影片
完全唔记得写返个食评，因为以前食过呢间嘅刺身生蚝外卖，知道老板喺呢个唔起眼嘅商场开咗呢间门市，所以特登过嚟支持，只可以话水准非常之高，老土啲讲啲嘢新鲜已经冇得输咁呢度已经做到，食乜都冇所谓，因为全部都系老板推介，我哋冇嘢唔食. 价钱你可以同老板自己倾，够晒弹性, 因为为食𠮶阵时毛蟹当造，所以老板就问我哋参加毛蟹，另外生蚝都有唔少选择就同老细讲想要边一款就可以.其实老板每晚只系做一轮最多都系坐到三至四个人，所以有兴趣都要早啲预约
继续阅读
值得一去的隐世寿司店，不一样的体验。不一样的厨师发办，令人10分惊喜。而且唔可以用金钱嚟衡量，呢一间真系好亲民嘅寿司店。估唔到系一个咁唔起码个商场都会有咁嘅惊喜。值得一试。佢哋啲鱼生真系好新鲜，而且会根据你个喜好嚟拣选。预约之前可以同厨师多多沟通。记得提早预约，场地同埋座位有限。一晚只招呼一台客。但系确实系一个好专享嘅服务。食物质素10分超班。厨师知道我钟意食贝类，特别准备咗一只极大北寄贝，真系好惊喜。
继续阅读
点咗外卖刺身做晚餐，真系好正。朝早落order，当晚有得拎。每样都好新鲜，唔系普通急冻货。叫咗厚岸蚝，笠子，龙虾，象拔，原个海胆，帆立贝，北寄贝，赤贝同秋刀鱼。生蚝好Creamy，海胆，秋刀鱼，笠子同赤贝鲜甜，龙虾刺身非常新鲜，虾头仲识郁，小朋友见到好开心，北寄贝刺身唔系度度有，帆立贝好厚肉，象拔劲爽口。睇得出老细好有心机整，整得好干净，切完仲摆得好靓。大人细路都食到lam lam脷，有惊喜，下次一定再帮衬。
继续阅读
今次第一次写食评，因为23/3叫咗呢间嘅寿司刺身生蚝外卖速递，试完都觉得真系几好食，所以想借位出个post赞赏一下。叫咗个二人寿司刺身set,加多3只赤崎蚝,2只气仙町蚝。先试生蚝，自己开蚝，蚝身好爽口，味道鲜甜兼海水味重，好啱我口味。跟住食刺身，北寄贝赤贝真系好新鲜，肉质大爽脆，其他刺身都好正，同其他店比较，质素都高得多，有啲店舖卖嘅刺身肉又霉又无味，呢间比起上嚟系好得多。最后寿司啲饭我最钟意，佢用自己调较嘅赤醋做寿司饭，好有诚意，令我有啲觉得个饭比起其他寿司店好食好多总括黎讲整体都高质，另外系送到嚟都仲好靓，唔会话乱晒龙，希望大家睇完呢篇不妨order 嚟试下呢间寿司店。
继续阅读
呢间之前都有叫开到会，都帮衬好多年，每次叫都冇失望，佢系屯门开左间，当然即兴去揾食，叫左寿司和刺身盘 少少蚝，佢地个醋饭味道好好，用赤醋，食物都超有水准，价钱都合理，唔系揾个c9整比你，食得出好有心的味道刺身选择都多款，因为系即开所以都要等左一阵先可以，当然即场食左几只蚝边等边食好爽.有保温袋有冰包，配料酸汁都有，包装都唔错，好快会有下次，因为附近除左大集团都冇寿司小店，最欣赏系个醋饭和原条鱼刺身。
继续阅读