Oops (已結業)

近來的西貢，文青的小店好像越開越多。 新出現的小店，大都是以西食同咖啡為主，而且，我們發現到，這些文青小店已經跳出了西貢舊墟。開始出現在人來人往，車來車往的巴士站一帶。這一天，在車水馬龍的小巴站附近，我看見一個有趣的名字叫《Oops》。細心一看，原來是一間小小的咖啡店。反正是日有少少時間可閒著，就決定入來試一杯 coffee。《Oops》有少少日系，也有點歐系。因為此店提供了有 CBD (Cannabidiol，大麻二酚)，成份的咖啡。這是歐洲流行的一種能令人放鬆的食品添加物。雖然有大麻成份，但絕對不是毒品，而且是合法的。此外，小店由兩位美女主理，有少少令人感覺到，醉翁之意不在咖啡。《Oops....》 I had a coffee!  我決定來一杯 Dirty。奶同咖啡的層次非常之分明。入口的感覺，就是以咖啡為重，奶為次。Dirty 的顏色有層次，而味道就在口腔中混合，比起一般飲 Latte / Flat White 來得更香滑同濃郁。《Oops....》 I did it again! 是 Britney Spears 的其中一首名曲。這文章，我把咖啡代入了。因為這一次真的是路過，我亦的確是 Oops! 一聲，原來有間新既咖啡店。再 Oops! 一聲，我又花錢飲左杯有水準既咖啡了。(我今次沒有試 CBD，有機緣一試時，再評。)   …查看更多

呢間新開冇耐嘅coffee shop非常近西貢巴士總站特別之處係佢有賣呢排好興嘅CBD大麻咖啡飲左會令人放鬆啲但我今次就冇試啦都係飲番普通coffee今次叫左杯Americano啡底小酸 都ok一杯Marshmello mocha賣相打卡一流可惜棉花糖燒得唔夠外脆內軟Mocha沖得幾好味道平均一杯honeycomb cappuccino賣相都唔錯Cappuccino 啡底都唔錯用honeycomb脆脆點咖啡食都幾特別幾好味至於甜品方面特別推薦homemade banana cake香蕉味香濃又唔會太甜加上honey醬同香蕉乾一齊食好滿足至於另一款甜品green tea basque cheesecake非常失色可能雪得太耐一吉落去係一粒粒又硬完全唔綿滑冇cheesecake味冇綠茶味我比負分總結呢間cafe可以encore但絕對絕對唔好試佢個basque cheesecake！…查看更多

西貢小咖啡店 係小巴站附近 方便細細一間都算幾好氣氛 好掛住韓國嘅咖啡店呀🥲老闆(應該係)好好禮貌good good👍🏻⭐️牛油果🥑配煙三文魚🐟貝果🥯好多款貝果 選擇困難症 最後揀呢個有機會下次可以試吓叫其他🤤以一個自己識整貝果嘅人 (當然唔可以話叻啦)呢間貝果整得不錯㗎 好煙靭好好食☺️⭐️Hojicha Latte🥤去韓國飲過之後 就愛上咗呢個飲品🍵但唔可以成日飲 會變肥豬🐷間唔時飲杯都幾好呀⭐️Tonic Coffee唔係唔好飲 係我唔鍾意啫😳…查看更多

☕️簡約小店咖啡☕️推介指數 ❤️❤️❤️❣️🤍放假 #睡到三點 中秋節和家人好好的團圓吃一頓晚飯、準備生果和月餅賞月，要好好珍惜擁有的一切。最愛留在comfort zone，先去早前想去的小店喝咖啡，之後的事之後再說吧。好好學懂慢生活、學懂隨性、學懂隨性逛逛都可以放鬆心情😌小店開業半年多，入口玻璃黑框趟門，旁邊窗口打卡位今天沒有開。黃昏時間來到只有我們倆，中間都有客人買外賣。🍯Honeycomb Cappuccino HKD48✨飲落奶泡豐厚綿密，放在面層的Honeycomb 只是徐徐沈降、食落脆口。咖啡和奶比例剛好，帶點蜜糖味更多一份層次。🥛Iced Latte HKD45✨咖啡和奶比例同樣剛好，味道帶點nutty，比較之下Honeycomb Cappuccino 更吸引。放空看著店內的名信片，彷彿去旅行變成奢望。店子小小，如果長椅深一點座得會比較舒適一點，或是買外賣後到海濱放空都不錯呢❣️總結：-食物 ❤️❤️❤️❣️🤍環境 ❤️❤️❤️❣️🤍服務 ❤️❤️❤️❣️🤍.··🔖 Oops (西貢)🪑西貢福民路58-72號高富樓地下11號舖…查看更多

買左個抹茶bagel 同煙三文魚bagel 價錢同質素成反比抹茶bagel 只加薄薄cream cheese 食落好似食擦膠煙三文魚bagel $65抹花bagel $45絕對不值…查看更多

位於「西貢」私人大廈「高富樓」，面向「福民路」那一邊，某潮州粉麵飯店旁邊的小型食肆舖位，之前曾經先後有兩間食店，分別是經營台灣菜跟小型港韓台混合小食食店，兩間食店每次都經營不過兩年就關門結業收場。舖位上手食店是間台式，加上韓式混合風格的食店，主打手調台式水果茶飲品，台灣夜市小食食品，還有韓式熟食食品。只是台式水果茶裡面沒有「水蜜桃紅茶」，所以給我的印象只是一般而已。至於舖位再上一手的食店，是屬於台灣菜粉麵風格的餐廳，主打「台灣紅燒牛肉麵」，只是「台灣紅燒牛肉麵」湯底實際味道感覺比較辣，未必人人都接受到辣味的台灣牛肉麵食品。看來舖位原本業主釐定的租金水平應該不低，所以舖位上手這兩間台灣菜食店，跟韓台港式風格食店每次都支撐不過兩年時間，就很遺憾地結業收場。結果舖位相隔幾個月之後，終於都裝修變成了另一類食店，今次新食店的實際性質是咖啡小食店，咖啡小食店的實際名稱是英文名，叫做「Oops」。「Oops」就一般咖啡店一樣，都是先付款後用餐的快餐店營運模式。「Oops」裡面的主打食品是「貝果」麵包，「貝果」麵包的外型原本有點像我們平日會食，中間穿了洞，有點像「冬甩」，「冬甩」口感本來偏向有點軟綿綿，相反「貝果」口感比較硬，略帶韌性。但是「Oops」製作的「貝果」麵包實際口感相對於「冬甩」而言，「貝果」實際口感相對之下不算十分韌，例如我的「奶醬貝果」就在算一般程度的韌度而已，況且食店有提供小餐刀，所以享用過程不算困難。「Oops」裡面負責看店的人，製作「奶醬貝果」的時候，在「貝果」麵包圈中間塞入麵包，令「奶醬貝果」實際製成品變成有點港式麵包多士食品「奶油豬」。所謂的「奶油豬」，實際名稱其實是「奶油豬仔包」，把一個質感偏軟的「豬仔包」切開，再在其中一面「豬仔包」塗抹甜味煉奶跟「花生醬」，然後加熱烘烤變成甜味而香脆的多士小食食品。「Oops」製作的「奶醬貝果」的實際口感感覺也有點像「奶油豬」，本來口感偏韌的「貝果」麵包在烘烤過後，「貝果」邊緣口感立刻變得有點脆，有少許「奶油」「豬仔包」的感覺。由於「Oops」製作的「貝果」版本「奶油豬仔包」食品「奶醬貝果」，是用刀把原個「貝果」麵包剖開成為兩半，再把「貝果」麵包加熱烘烤，最後塗抹煉奶花生醬就製作完成。「奶醬貝果」實際製成品裡面的味道感覺真的很像「奶醬多士」，「奶醬貝果」的「煉奶」甜味和「花生醬」「花生」香味感覺都很容易靠味覺感覺到。雖然「奶醬貝果」麵包外圍邊緣的口感有少許脆，不過現實就是「奶醬貝果」麵包內圍的口感，就沒有邊緣那麼脆，口感開始有點韌，需要花牙力才能撕開和咀嚼完所有麵包。至於「Oops」的咖啡飲品「Burnt Marshmallow Mocha」，當時我未有看，清楚飲品的實際中文名稱，還以為只是一般「朱古力咖啡」飲品而已。但是當我看見「Burnt Marshmallow Mocha」頂蓋位置浸着一枚甜味「綿花糖」，「綿花糖」隨著被熱「朱古力咖啡」而逐漸融化，「綿花糖」甜味逐漸流進「朱古力咖啡」裡面。而且我發現「Oops」的「Burnt Marshmallow Mocha」表面上，還有「Oops」即時製作加入的人手鮮奶拉花圖案，拉花圖案裡面的鮮奶跟「綿花糖」甜味混合在一起，連加砂糖調味這步驟都可以省掉。我先試食享用浸在「Burnt Marshmallow Mocha」表面上的「綿花糖」，本來味道偏甜「綿花糖」浸過咖啡後，變得甜上加甜，而且「綿花糖」口感逐漸融化，甜味和咖啡微甜在我口腔舌頭上裡面不斷徘徊。「綿花糖」隨著被咖啡熱力而融化，逐漸沉沒在「朱古力咖啡」裡面，我趁「綿花糖」即將融化之前試食了一啖，發現半融「綿花糖」的口感，相對未融化前的「綿花糖」，半融「綿花糖」更像甜味的「啫喱」。由於「奶醬貝果」裡面的「煉奶」、「花生醬」甜味，跟飲品「Burnt Marshmallow Mocha」裡面的「綿花糖」、「朱古力」甜味濃度一樣很高，我擔心食完「奶醬貝果」，煉奶甜味會令「綿花糖」甜味感覺略打折扣。事實上「奶醬貝果」和「Burnt Marshmallow Mocha」甜味濃度，沒有因為享用先後次序不同，而影響到「奶醬貝果」跟咖啡的實際甜味感覺，只是價錢稍為有點昂貴而已，有機會的話還可以考慮再光顧。…查看更多

平日放假想chill chill , 都會入嚟西貢覓食，同relax 下，行下見到依間舖頭細細，裝修簡潔俐落，於是就入去試下啦！同店員傾吓計先知原來開張無耐，問下有乜推介，原來依度有CBD 咖啡，西貢仲係第一間添。當然要試下啦，叫左杯latte 加CBD 。依杯咖啡加左CBD又幾特別，有少少花香味同個shot配合得好balance ，值得一試。平時聽就聽得多，飲都係第一次，店員好nice ，讚👍🏻，唔嫌我煩，介紹俾我知乜嘢係CBD ，仲有CBG 。原來CBD 係有鎮靜抗炎及舒緩焦慮作用，好多食品護膚品加入依隻油，唔知係心理作用定真係work，飲完個人好放鬆，仲無咁燥底添🤣🤣。另外，因為我朋友嗌肚餓，叫左個pizza bagel 加chopped bacon 同ice yuzu citrus oolong tea 。pizza bagel ，加左微微烤過嘅bacon，又脆又香，bagel 又有少少煙韌，唔錯嘅配搭。唔喜歡咖啡嘅你可以試下依個yuzu oolong tea , 炎炎夏日，酸酸甜甜加埋個oolong tea ，好清新，茶味都夠濃，不錯喲！…查看更多

放假去西貢玩，下午茶時間想找個地方坐下涼下冷氣，發現巴士站附近開了間新Cafe就決定入去試下Cafe除左提供咖啡朱古力飲品，仲有輕食提供，揀左呢個Matcha Bagel配埋士多啤梨醬同cream cheese, 食一個有2種味，加埋杯latte岩岩好坐位對住水吧，可以望住佢地點樣沖咖啡，店員都好好人，會同你傾下計，呢個先係休閒嘅西貢…查看更多

襯平日有時間貢左入西貢行個圈無意中發現到間Coffee Shop 係巴士總站附近熱屎辣辣 諗住買杯Mocha邊行邊飲點知比間鋪嘅水泥牆裝修吸引住講鋪頭嘅設計 簡約舒服又有啲格調墨綠色x黑色 窗口邊有幅水泥牆可以用嚟打卡一流啊❤️中午時份加上平日唔算多人，仲有個窗口位可以坐望吓街景 睇吓個天空 😊😊休閒咁飲咖啡同食件Cake 個Staff好好人呀～見我哋諗咗好耐好似都未決定到飲咩😅都問我地鍾意飲咩口味，再介紹比我地～nice!咖啡方面都幾多選擇，我就揀咗杯Ice Mocha + Matcha Roll Cake 😍😍 朋友就試左Staff介紹嘅Matcha LatteIce Mocha 味道都唔錯 香香嘅咖啡味再加上甜甜嘅朱古力醬啱晒我Matcha Roll Cake 好好食呀！真係好有驚喜呀～見佢個樣靚靚仔仔就叫咗一個嚟試吓其實佢Roll Cake都有好多味～佢個海綿蛋糕軟林林中間嘅抹茶cream又唔漏wow👍🏻👍🏻👍🏻👍🏻👍🏻👍🏻Yummy!下次有機會再去試吓其他味先！依個Staff介紹嘅Matcha Latte 都好好飲，甜度同抺茶嘅味道都好均勻，冇搶到大家嘅味道，鍾意飲抹茶嘅朋友可以去試吓！整體環境同飲品食物質素都ok!有機會再去試下😁…查看更多

📌 Oops~西貢 專登入西貢試幾間一直想試嘅cafe🤩一落小巴行幾分鐘就到 位於西貢市中心店面細細 裝修型格😍有一個大嘅窗口位 有唔少植物裝飾🌿可以望住出面街景 幾chill～仲係pet-friendly餐廳 可以同寵物一齊嚟🐶入面同出面都有座位 人流唔多食物選擇少 得Bagel同卷蛋😬不過卻是西貢第一間提供CBD咖啡☕️1️⃣ 𝗖𝗵𝗼𝗰𝗼𝗹𝗮𝘁𝗲 𝗖𝗮𝗸𝗲 𝗥𝗼𝗹𝗹 $𝟰𝟱 (𝟲/𝟭𝟬)本身超級期待個卷蛋 賣相很吸引🤩上面灑上糖霜 仲有一片金箔同藍莓伴碟一共有五款口味 抹茶、朱古力、Tiramisu、原味、紫薯🖐🏻但抹茶味賣晒 只好試朱古力🧐卷蛋吾算好軟熟 忌廉也不太幼滑🤭有啲似美心賣嘅卷蛋味😂無話好驚豔2️⃣𝗠𝗼𝗰𝗵𝗮 $𝟰𝟱 (𝟳.𝟱/𝟭𝟬)飲品用上玻璃杯 簡單美觀☕️拉花都幾靚 奶泡順滑朱古力味道唔太出🍫咖啡味更突出喝完一杯即刻醒神哂🤣3️⃣ 𝗨𝗷𝗶 𝗠𝗮𝘁𝗰𝗵𝗮 𝗟𝗮𝘁𝘁𝗲 $𝟰𝟱 (𝟲.𝟱/𝟭𝟬)朋友點了一杯抹茶拿鐵 滿到瀉🤣質素略有失望 無乜抹茶味🍵奶味比較重 沒有回甘🤔💡整體嚟講 卷蛋質素冇我想像中咁好食😩咖啡唔錯 環境亦都好chill(˶‾᷄ ⁻̫ ‾᷅˵)亦都冇長長嘅人龍等候 感覺舒適✨✨✨✨✨✨✨✨✨✨✨✨整體味道😋: 6.5/10性價比💵: 7/10 打卡指數😍: 7/10 環境服務🥂: 8/10 推薦指數👍🏻: 6.5/10✄------------------------------✄ 🍴: Oops 📍: 西貢福民路58-72號高富樓地下11號舖🔍: 10:00-18:00(Mon-Fri); 09:30-18:30(Sat-Sun)☟︎ 同地區餐廳#hkhungryfoodie西貢☟︎同類型餐廳 #hkhungryfoodie西式☟︎ 同款式餐廳#hkhungryfoodiecafe…查看更多

Tucked on a Sai Kung side street - this little coffee place serves a few savory bagels, sweet cakes and scones.Unfortunately the store is facing a rather busy road in Sai Kung - the store compensates by an aroma of agarbatti (Indian incense sticks) to help drift you into a relaxing environment.Also on the menu - is an addition of CBD oil in the coffee to help you relax!Seating is rather limited but overall a nice place to sit down for a drink/chat outside of the busy Sai Kung streets.Overall a well rounded black coffee, smoothly flavorful with a hint of bitterness.  Strong but not overbearing.…查看更多