Oliver's Super Sandwiches (東堤灣畔商場)

营业中

休息中

2025年5月落左外賣派對order, 到取order個日無得取，個order完全無準備，白走一躺！全部員工不知所謂！無禮貌，無態度，吾識點處理！ 完全反映全個集團做事方式及態度，等執笠啦！！"

最近super sandwiches 推出了新的餐牌，今天便來試吃一下，我選了燒雞脾+鮮茄濃湯日本青森米套餐，飲品則選了跟餐配送的即磨咖啡。燒雞脾的肉質十分嫩滑可口，而且充滿著濃濃的肉汁，不過鮮茄濃湯的味道便稍後酸了一些，幸好珍珠米的口感相當不錯，為這道菜式挽回一點分數。可惜的是，咖啡可能採用了100%阿拉比卡豆的關係，味道十分苦澀，苦澀程度和黑咖啡沒有任何分別，本人有時都會喝黑咖啡，這種苦澀味當然可以接受，但如果平時不喝黑咖啡的朋友，應該便不太喜歡了。這間餐廳的優勝之處在於環境，它的下午茶的價錢和茶餐廳/快餐店差不多，而且亦不用加一，但環境清靜很多，坐得又舒適。價錢方面，燒雞脾+鮮茄濃湯日本青森米套餐 $59，餐廳不用加一服務費。總結來說，今次的新餐牌味道只是一般，下次我都是吃它經典的炸魚薯條便算了。

今日嘅Lunch Hour，我同班同事去咗東涌既「Oliver's Super Sandwiches」食午餐 東涌呢間分店雖然唔大，但環境舒服，窗景同光線都唔錯，比人感覺輕鬆自在，非常適合上班一族放鬆食個Lunch!店內既裝潢亦簡單舒適，唔會話太過逼，正好可以同幾個同事一齊聚餐，亦可舒舒服服享受一個人靜謐既時光。而且店鋪位置方便交通便利，無論係搭地鐵定搭巴士，都係可以輕鬆到達架~門口位置有收銀員落單，而台面同時亦都有QR Code下單叫野食唔使擔心排隊等位，一次過睇哂有咩嗌，非常適合忙碌的午餐時光~ 今日我就叫咗個「焗芝士雞肉蘑菇扁意粉餐 $58」& 「凍飲 - 凍檸茶 $7」野食一上台，我就被焗到超完美嘅芝士吸引住，焗度剛剛好係完全金黃色個隻！！ 咬落去啖啖芝士滿瀉，作為芝士控真係好幸福呀～而且雞肉又嫩滑，配上微焦嘅蘑菇，味道非常出色，完全無諗過焗得咁出息丶食到咁正既西式焗意粉呀！總結：如果你喺東涌上班，想搵個好地方食午餐，「Oliver's Super Sandwiches」絕對係一個唔錯既好選擇。希望下次再黎又會多幾款新美食，期待更多驚喜比我地

東薈城啲餐廳食到悶悶地，今日嚟到Super sandwich見到有蕃茄烏冬，先至$48即刻入嚟試吓🥳蕃茄雞扒烏冬（$48）呢個正正常常，主要係個價錢比較合理，有一塊中等size嘅雞扒，蕃茄湯底都比較濃，烏冬嘅份量對於一個女仔嚟講算多，最後都整咗少少烏冬未食晒，奶茶好飲，茶底夠濃，又唔會太苦澀。另外仲有半塊多士同埋一個太陽蛋，不過唔明點解淨係比半塊，多士應該都唔係好貴呀🤣為咗呢個價錢，下次可以再嚟幫襯😙

嚟到東涌，想搵間價錢抵食嘅餐廳，建議可以嚟super sandwiches睇睇，有時啲Menu都會推出啲價錢抵食嘅餐廳。今日我就見到有呢個蕃茄湯系列嘅午餐好選擇。我揀咗燒豬扒，煎太陽蛋，蕃茄湯烏冬配多士🥳 揀咗熱檸水，total $49💰大約15分鐘內就有得食，豬扒薄薄地一塊，濃湯都夠蕃茄味，不過味道就比較清淡，我個人要再加少少鹽，可能係我食得比較重口味啲。烏冬嘅份量再加埋煎蛋，一個午餐嚟講都算幾飽幾抵食。下次會再幫襯呢個餐😋

叫咗下午茶蕃茄湯烏冬…….豬扒+煎蛋+多士…….但多士無唔提供牛油…….要牛油就要俾$1/粒……咁大個人第一次係香港餐廳食麵包/多士係唔提供牛油……咁大間公司叫一個餐，一個牛油都唔提供…….另外叫咗個蕃茄雞肉意粉….雞肉好硬而且無味，只係靠個汁先有味….另外叫咖啡如果唔要奶係要額外㩒制……如果只係叫即磨咖啡會俾一杯有奶嘅咖啡…….食物質素麻麻麻麻、如果無任何改善，下次大概唔會再幫襯………………..

平時喺東涌成日食中餐，有時都想食吓啲西餐廳，今日午餐時間決定嚟呢度。平日嘅午餐時間亦唔算太多多人，一般嚟講等5分鐘到好快就有位可以坐。1️⃣黑松露蘑菇忌廉意粉（$64）等咗大概20分鐘就會有機械人送餐上嚟，忌廉意粉熱辣辣好抵讚，忌廉都俾得唔少煮得Creamy，加咗煎香嘅蒜片令成個意粉增加咗蒜香味。不過蘑菇就略嫌口感唔係太好，如果可以將蘑菇在切碎啲就更加好啦。2️⃣燒烤菇芝士熱烘三文治（$74）三文治烘得好香脆，麵包入邊夾住嘅烤菇份量都唔少，平時如果唔係好有胃口想食得輕盈啲，都可以選擇考慮呢個餐，凍檸茶就冰塊比較多，檸檬亦算新鮮。Menu

平日嘅下午茶時間，喺東涌想搵個地方飲杯嘢、坐一坐，食少少輕食。呢個時間Super sandwiches 人唔算多，就入咗去。下午茶都有平啲嘅選擇，叫咗個蔬菜湯通粉+碎蛋酥，包埋飲品 $38。蔬菜湯通粉中規中矩，碎蛋酥個酥餅偏硬身，浸落湯食仲keep到脆口。裡面用機械人送餐，食完離座先有職員收走，飲住杯嘢，可以無壓力坐耐啲，悠閒啲☕️

屋企附近開左間西餐快餐店，平時都係經過，今次落來速食試下佢先。同男朋友嗌左兩個下午茶餐，首先講下我既餐先。見到好耐無見過既酥皮湯，因為係剛剛焗起，平時都係送餐機械人送餐，呢個湯就有餐廳員工親自送到，仲好細心甘嗌我地睇熱。💖個餐亦都跟埋一個迷你三文魚白汁意粉同埋一杯熱奶茶，意粉無過淋，三文魚都有好幾塊，60幾蚊既價錢，我感覺已經好超班。👍👍👍男朋友就嗌左一碟白汁意粉加一杯飲品，見佢清哂，應該好好味吧。🤣送上餐廳外拍到既美景。💖

今日食評✍🏻Supersandwich @東薈城試食指數⭐⭐店舖衛生⭐⭐⭐⭐⭐侍應態度⭐⭐⭐⭐((每項5⭐️為滿分)) ·擴充後的東薈城好大好靚多店舖多食肆我哋冇去幫襯東薈城內食肆帶米豬在廣場噴水池附近放電🐳找到了少人流又乾淨的Supersandwich·晚飯時段好少人反而隔離舖的一粥麵就好多人我哋揀supersandwich 係因為乾淨啱BB一同用餐·我哋點咗三個意粉餐🍝配熱牛奶熱檸茶食物質數係即食文化但勝在夠熱價錢大眾化所以我哋認為冇問題👍🏻·唔知係少去咗定改咗menu定係晚餐時段少選擇冇咗炸魚薯條等食品·全單161·無論大鋪小店我哋都會盡試盡講Follow我哋bw.foodie

今日去咗東涌食晚餐， 去咗supersandwich叫咗一個煙三文魚蜆肉意粉+ 芝士肉醬薯條盛為73蚊 評價 ：意粉非常難食好似喺惠康百佳，買咗一罐白汁醬，就咁倒咗落個意粉上面， 煙三文魚同蜆肉非常之少， 個白汁醬熱到好似成官罐頭到落去 ，但係一啲都唔香又唔滑。好難想像一間專做 三文治意粉嘅餐廳，點解啲分可以咁難食， 好似食咗一樽白汁醬同埋意粉甘 反而個芝士肉醬炸薯條，就正正常常，因為都係新鮮炸起，熱辣辣所以冇乜特別。整體服務環境都唔錯但係個煮意粉嘅真係要改善一下係非常難食 ！

📍Oliver's Super Sandwiches東涌慶東街1號東堤灣畔商場地下16號舖🟠本身東涌都有啲渡假feel，所以去到呢間餐廳都會感覺有點身在外地，好放鬆嘅感覺😅餐廳嘅座位算是舒適的。🐔燒雞甜椒餡餅餐(set)連一杯熱咖啡，個餡餅好一般，塊外皮唔夠脆，肉又唔夠熱，有點叫人失望😓。燒烤菇芝士熱烘三文治(set)連一杯港式伯爵奶茶，個麵包烘得夠熱夠脆，味道不錯😋。☕️伯爵奶茶好濃好濃好濃，濃到無港式奶茶味道，可考慮調較淡一些。🟠餐廳利用智能機械人🤖送餐，好與否見仁見智，但總算跟上時代步伐😊。