾完錢後一直企係度等(身邊完全冇人，得我一個，得一份餐要煮）所以見到我份餐時就好自然去羅，同我落單個位居然好緊張問我羅單，好似驚我偷左份餐咁。我以為佢地要 keep 單啦，誰不知問我要唔要番張單！真係吹漲😡 成間店D員工都騎騎呢呢。我見住另一個賣蠔既員工單又出錯，蠔又賣錯，當然連錢都收錯啦😆P.S. 以後都唔會再黎幫襯！Bad service!

老婆突然間想食，順便去一田買啲日用品，咁就試吓超級市場入邊嘅Oysta，因為本身已經食咗飯，過一下深人叫咗兩隻珍寶蠔，由於已經10點鐘夜晚，所以落單嘅時候都問清楚係咪收咗工啦，然後店員叫我揀啦，之後叫咗兩隻蠔坐低等，之後店員尷尷尬尬同我講唔好意思隻蠔劏衰咗，睇真啲竟然真係可以咁樣衰。。。重完全冇諗過俾返隻新嘅我。。。睇到都無胃口唔會再嚟幫襯估唔到間公司可以咁樣做，食物完全唔符合標準都可以出到俾人，管理層真係要反省下

推介經過apm嚟行街睇戲嘅朋友，真係要落去底層試一試，啲生蠔好新鮮，自己揀，即開即食法國黑珍珠海水味濃，愛爾蘭口感豐富， 太平洋extra大隻過我部note 8 一啲都唔淡味，仲有少少清甜

以前聽朋友講，吃生蠔好貴的，今日放工happy hour，有酒鬼同事建議去吃生蠔作下午茶，順便吹下水講下是非。我們來到觀塘APM裏便的一田超市，原來裏邊有很多熟食檔口，也有自助位，買完可以坐低吃，同事介紹吃生蠔，因為這裏有買五送一，我們揀了法國白珍珠生蠔及法國生蠔，兩者比較我較喜歡法國生蠔。白珍珠生蠔每隻$47.8買五送一即$239有六隻。同事買了啤酒，我則買了炸魚及薯條佐酒，地方坐得舒服大家非常高興。

成日經過但次次都係望，因為我個愛人唔鍾意食蠔所以又唔好意思只叫一兩隻所以次次望完就算！今日總於有機會啦🤗行過見到職員員開左隻蠔超級大隻又好新鮮所以就叫左一隻美國Extra 生蠔職員其實都係隨手拎起一隻,無話揀所以無所謂啦因為我都唔識揀開左出黎真係好驚喜，因為真係好大隻仲大過手掌心見到心情都特別爽上枱時會送上冰粒係碟到仲有檸檬同一少杯茄汁，清洗方面80分啦，可以再清洗好d味道方面十分鮮甜,蠔味重同好creamy,有少少膠口感覺，食完有蠔鮮味係口腔到

今次係第二次食依間野 心思思掛住叫左兩隻法國gillardeau 比起上次無甘重味但係都係好新鮮 好好味 送既檸檬 同醬 夾埋食一流 好想整多打返去慢慢嘆！ 唯有下似一次過再食過

去apm行街點都會去埋一田行下，分分鐘收獲真係會多過行apm！行到入面有幾間賣野食，有刺生...薄餅...蠔嗰啲...見啲蠔大大隻就買一隻過下口癮，佢地又幾好心機，一隻都用隻大盆放勁多冰咁俾我，仲要有埋檸檬同酸汁添，不過個蠔殼好大....但隻蠔就無想像中咁大喇T.T不過食落都幾肥嘅算有口感，而且隻蠔都有鮮味同幾甜，同埋入面無沙無蠔殻碎，開得幾好！同埋無苦味！見佢地有做特價，好似買5送1，下次可以食多幾隻～

試左2種法國蠔加隻美國珍寶蠔。 兩隻法國都係爽口口感，有海水同礦物味，白珍珠蠔更加鮮甜，都要50幾蚊隻，係觀塘都可以食到個飯。珍寶好大隻，味道應該不及法國，但30幾蚊。

放工同朋友試下一田既生蠔，其實佢價錢大約係$4x隻，見到呢款寫住甜同肥美大家各叫左一隻試試 真係好新鮮呀同好甜！好正我地都叫左碎蛋沙律焗薯-呢個勁like好好味 加$15有個沙律同湯 -個湯就麻麻 沙律都夠fresh ! 仲叫多個芝史焗蠔4隻$68 抵食 好大隻下 唔係講笑會再黎

豬仔好鐘意食生蠔, 鮮甜味美, 特愛食美國生蠔. 美國生蠔普遍都是比較大只的, 口感十足員工細心的為我挑選生蠔, 不厭其煩為我介紹揀左六只新鮮大只生蠔生蠔新鮮不用落茄汁都好鮮美, 口感十足, 爽口鮮甜一田生蠔係好OK

今日黎開呢邊食野，見到有即開生蠔賣，仲有好多款選擇好似好正咁喎！我地4個人就叫左8隻試下佢呢間餐廳係自助形式，揀好蠔之後就去收銀處俾錢，再自己取餐，去open area搵位坐低食老實講，佢的價錢都唔平，平均都要$5x-6x一隻，不過開左之後，睇落隻隻都好新鮮肥美由於我自己個人比較鐘意食鮮甜的蠔，所以揀左2隻蠔，一隻美國，一隻法國2隻都好鮮甜！好爽口新鮮！完全唔駛加醬汁，就咁加少少檸檬食，蠔的鮮味已經好出！D蠔入口爽爽地，好清甜，唔會有好漏的感覺總結食物質素好好！有貴價餐廳的水準但餐廳環境就麻麻地，似food court。

响隔離”勝手丼”食唔飽，於是老公話買個炸魚薯條食，於是叫咗個今日特價既- 海鱸魚柳配薯條 ($69)，粗薯條係炸得好味既，但薯條太早炸起，最後上碟唔夠熱係一敗筆，另一敗筆係魚既炸漿好厚，厚到我食咗細半條已放棄塊皮，而且條魚一d味都無，係鹽都無粒，我完全係食醬多過似食魚，同响英國食果d比，簡直無得比。

吉列忌廉炸薯蓉一田呢個area仲有幾間店圍著成為一個熟食角落，司令除左魚生飯仲試左另一間店嘅吉列薯蓉。等左一陣就有得食，咬落去忌廉味好重，薯味就冇乜。仲有少少失望嘅係即使見著佢新鮮炸熱都係有兩舊凍凍地😓，口感即刻差好多！同埋員工手腳有少少慢。不過其實間店就主力賣生蠔嘅，見列佢生蠔種類好多，即開即食，下次司令試完再同大家分享！

上次在一田同同事食完飯之後經過呢間店後，有點後悔睇唔到呢間，食飽飯之後都覺得好想食。今次，有機會食了！魚就係用beer batter做的，佢的batter都很smooth,炸後無起粒粒，魚塊唔算滑，實肉，份量少。食完個盒底唔多油，唔太驚人XD現炸薯條係用粗薯條，夠香脆之餘，又啖啖薯。不過我地覺得呢份Fish n Chips份量細左一啲，lunch的話，可以多一條魚塊就好了！

同媽咪行新開張超市順便食lunch，好辛苦先搵到兩個位，落完order要一桶藍青口(是日特價)、3隻生蠔等拎，跟住買咗盒刺身同嘢飲同媽咪一齊分享。白酒香草煮藍青口肥嘟嘟好鮮甜，剛熟好嫩滑，正！3款蠔我叫咗法國Pinky、KYS Marine、愛爾蘭Majestic，但最後比錯咗Tia Maraa，反正未試過，冇所謂啦。我試咗Tia Marsalis爽脆清甜， KYS Marine 口感爽脆，入口帶陣陣鮮甜海水味。店方開蠔冇碎，亦冇搵水沖走哂海水鮮味。不過話佢好平又唔算，坐得又迫又唔舒服，試過冇下次。