影片
在家办工都要唞一唞, 出嚟食个lunch先~今日想食burger, 喺the basic, masam同呢间拣. 印象中masam冇位坐o既, 之后去咗the basic, 价钱的确吸引, 之但系唔预你堂食(其有一张枱不过太开扬同喺路边食冇分呢), 最后拣咗oops burger.舖仔一间, 两张枱只有6个位, 先付款形式. 餐牌里面选择不多, 但猪, 牛, 鸡, 鱼都有, 比较特别o既仲有软壳蟹. 价钱由廿几到五十几都有, 加$15仲可以转set, 有洋葱圈或薯条或鸡块连罐装饮品.一般第一次试都系拣classic burger, 试下自家手打牛肉味道如何. 落单后等咗大概5分钟, 卖相不错但size比想像中细. 先试洋葱圈, 无疑是即炸的, 外脆内软但略嫌调味不足而且炸浆太厚. 主角汉堡除了汉堡扒外还有芝士, 沙律菜和番茄. 面包实咗D唔够松软, 可幸主角和配料都没有令人失望, 汉堡扒juicy食落唔鞋口, 番茄同菜都新鲜, 芝士咸香, 加上酸甜的酱汁配合得宜.感觉上都系有heart的小店, 市道不景下经营不易, 希望能渡过难关.
继续阅读