Oldish

是日同朋友嚟tea一tea，因为都唔太饿，叫左几样小食同甜品开心share😋店舖好多西式旧摆设，店面细细，一长大长枱喺中间，我地下午三点几黎到，刚好无乜人，可以霸左张枱。整体感受系环境舒适，下次会再试下main dish…查看更多

今日喺上环做完嘢，咁啱友人喺澳门落船返到上环呢边，所以即兴约佢试食呢一间café ✨我哋大约12点15去到呢间餐厅（餐厅营业时间为12点），但系去到嘅时候已经有两枱客人享用紧佢嘅brunch🤤🤤餐厅环境非常舒适，我同友人被安排坐喺餐厅中间嘅位置上。我哋两个打对面坐，虽然张枱嘅距离有啲长，但系坐得好舒适，倾得好开心😀餐厅亦都提供类似bar枱望街景嘅位置，位置同样舒适，如果有下一次，我都希望可以坐到𠮶啲位置上面用餐。店员亦都好贴心咁样为我哋倒咗两杯柠檬水，同时附上餐具。…查看更多

跟住嚟到上环”Oldish”，主要系食佢个超巨型4 cheese burger同传说中嘅tiramisu雪糕。坊间成日都比较唔同嘅tiramisu，呢度嘅特色系用铺满可可粉嘅雪糕再提供热嘅Espresso俾你自己倒落去，好有仪式感！Four cheese burger嘅芝士味浓厚，牛肉味都够，当然价钱会比坊间burger贵少少。最后要讲讲呢个环境，系旧式爵士风，连啲枱都系用旧式木，几有特色。上环，真系越来越多特色咖啡店！…查看更多

话说早两日情人节我约咗女朋友去呢度食饭，咁大家去到𠮶阵有啲误会，所以大家就将所有野拎出黎倾，讲晒双方嘅内心感受出黎啦。但我地一d都冇大声，系正常倾计嘅音量去沟通返，完全冇影响到人间cafe 9:30关门，我地都提早两分钟离开，跟住其他客人都走晒。因为我地未倾完，所以出到去再倾，就行到离间cafe起码一个铺位咁远，系完全离开左间cafe范围但倾左几句，有店员出来搬野，见到我地仲倾紧，一阵之后，突然间由播紧好抒情浪漫歌改播啲分手失恋歌！！！第一首系《好心分手》，仲要播到成条街都听到，真系大声到惊死我地听唔到🌚播完再播第二首分手歌，我地就行去第二条街。D店员洗唔洗咁黑心？自问我地完全冇影佢地所有嘅运作，好明显见到我地唔开心，惊死我地分唔到手，系度落井下石，播埋d分手嘅歌赠兴本来系播浪漫英文情歌嘅cafe，竟然播d分手歌，黑心到冇人有嘅店员，以后唔会再去，仲要野食又一般！（我地心情差到都冇影野食）利申：佢家下仲系我女朋友，冇散到，倾完后感情更加好🫶🏻…查看更多

去咗间Gwee饮完杯嘢后，心思思想食下佢哋嘅汉堡同提拉米苏。店内嘅装潢真系怀旧到不得了，感觉一下子回到旧时光。汉堡送上嚟𠮶刻，真系赏心悦目，只不过忘记影相咗。啱啱好嘅多汁牛肉饼，加埋脆卜卜嘅芝士边，真系哂口水💦，一啲都唔油腻。之前食过另一间嘅汉堡，都有呢个设计，但佢嘅就湿笠笠，油到滴。沙律用咗醋调，吃汉堡薯条并唔觉得负担。至于提拉米苏，味道正宗，唔会过甜，单系意式浓缩咖啡就已经够晒香浓，但似乎佢哋啲甜品出得太急啦，最初两啖仲半冻咁，要等埋啖咖啡都未够温暖。我俾佢放咗一阵，玩下电话，之后就啱啱好👌，如果佢伴吓温，就真系可以俾满分。总括，喺呢度食嘢，感觉就好似自己屋企妹妹整嘅普通家常，但系味道真系出奇唔俗！下次再嚟，我一定记住要影低提拉米苏嘅菜单先。😄…查看更多