影片
营业时间
今日营业
11:00 - 22:30
星期一至五
11:00 - 22:30
星期六至日
10:30 - 22:30
公众假期
10:30 - 22:30
以上资料只供参考，请与餐厅确认详情
之前喺太子已经食过呢间Cafe，觉得佢嘅价钱都几合理，而且食物质素都几好。原来佢喺将军澳开咗分店，呢日咁啱喺呢头行街就过咗嚟食🥰 同朋友嗌咗一份几丰盛嘅二人餐。前菜可以喺餐汤同埋沙律二选一。♦️是日餐汤烟肉薯仔忌廉汤质地几稠杰，入面都食到几多烟肉粒。♦️是日沙律系份胡麻酱沙律，店员都装得几满㗎🥗小食有好几个选择，见到有焗生蚝同埋扇贝，两款都好想食，所以套餐以外，仲加配多咗一份扇贝🐚♦️焗生蚝口味方面可以拣蒜蓉或者芝士，我同朋友就拣咗两款味都要😳 生蚝都几大只同埋好肉肥美🦪♦️焗扇贝呢份我哋同样拣咗两沟，满足晒我哋两个愿望，真系好正😊 扇贝焗完出嚟仲keep住几juicy，同埋系即叫即焗，所以要小心辣手🤣主菜♦️西班牙海鲜饭呢个饭嘅份量劲多，底下呈黄色嘅意大利饭唔会煮得太硬😗 海鲜方面有大虾、鱿鱼、海蚬同埋青口。♦️美国安格斯肉眼牛扒肉眼扒我哋拣咗五成熟，入面嘅肉质仲系好粉嫩🥩 份量都够我同朋友两份分享。侧边仲有Gravy同埋黄芥辣可以点牛肉，不过我个人就最喜欢原汁原味🤩 甜品♦️开心果麻糬提拉米苏Tiramisu有几款口味 ，不过我特别钟情近期大热嘅开心果😝 Tiramisu入口Creamy，质地顺滑，配埋面头嘅开心果碎，中间嘅lady finger同埋底下嘅麻糬，口感真系好丰富呀。♦️巴斯克麻糬芝士蛋糕蛋糕一上碟已经劲香🎂 质地几绵密，入面仲有烟韧嘅麻糬，虽然带点邪恶，但系食完绝对唔会后悔🥰♦️牛角窝夫配雪糕呢个系二人餐附送嘅甜品，系一人一份嘅。牛角包窝夫虽然唔系焗得好㶶，但系都够晒香口同埋有牛油味🥐 侧边仲有一球云呢拿雪糕🍦饮品套餐免费嘅饮品都几多选择，有果汁、咖啡同埋特别嘅养生茶饮🍵 我同朋友就嗌咗鲜苹果汁同埋美式咖啡☕️ 亦都可以用半价升级至其他特饮。呢个二人餐真系好丰盛，特别钟意佢哋嘅自家制甜品，呢晚都见到有好多街坊过嚟帮衬㗎😙
继续阅读
之前食过太子分店既Owens～对佢个cake同咖嘛有念念不忘既感觉🥹今次同老公去左将军澳中心试埋佢个dinner set😋💕实在同样出色🙌🏻Cafe既环境好简约舒适～6:30到迟已经坐左一定既客人，果然系人气cafe💫好欣赏店员既服务态度，笑容好好，劲nice🥰主动提出俾多两只碟我地share食💕好细心呢！❥ 日本63度温泉蛋卡邦尼阔条面 $112超级大推😍配搭温泉蛋汁，每条意粉都挂满汁，口感好creamy🤤意粉烟韧有弹性🤩食落有唔少Bacon，咸香十足😋❥ 美国牛小排烧汁意大利饭 $132烧汁非常浓稠😍 牛小排肉质软腍，牛味香浓🐮Risotto软硬适中，有烟韧感😋每一啖饭都吸尽烧汁既香气✨好正🥰❥ 法式蟹肉龙虾汤 +$38口感好creamy😋味道香甜浓郁，充满鲜味！蟹肉同龙虾肉份量都几多，弹牙好味🤩❥ 蜜糖柚子鸡翼 +$38鸡皮超香脆，好够热🔥鸡肉嫩滑，加上有蜜糖柚子味，好惹味😋❥ 蒜蓉/芝士焗扇贝 +$68有惊喜呢‼️两件蒜蓉味、两件芝士味😚新鲜即制🔥扇贝焗至金黄色，劲香口🧡食落口好鲜嫩，分别充满蒜蓉香气/入口啖啖cheese🧀两种口味我都钟意❤️❥ 伯爵茶麻糬提拉米苏 +$48❥ 黑芝麻提拉米苏+$48呢度既Tiramisu系必须encore🌟前者有啖啖既茶香味☕️后者系浓郁既黑芝麻风味🖤各有特色🥹同Tiramisu味道都好夹😋配搭埋烟烟韧韧既麻糬，口感一流！食落唔会太甜或肥腻！❥ 热玫瑰鲜奶咖啡 +$21口感软滑，每啖都饮到玫瑰味，好清香🌹❥ 柠檬柚子蜂蜜（冻）好清甜解渴☺️解腻一流～一边饮仲食到柚子肉🧡
继续阅读
之前到过太子的Owens餐厅，食物和环境都一流。知道将军澳开了分店，今晚终于可以去尝尝。店舖的空间颇大，装修窗明几净，一样沿用木系家私装潢，延续了太子店的风格。空间宽敞，营造出舒适写意的氛围。窗明几净的设计让整个用餐环境显得明亮而温馨，我们点了二人晚餐：南瓜忌廉汤浓郁滑顺，南瓜的甜味与忌廉的奶香完美融合。蒜蓉及芝士焗生蚝生蚝鲜嫩多汁，蒜香浓郁，焗烤后的芝士外层微脆，内里柔软。 意式白酒煮蚬蚬肉鲜嫩，汤汁清爽。白酒的香气与蚬的鲜甜完美结合，还带有淡淡的香草和蒜香。脆炸鱿鱼须外皮酥脆，内里鱿鱼弹牙有嚼劲。调味适中，不会过咸。西班牙海鲜意大利饭有青口、鱿鱼、大蚬和虾。全部都非常弹牙，有嚼劲。米粒煮得恰到好处，很入味。 美国安格斯肉眼牛扒牛扒外层微焦，内里肉质鲜嫩多汁，切开时肉汁丰富。Tiramisu开心果麻糬提拉米苏很好味！层次丰富，麻糬的Q弹与提拉米苏的绵密形成对比。开心果甜而不腻，又有嚼劲，令人吃过不停。牛角窝夫配雪糕牛角窝夫外酥内软，雪糕很滑顺。窝夫脆卜卜，与雪糕的甜味完美搭配，冷热交替的口感令人再三回味。从汤到主菜，再到甜点和饮品，每一道都令人印象深刻。再值得一提的是店员的服务态度优良，还询问我们的吃口感，服务周到体贴，绝对是值得再次光顾的高品质西餐厅。
继续阅读
位于将军澳中心❣︎Owens❣︎系一间主打食西餐同甜品cafe，装饰简约舒服☺️服务好好👍🏻甜品款式同摆盘相当精致，甜品控必食推介🫶🏻💕❣︎法式香草烧羊架薯菜❣︎$128羊架鲜嫩多汁😋加埋香草去煎，好惹味。❣︎南瓜汤❣︎(跟餐）南瓜汤口感幼滑。❣︎酥炸吉列生蚝❣︎(4只)跟餐+$28即叫即炸热辣辣😋👍🏻非常酥脆，生蚝多汁鲜甜。❣︎开心果麻糬提拉米苏❣︎$48必食推介🌟摆盘超靓😍面头铺满开心果粒粒👍🏻Tiramisu入面仲有麻糬好烟韧😋口感相当丰富，又有咬口，开心果控必试。❣︎香茅生姜蜜❣︎香茅味同姜味饮落好提神。❣︎纽西兰顶级肉眼牛扒饭❣︎$132牛扒相当大块，肉味浓郁，肉汁够juicy。❣︎冻棒子鲜奶咖啡❣︎跟餐+$23浓郁棒子味😋👍🏻鲜奶同咖啡比例岩岩好，加埋面层嘅cream，饮落相当幼滑，甜度岩岩好。❣︎樱花虾夏威夷薄饼❣︎$48下午茶性价比高，$48就叹到pizza👍🏻口感香脆，馅料有芝士，火腿，菠萝，相当足料。
继续阅读
网上取票，赶到去要候补，但只等了三张枱便到我们了，刚刚好可以吃下午茶，下午茶种类也不少，有饭、意粉、鸡翼薯条、猪扒窝夫………最纠结的是要吃什么甜品，我想试开心果麻糬蛋糕，女儿想吃朱古力心太软加雪糕，结果当然是迁就女儿啦！但后来竟然送上一个开心果麻糬并说给我们试试，真的惊喜到要再三确认是给我们试的，心里暗喜莫非听到我们在讨论？甜品真的很好吃，开心果麻糬甜而不腻，层次丰富，朱古力心太软味道浓郁，配合Vanilla雪糕，简直一流
继续阅读