影片
以上资料只供参考，请与餐厅确认详情
相关文章
星期日下午去买即炸薯片，个收银哥哥话得返一个味（整好系柜）其他味要等45分钟，我见铺头得2个客，咁我就话照等，买咗避风塘香辣味配汽水餐，同买多2个cookie cone 雪糕食住等。点知出嚟系咁，无咗个cookie cone, 我再睇返个menu 问清楚收银哥哥，点解无咗个 cookie cone, 佢先同我地讲买晒🤦🏻♀️， 我唔明点解个收银哥哥唔系落单时讲声🤦🏻♀️，个雪糕系好浓牛奶味🥛，原本系想连cookie cone 食雪糕，立即失望咗，想走返去前几间铺食返个正常雪糕😒最后个薯片得了20分钟就有，其实佢哋系唔系唔想开炉炸呢？
继续阅读
好钟意食薯片同雪糕嘅我，系地铁站一出嚟就见到哩间Calbee专门店，忍唔住要入去买嚟试下。但可能系我对佢嘅expectation太高，食完之后有啲失望，应该唔会再去第二次☹️.🐽薯片+软雪糕🐽原本以为啲薯片会系即叫即炸，应该好热先啱，点知系冻哂嘅，一食落口原来同普通包装薯片嘅味冇分别，仲要唔脆，味道都好淡😞雪糕都有奶味嘅，但份量就唔够多，唔值哩个价钱。.总括嚟讲系唔系几抵食，唔值卖咁贵，下次如果想食薯片都系会买返包装薯片再买杯雪糕就算🙁
继续阅读
放工谂住食个雪糕庆祝下happy friday，经过利东街呢间卖零食舖头，竟然发现有呢只北海道牛奶雪糕卖，而果日买两件产品有75折，二话不说即买多盒零食一拎到雪糕，即9秒9帮佢打卡，相中见到已经融融地，点知影完相隔一秒，竟然成个跌左落地，但唔系拎唔实而跌，而系个饼皮雪得唔够冻，拎拎下成个碎左，跌左落黎。。。当下既心情真系极无奈，个个客人都望住我，咁大个女真系第一次咁瘀好彩店员帮我清理，同埋换另一杯雪糕比我，心情先好番少少咋！
继续阅读
之前一直都想试下CREMIA雪糕🍦但奈何成45蚊杯有啲贵。上星期行过发现做紧买二送一优惠，姐系平左成15蚊！即刻拉埋同事lunch time去食😋落完order可以系玻璃窗嘅位置睇到雪糕嘅生产过程，店员逐杯逐杯咁整，好有心机。先系雪糕机唧雪糕出黎，然后先再洒上唔同味嘅调味粉，睇到都好吸引.我食左朱古力味，同事食宇治抹茶味，两个都好食，值得推荐俾大家雪糕底系好香浓嘅牛奶味，就咁食原味都应该会好食。朱古力味比较浓味，食落似系可可粉嘅口感，几好。温馨提示，食嘅时候要小心啲粉整污糟件衫，我就中左招同要快啲食，天气热，好快就出现狂滴雪糕嘅情况。
继续阅读
呢间外卖店早前开咗，主要卖雪糕食品，有雪米糍、意大利雪糕同炸雪糕。个舖头装潢都靓，所以好易认得佢个位置👍🏻我试咗一个云尼拿炸雪糕球（$32蚊），虽然唔系平，但系胜在皮脆「糕」嫩，仲有得拉丝！😆最后尖沙咀开咗新分店，仲有免费试食，大家可以撞下彩！
继续阅读