OK辣

紅磡吃宵夜首選，營業到凌晨，夜貓子很喜歡。優點：性價比超高，很實惠。三餸一麵外賣總共49元，滿滿一大碗，配料很豐富。點了雞腎、海帶、雞翼，滷味雞腎和雞翼超足料，海帶是內地風味，切成大塊，紅薯粉多到吃不下。湯底「有料」，正宗的川味麻辣燙，蔥花、香菜、蒜末十分入味，湯底可選麻辣或酸辣，酸辣湯底略帶酸味。缺點：大約夜晚9pm到店點餐，前面排了六七個人，只有一位姐姐在煮麻辣燙，一份一份煮，最後等了半小時才拿到，效率太低。…查看更多

之前曾經係外賣app第一次點過食過小辣，當時覺得味道是正常，辣度也是正常小辣，今次第二次再嗌小辣竟然比上一次超出更加辣！食得有啲辛苦，希望餐廳可以保持水準！今次辣度對小辣黎講係大辣。包裝出現問題外賣送遞期間紅薯粉在上面壓住個蓋，導致有倒瀉湯底辣油情況出現，兩次外賣都係一樣！希望呢一方面可以改善，如果湯底倒瀉，就冇得食喇！建議加個紙皮隔一隔，咁樣不會因為湯底太熱而導致膠變形！總括來講：如果夜晚冇乜選擇又想食辣野就試下啦，味道係OK的但係真係有啲辣，食開小辣要點BB辣！…查看更多

點左一個菜肉餃子$35有8大粒 - 要三啖先食得晒一粒皮唔算太薄，不過餡真係好多有得揀辣度，老闆會加 花椒油、醋、蒜蓉、芫荽、蔥、上湯做湯底 ，雖然係好多油，不過令到湯底更加嘢未 如果喺豬肉餃子度加啲胡椒粉會更加好味⋯⋯值得來試一試…查看更多

-{紅磡宵夜薯粉🍜}依間係紅磡住hall經常食嘅外賣小店🥰相隔咗好年幾終於有得再食🥲🤤三餸麵🤤($42外賣+$1)我嗌左三款餸 勁大碗兼多料薯粉配腩汁~薯粉偏粗身啲嘅勁有咬口🥳而個湯好重蔥 芫荽同蒜味絕對係重口味人士之選🤩食完之後第二日仲有陣蒜味😂跟住又係最推薦嘅餸😛豬腩肉: 勁多嚿不過好睇彩數 有啲真係好肥成嚿腩😂好入味同埋好易咬☺️肥牛: 冇乜肥膏 有牛味 口感啱啱好😚呢個價錢來講算係幾高質嘅肥牛😋豬大腸: 又係份量超級多！豬大腸偏肥但全部都好大嚿😝冇乜異味滷水味好重添😜👖褲評: 8.8/10咁多次嚟食都好高質 但聽過友人講辣度係好飄忽 而且上次order有朋友漏咗個餸😭不過阿姨一腳踢都算係咁🙊一定會再幫襯🥰性價比: 9/10服務: 7/10環境: 8/10🔔小tips: 學生食夠$150會送小食😋有土豆絲同青瓜揀😜🚩OK辣🚩地址: 紅磡蕪湖街58號金達閣地下2號舖…查看更多

差館里及蕪湖街交界有2條小巷，分拆了幾間專做外賣的小店。其中有些小店轉了幾次手，而OK辣已做了幾年，我也吃了多次。這家小店開於川味和米線最熱門之時，當時未有限聚令，理大學生也正常上課。於是，晚上吸引了不少理大學生和街坊吃宵夜。原本這家小店晚上7時多才開門，我也試過7時很想吃但未開門。但因疫情關係，這店中午已開門，對於食客來說是福氣。這店並非賣很多自家製或獨特的配料，而是值得這價錢。價錢在紅磡算合理，配料平凡卻十分足夠。如我這次點了牛栢葉、韮菜和豬紅米線，要了酸辣bb辣。平常我不吃甚至拒絕吃豬紅，這天不知為何很想吃，所以我不懂分豬紅好壞。不過，豬紅有5粒，彈牙而沒有異味。牛栢葉量很多，吃到最後還在底處找到。我叫了酸辣bb辣，辣味被酸味蓋過，酸味並非酸菜的酸，而是醋酸。這種酸令整碗米線的綠色植物變黃，如大量蔥、韮菜和芫茜等。相比下，我較喜歡這家的麻辣味，重口味得來較易入口。OK辣開在這小巷，賣的非什麼驚為天人的麵食，而是便宜量多的食物。這次沒有吃涼拌食物，如涼拌青瓜。不過，他們的涼拌食物份量更大，而且香料多得有點誇張，值得一試。…查看更多

掌管廚房的家人不在香港，頓時變成無飯家庭。既然附近有多種食肆選擇，何不襯機逐間試下？要試OK辣都要看緣份，有2次晚飯時間經過見佢還未開門。本來這晚想試其他的，見佢終於開門了便立刻改去幫襯佢。OK辣位處的巷仔雖然短，但兩旁加埋都有5,6間小店食肆。住附近的最好外賣回家慢慢吃，否則便要在巷仔開張摺枱食，入夜後環境昏暗，衞生情況可能亦欠奉。呢間主要都係車仔麵形式，粉麵餸任選，三餸一麵價錢為38大元。有選擇困難症的我，對住點菜紙起碼5分鐘才選完交給老闆。在我前面已有4,5人在等，全都是外賣。約15分鐘後，我終於拿到我的外賣回家了。回到家一打開我的外賣，媽呀...蔥蒜芫茜味太香了吧﹗喜歡重口味的我，已急不及待要試了。但隨即發覺另一個驚訝位是....這碗粉是不是太大碗了...我買的是金錢肚生根魷魚酥紅薯粉BB辣....金錢肚份量不少...夾起的每啖粉都總會夾到金錢肚，生根嘛....有4個....咦...魷魚酥呢？有是有...但對比起金錢肚的份量，好像不太多。這碗粉真的不是一般大，我總覺得好像有吃不完的紅薯粉，夾極都仲有，而且真的好食..又不會太林......但我已經覺得飽了....怎麼辦？？？而且最精華的湯....混合著濃濃蔥蒜芫茜味的湯...放棄不能啊...最後...我是真的把整碗都食完飲完，那時是晚上8點幾....但...到晚上12點幾我還是覺得好飽............…查看更多

經常有食宵夜既習慣每次經過聞到香味就會忍唔住去買最喜歡就係佢好多芫茜同蒜,十分野味因為有很多麻辣燙麻味不足,但這間很夠麻,而且辣度可自行挑選滿足我不能依太辣但又喜歡麻的人十分推薦大家去支持這家小店…查看更多

我第一次食麻辣燙就係食ok辣，個人覺得無一間麻辣燙好食得過佢，佢個湯底最夠味，辣味同麻嘅感覺都係最正嘅，有大量蔥蒜芫荽，好重口味！平時都係宵夜時間去食，雖然唔係坐得特別舒服，但真係好有風味，自己最中意食佢嘅腩肉同雞翼，用自家滷水去醃，非常入味！另外，想食菜嘅話，推介娃娃菜，中和返d辣味，分量又多，唔怕唔飽。另外想講下佢嘅小食，買夠4碗就會送嘅青瓜同土豆絲都係一絕，好爽口，味道好好！就算住得遠，我都會返去食，因為第二d地方食唔到呢種味！…查看更多

之前返學住宿舍成日落去買黎食好味抵食量多啲餸又大件$38有三餸仲要好食依家真係好難搵！我次次都會叫魚腩 大大舊好厚仲有好多舊出面食就算有魚都係勁薄嘅魚片之前叫過腩肉佢唔係俾出面一片片個啲係俾好似酒樓個啲一舊舊燒腩仔😍然後娃娃菜浸落啲湯到係勁入味🤤佢大大碗 我好多時都食唔晒😂唔係食到太辣叫bbb辣好啦唔係又係辣到傻🔥😂不過間舖係巷仔入面堂食嘅環境就不太好店內只有一兩個位通常會係巷仔開張台俾你夏天會熱死 同埋好黑唔衛生所以最好都係外賣拎走食可以打電話去叫定先😛除左薯粉米線佢都有賣其他小食…查看更多

又到左深宵總是餓嘅時候，同朋友喺凌晨時分突然之間好想食辣野，所以就揸車試試新野，凌晨食麻辣燙。泊低車行左幾步就到，簡單既舖面，簡單既自助寫飛落單方式，之後就坐正係店舖相連既枱面。一眼所見，有部份食材唔係搵批發商中央工場既現成貨，就好似我地今次有叫既腩肉同豬腸都係一直用滷水烹煮，更有自家製水餃，由此可見，自家風味十足等左大約五分鐘，本來無人排隊既店面，突然間就有十幾個人排隊比飛叫野食係依刻我自覺十分幸運，如果遲左黎，可能要等好耐先有得食差不多十分鐘，老闆就端上兩碗麻辣燙，我先試一口湯⋯⋯燙口!!!相當熱既湯內裏係非常濃厚既味道之餘，一D都唔會過咸，而且採用左環保膠碗，唔會好似發泡膠咁，熱湯一淋落去就會有一浸臭膠味出現，值得一讚開始享用時，細心再望過湯底無花椒粒，但係湯底已經夠晒麻，配料都做得好好，自家製既滷水入晒味唔在講，豬潤熟得剛剛好，唔會過熟起粉，仲有小小爽口，火候恰到好處，可惜嘅係自家製水餃放入麻辣燙，所有肉味都搶走晒，甚至乎有冇肉汁都唔知，而今次紅薯粉煮得有小小林身，失去左彈牙口感，相信下次再嚟換老闆娘煮，再將水餃分開上，可能會更加好食…查看更多

救命。。邊打食評邊胃痛話雖如此很好味，正宗川味出色的麻，酸，辣青瓜脆身爽口，可以的話再多一點醋就完美豬耳。。。。很辣很脆很胃痛。。。。下次再挑戰今日。。。先行告退…查看更多

大件又好食又麻又夠辣 唔會好似平時個啲有辣冇麻今次簡左烏冬所以+4蚊餸就簡左肥牛有13件腩肉有6件冬菇有小12件辣度就小辣真系好底食30幾蚊感多餸系邊到搵🤤一定會反黎再幫親💕💕💕…查看更多

轉左開 14:00 搞到無得食，我放 1 點放食晏到 2 點架乍。難得早前收工有時間專程到訪想再試，誰知未開檔？兩點不露，到六點都唔露，搞錯呀，激死我！今日有緣路過，終於食到了！最討厭坐街邊，沙塵滾滾又人來人往，喜見小店內有兩個臉壁位，好過無啦！滷水雞髀，大大隻 $18 蚊抵呀！第 1 啖皮滑膠彈，滷水清新，香料味突出，繼而深入了解。大啖狠狠地扯出雞肉，質地結實硬淨，無味既？無醃齋浸滷水，味道只在雞皮表面，no good。涼拌土豆絲中辣，自問係辣佬無辣不歡，居然中辣都頂唔緊，有料到！格硬食只食到一半乍陰功，冰凍爽口，質感一流，微辣帶酸有孜然粉味，散發一點點微弱麻麻感覺。嘴仔舌頭不辣，但落到胃後熱力隨之運行全身，越食越興合合，額頭汗珠一串串。好食呀，無奈地投降。…查看更多

睇完戲想搵野食，天氣涼涼地，路過見到麻辣燙，之前食過旺角既麻辣妹，覺得幾岩口味，就決定試下呢間ok 辣揀咗四餸配薯粉，bb 辣都唔野小薯粉好入味👍配菜好足料，唔會得幾粒，邊食邊feel 到條脷麻麻既感覺正…查看更多

一直都好想試吓麻辣燙究竟係點嘅 襯今次有時間 就買咗ok辣嘅麻辣燙返去同朋友一齊食🤤佢三十廿蚊（額外加一蚊外賣碗）可以揀三餸一麵再配唔同嘅辣度 都幾抵😋仲要好大碗 我就揀咗最愛嘅米線配小辣 生菜 肥牛同埋自家製水餃 叫完之後就等師傅慢慢煮好🤤拎到返屋企食 一打開個蓋就係撲鼻而來嘅麻辣香味🤤聞到都流哂口水 一食就食到好正嘅麻辣味😍 配米線堅正👍🏻耐何我太高估自己叫咗小辣 一路食一路流汗😅食得唔太辣嘅朋友可以揀返BB辣都得👍🏻佢嘅水餃斷好食 餡料都好夠 值得一叫🤤最愛嘅生菜份量好多😋仲配埋辣油好正不過肥牛就太細塊 食得唔夠過癮 不過整體嚟講都好食👍🏻不過要預咗因爲辣油嘅關係碗食物會油少少 同埋味道都會幾濃…查看更多