Outdark (H8)

营业中

休息中

Outdark 餐廳環境好適合談心暗暗地 有滿佈星星 座位與座位私隱度高 分隔得幾開除左芝士雞/豬/牛 炸雞類 仲有好多好食既韓食天氣凍 叫左杯 Honey Grapefruit Tea~~微酸 順喉~~因為朋友兩聲咳 所以今次無食到炸雞 因為咁 意外發掘到其他韓食 原來都好好食!韓式燒牛肉一向韓牛都有特別嘅調味,有牛味得嚟帶少少甜,係真係幾好食 再加上佢鐵板上 ,一路都仲係保持住溫度 ,煮多陣你仲可以煮到有少少焦焦地食, 好有風味我黎親都必食嘅炸醬麵 佢面係有少少煙韌同埋加咗好多配料,食得出啲配料全部都炒過所以特別香海鮮煎餅絕對係料多過粉 就咁睇相都見到其實放咗好少粉漿 但係就做到嗰個脆嘅效果!本身唔食韭菜嘅我 都食完一件又一件~絕對推介大家來呢度食韓食~

呢間韓式餐廳好出名，好早之前已經聽朋友成日提過，係厚福街幢H8見到一幅瑣牆，仲有好多小擺設，好有特色令我諗翻起之前去韓國嘅嗰個景點店內有鐵網供情侶掛上情侶鎖，加上星星吊燈，情調十足餐牌有好多種類選擇，有cheese kingdom、炒年糕、韓國街頭小食例如串串魚糕湯、仲有煎餅、炒粉絲、飯捲，仲有好多嘢飲，韓式飲品，非常地道嘅韓式小食芝士豬肋骨 Cheesy Ribs 超大盤，好岩一大班朋友share食，上菜後店員同我哋講話鄧芝士溶咗一陣先，佢之後黎幫我地炒一炒，豬肋骨包滿厚厚的芝士，拉絲芝士超級香濃，好邪惡肋骨輕輕一咬就離骨，好軟好腍雞蛋卷、泡菜、菠蘿粒同紫菜飯，中和返芝士冇咁膩，尤其是菠蘿粒，甜甜地酸酸地中和左芝士嘅膩芝士炒到拉絲熔岩狀態, 一件件豬肋骨食超正飲品叫咗藍莓奶昔，士多啤梨奶昔，超級滑，而且好濃郁嘅果味，真係想飲多幾杯

呢間韓國料理經常都好多人滿座，鍾意佢有韓國OPPA 員工，感覺好地道。呢度嘅韓國菜水準唔錯，所以都食過幾次了！呢度燈光暗暗，裝飾上有星星燈幾靚。我哋兩個人叫咗幾款嘢食記得呢度啲炸雞份量好多，所以我哋今次就選擇叫小食。泡菜煎餅，呢個每次嚟我都會叫，因為好好食😋泡菜味辣辣地，但係唔會好辣，而且煎得好香脆，點埋個豉油真係好好食！韓式烤肉及年糕，呢個牛肉烤得好香，富有韓式味道。另外仲配有年糕煙煙韌韌，yummy! 炸蝦飯卷係韓式風味，有香脆炸蝦🍤、黃瓜🥒、紅蘿蔔絲🥕、青瓜、等等配料。除咗炸蝦香脆，其他配料咬落爽口。呢度所有嘅位都坐得舒服，而且嘢食真係有韓國風味，好味道！

最近見IG好多人去韓國，搞到我又嘴饞想食韓國野，於是又黎左Outdark🙈今次黎到好多staff都係韓國人，可以直接用韓文點單🤭成個feel更似係韓國🇰🇷☑️串串魚糕湯 $188天氣凍咗好想飲啲熱辣辣嘅湯，簡魚糕湯就最適合不過，入面有好多種唔同類型嘅魚糕，仲有粉絲，年糕，鵪鶉蛋🥚菇🍄青口，蘿蔔。魚糕吸晒湯底嘅味，連埋啲湯一齊飲，即刻暖入心💕佢哋會連埋個爐一齊上，唔怕食到一半凍哂👍🏻☑️炸醬麵 $98炸醬麵係我每次黎都必點，麵既軟硬適中，撈完之後每一條麵都裹上濃郁既炸醬，用料亦都好足，有海量既五花肉🥩絕對值返佢呢個價錢😌☑️豬肉炒粉絲 $88第一次試佢哋呢度既炒粉絲，豬肉係用左韓國既豬肉，十分嫩滑🐖而且炒到好香，豬肉既份量又係有好多，粉絲入面仲有三色椒🫑冬菇🍄紅蘿蔔🥕，味道方面鹹淡適中，食到好香嘅麻油同芝麻味😆☑️Peach Lemon Tea $34 / Honey Jujube Tea $34天氣凍咗好多，忍唔住叫返啲熱飲，Peach Lemon Tea好濃烈既桃味，Honey Jujube Tea就有好香既棗味，兩杯都唔會太甜😌

今日和老婆和好友往尖沙咀outdark食韓國菜,我們點了辣炒朱肉,串串魚糕湯和炸醬面,辣炒朱肉份量十足,朱肉炒得薄薄,食落肉味香濃,芝士蛋味道香滑,菠蘿甜度適中,泡菜辣度惹味,紫菜飯食落軟綿,整份辣炒朱肉食落惹味,佐酒一流,串串魚糕湯魚糕食落彈牙,湯底鹹度適中,配菜和菇食落爽口,米粉爽口,整份串串年糕食落美味可口,最後炸醬面面條爽口,醬汁香濃,朱肉片食落軟腍,餐廳座位闊落,食物美味,適合三五知己聚會,我和老婆和朋友食了一餐好味韓國菜

📍Outdark厚福街H8呢座大廈真係收埋好多正嘅餐廳，包括呢一間屹立好多年嘅韓國餐廳～👅芝士炒雞 $338呢個芝士炒雞極度邪惡，熱鍋上面一半係芝士，一半係辣雞同年糕，店員首先會過黎炒溶芝士，將芝士完全包住辣雞，仲有火keep住個溫度，入口熱辣辣，好滿足🥹側邊仲有蛋、菠蘿同埋泡菜做伴碟，可以解膩又可以解辣🥰👅 Diy飯團 $45其實芝士炒雞都好夠兩個人飽，呢個完全係貪玩所以叫😝首先戴手套，跟住將飯素同埋紫菜混合白飯，搓成一個波就食得😝👅 士多啤梨乳酪 $45呢一個真係有驚喜，估唔到咁好飲，奶味夠，士多啤梨亦都夠甜，口感杰身，好出色👅 蜜糖檸檬茶 $34因為怕熱氣，所以要啲蜜糖潤喉，整體都可以～

尖沙咀厚福街食肆林立，要突圍而出並不容易，想到吃韓國菜，就一定會去OutDark，一間來自韓國釜山的炸雞品牌，而香港更是韓國以外的首間海外分店，環境浪漫，情調十足 ，座位寬敞舒適，非常適合情侶或三五知己共聚的一個好地方。😋 辣炒豬肉 $268是一個將豬肉切成薄片用辣調味醬攪拌後加上芽菜洋蔥拌炒而成的菜式，非常惹味，酸酸辣辣，配上芝士更覺出色。‼️好食指數 10/10‼️推介指數 10/10😋 炸蝦飯捲 $88每次食韓國菜都會必選Kimbap，外層紫菜包住酥脆的炸蝦加上泡菜青瓜蛋等配料，口感非常豐富。‼️好食指數 10/10‼️推介指數 10/10😋 烤牛肉炒粉絲 $98整個菜式充滿香濃的麻油味，牛肉炒得嫩滑不老，粉絲口感彈牙滑溜。‼️好食指數 10/10‼️推介指數 10/10😋 藍莓乳酪 $45是用藍莓和酸奶粉以及牛奶混合而成的一款特色飲品，喜歡藍莓的你不可錯過。‼️好食指數 10/10‼️推介指數 10/10🍽 Out Dark📌 尖沙咀厚福街8號H8 17樓☎️ 2722 0831⏰星期一至日 12:00-16:00，17:30-22:30

又到聖誕啦！今日約咗姐妹去尖沙咀買聖誕禮物，瘋狂購物前當然要醫飽肚先啦，今次就去咗Outdark食烤肉！Cheese Stick（$35）每次嚟outdark必點嘅前菜，炸到超香脆，内餡拉絲芝士又可口，同朋友一人一條，配酒或者汽水都超正！烤豬梅頭肉（$188）餐廳特別以烤熱鐵板上菜，香氣四溢！梅頭肉切到一口大小方便食用，加鹽烤到香口肉嫩，肉質細膩，配埋特式蒜香醬汁，非常惹味！配菜都好豐富，有金菇、洋蔥、醃青瓜、辣椒同韭菜。烤牛肉飯捲（$88）紫菜飯捲入面包有烤牛肉、青瓜、紅蘿蔔絲、醃蘿蔔同玉子，入口淡淡麻油香氣，簡單美味！泡菜煎餅（$98）素食之選，以泡菜、芽菜、洋蔥同辣椒等混合煎餅，外面微焦香脆，口感豐富，味道比較濃，啱我呢啲重口味人士。西柚梳打（$34）粉紅色賣相吸引，仲有片片西柚果肉，非常足料，唔會有藥水味，口味清爽！Peach lemon tea（$34）女仕們總有啲時間想飲杯熱飲，呢度都好貼心甘提供埋熱茶選項，蜜桃茶底加上檸檬片，清新消滯！

「 尖 沙 咀• 𝐎𝐮𝐭𝐝𝐚𝐫𝐤 」一間位於尖沙咀人氣高嘅浪漫韓國餐廳 見到好多星星嘅掛飾 燈光微暗 餐廳主要木櫈卡位為主 所以好有privacy同朋友嚟傾下計食嘢係唔錯嘅選擇☺️ 有部分員工都係韓國人嚟 餐廳會播住韓文歌 其實之前聽frd講都話呢間好食 不過長期都好多人食 今次一點幾去到咁岩有兩枱岩岩賣單所以唔洗等位 全場都係滿嘅！！🧀 芝士豬肋骨芝士豬肋骨 爐嘅一半係水牛車打芝士一半係豬肋骨 份量真係好多 對於我地兩個人好似係有啲多 爐邊有菠蘿、泡菜、蛋、紫菜飯 個爐放咗係到十幾分鐘之後 店員就會主動行過嚟幫我地攪一攪啲芝士之後就淋上去豬肋骨上面就食得啦 芝士拉絲真係好正😍 豬肋骨嘅肉質好淋 一咬肉就會離骨 我地揀咗正常辣 係少辣可接受味道岩岩好！！🍗蜜糖蒜香炸雞半份炸雞嘅份量都唔少 炸雞外皮炸得好香脆 而裡面嘅雞肉就好嫩 炸雞佔滿咗大量蜜糖好夠味道 🍹蜜桃梳打呢杯🍑梳打嘅氣泡感好強 就算飲到最後都仲有好足夠嘅氣 而底層係濃縮咗嘅蜜桃果汁 攪拌均勻飲就岩岩好味度 有埋檸檬令到成杯嘢飲更fresh😍👍🏻

同朋友👱🏻‍♀️一齊喺尖沙咀，佢話想食韓國菜🇰🇷，咁我唯有馬上開動人肉電腦💻搜尋🔍，搵到呢間🤪，就即刻帶朋友👱🏻‍♀️上去開餐😆$188嘅「辣豆腐湯烏冬 Spicy Sundubu-udong」：餐牌咁樣介紹呢個菜：「由水豆腐，五花肉，各種海鮮以及蔬菜，附上烏冬，雞蛋，配上香濃的湯底，再由石鍋盛上」😋；上枱嘅時候連埋個火爐一齊，由頭食到尾都熱辣辣😋；我哋食到嘅材料有 滑滑嘅水豆腐、半肥瘦五花肉🐷、蝦仁🍤、蜆肉、八爪魚仔🐙、金菇菜、香蔥、辣椒🌶️、雜菌等，材料真係幾豐富，湯底辣辣哋夠晒濃郁，好味😋$88嘅「炭豚飯卷KIMBAP」：材料有豬肉、青瓜、紅蘿蔔絲、雞蛋、醃菜，亦都係幾豐富😋$45嘅「OUTDARK YOGURT」，要咗兩杯，一杯Strawberry🍓一杯 Blueberry🫐：唔係好甜，清新幾好飲，仲食到少少打碎咗嘅士多啤梨🍓同藍莓🫐，真係真材實料🤩食飽飽，朋友👱🏻‍♀️要咗杯 $25 嘅 Mint Green Tea 我就要咗杯 都係 $25嘅 Earl Grey：食完嘢飲杯熱茶，非常暖胃，非常舒服😌

好耐無去Outdark啦😍 心思思又想去食佢個芝士炒雞🤤星期日lunch time去 唔算好多人▫️芝士炒雞 ($328)Outdark出品嘅雞全部都係用上雞腿肉肉質超嫩滑超Juicy 店員會幫手處理芝士我就可以坐定定影相打卡😋超邪惡芝士炒雞 成尺長嘅拉絲芝士配菜仲有年糕 好煙韌個鍋邊仲有齊雞蛋卷、紫菜飯、菠蘿粒、泡菜 撈芝士食一流😍▫️烤牛肉飯卷 ($88)韓式飯卷嘅味道比我感覺都比較清新烤牛肉配上蘿蔔青瓜 口感清爽我仲將佢放上芝士鍋入面 沾滿醬汁 正呀😍▫️蜜桃梳打 & 柚子梳打 ($34)咁早食飯就唔飲酒啦😂 果味梳打都不錯

每次稔起想食韓式炸雞就會去Outdark！因為佢真係又抵食又好食😋雙拼炸雞唔洗$200，就有兩大盒可以揀兩隻唔同味，啱曬貪心嘅人！而我今次就揀左原味同甜辣兩種口味，一打開熱辣辣，再開罐啤酒飲真係一流！炸雞皮脆肉滑，啲甜辣汁辣度適中啱曬我呢啲唔食得辣但又貪過癮嘅人士🫣佢同其他地方唔同嘅係炸雞之外仲會送埋薯角，一盒夠兩個女仔食。我今次買係一個人自私食，最後足足食咗3餐先食得曬😆😆難得第二日焗返熱依然咁好食，所以話outdark炸雞真係世一👍🏻

今年韓國餐廳大量進駐香港，outdark就係其中一間，仲係受歡迎嗰隻！呢道款式種類多，味道夠晒地道韓國風味👍重點推介呢度嘅海鮮煎餅，大堆頭海鮮同埋韭菜製作，邊位脆卜卜，點會唔好食喎？！食起嚟厚厚的有質感，加咗勁多韭菜同埋蔥，所以唔肥膩之外，仲好香口！講到韓國人氣食物點少得炸醬麵呀！同香港嘅炸醬麵好唔同，係由黑豆煮成醬料再伴以大片豬肉和蔬菜嘅！香濃嘅醬汁令每一條麵條都呈現着完美的黑色的光澤，最鍾意學韓國人咁大啖大啖把麵條塞嘴巴，讓整個口腔充斥着那甜美的黑豆香氣，咁就最完美啦！食完就明白點解成個韓國都鍾意食佢！呢度嘅蜜桃corona甜甜地好易入口，幾好啱女仔飲，仲好igable，打卡一流！唔經唔覺就來聖誕🎄掛滿晒裝飾，氣氛一流，成日有大班人嚟gathering 㗎！@outdark#outdark #outdarkhk #koreanfood #koreanstyle #korea #chicken #炸雞 #cheese #芝士 #韓國 #韓國菜 #過江龍 #韓式料理 #尖沙咀美食

O U T D A R K 尖沙咀厚福街8號H8 17樓———————————————叫炸雞有全份/半份揀 $118口味選擇多 可以雙拼蒜蓉蜜糖 醬油炸雞 甜辣味道都比較受歡迎薯格薯片薯條係配襯 主角係甜辣炸雞食完炸雞 記得食一食清新二。甜口嘅蘿蔔海鮮煎餅Seafood Jilim $118這是一個海鮮和野菜結合而成的傑作！魷魚鮮蝦八爪魚仔三大海鮮高手匯聚煎餅之上軍團都相當具有規模 平時粉底薄餅食得多今次食個特別嘅餅底鐵板牛肉年糕 $188紅椒青椒韭菜蒜蓉金針菇仲有年糕用牛油炒香 再用鐵板上 熱辣辣惹味登場

✿╮❤╭✿✿雜感女生   好味日記✿˚*•✰。Outdark．出色的韓牛與炸雞。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤  經過逾2年的「禁足」，未能出去旅行思念韓國美食的朋友不知不覺拉我到她最愛的韓店以美食解思鄉之情  這裡由韓國人主理店主親切有禮店員年輕高效好感油然而生   韓式烤牛肉 以醬油、蜜格為牛肉掀開動人的甜美蔥末和芝麻碎如初春的微風吹入牛肉的每一寸了肌膚一堆金菇在底層吸盡了牛油香亦與烤盤緊密無間肌膚相親，墊出了焦香那韭菜、洋蔥把沾滿牛油香的年糕帶來微辣香氣令溫柔煙韌的年糕更具味力！   紫菜炸蝦飯卷 紫菜對我有無法抗拒的味力特別是包了韓國麻油那無可比擬的香氣令人一步步靠近  吉烈炸蝦的飯卷在清翠菜菜子包圍之下黃蘿蔔與青瓜提供了清爽的口感為香脆的炸蝦加強了誘惑所以，這是必食的味道   甜辣炸雞 嚴選優質韓國雞肉所以肉質鮮美有保證炸好撕開有彈性之外更有飽滿肉汁形成外脆內嫩的口感重點係入口非常香脆食左唔覺油膩 薯條、薯格、薯塊食到人非常愉快有韓式芝士粉帶動甜味，令味蕾充滿