影片
港铁西营盘站 C 出口, 步行约3分钟
继续阅读
开饭介绍
主打传统法国菜，设有下午菜套餐、全日早餐、四人套餐等。餐厅环境温馨，适合与伴侣约会，或大型聚餐。
继续阅读
附加资料
Off Town Kitchen, located on High Street in Sai Ying Pun, is a combination of European Restaurant and Bakery. The restaurant offers a European homelike atmosphere, such relaxing ambiance best for fami
营业时间
星期一
全日休息
星期二至日
12:00 - 22:00
公众假期
12:00 - 22:00
公众假期前夕
12:00 - 22:00
以上资料只供参考，请与餐厅确认详情
有关餐厅
相关文章
等咗一年有多，终于嚟到试Off-town Kitchen。之前一系约唔到脚，一系订唔到枱。一场嚟到梗系试5-course menu。洋葱汤，咸淡得宜，保留到洋葱甜味、Parma ham and Pear Salad，配衬嘅果仁系一大亮点、西班牙乳猪，皮脆肉嫩、威灵顿牛柳，不得了，酥皮香脆松化不油腻，带有玫瑰露香气，原来系鹅润嘅加持！牛柳生熟度perfect、拿破仑蛋糕。好高兴食到一间好食、有detail嘅西餐厅，环境确实唔系顶级，但我接受到。满意！期望下次再嚟！贵吗？贵。值吗？超值！
继续阅读
西营盘高街女主厨用心经营小店夜晚去食晚餐叫咗经典嘅 威灵顿牛餐头盘来个pizza 主要系来食依个威灵顿牛柳女主厨十分好客 切开之前 会送嚟俾你睇吓新鲜焗出嚟 诚意满满最后拿破仑作结 系令人满意嘅一餐 ❤️
继续阅读
喺香港地食情人节套餐，好多时都会中伏。2025年又再次唔信邪，去咗西营盘高街去试吓新嘅餐厅。呢间Off Town Kitchen系一间标榜法国农村菜嘅餐厅。去到呢间餐厅，惊讶地发现地方非常浅窄，枱同枱之间嘅空间好少。但系佢哋嘅服务都非常贴心，整咗一个位置俾客人放随身物品。呢个我觉得值得称赞嘅。情人节餐当然就比较贵，今日个Menu价值$888，两个人食差唔多$2000。所以对佢期望都会比较高虽然餐厅环境有啲浅窄，装修亦都麻麻地。环境好似坊间嘅清水楼，连墙纸都未有𠮶种。望一望佢个餐牌，唔系好觉系法国农村菜。反而好似一般嘅西餐。不过希望都系好食嘅。餐厅第一个上咗两块好细好细嘅面包，冇错，只有两块。size就好似一个成年人手掌嘅¼。黎左都唔系好觉 😥我哋试咗两个唔同嘅头盘，第一个系鹅肝。鹅肝煎得香浓香脆，内里保持松软。味道香浓。呢个做得唔错。另一个头盘系虾，唔觉佢有咩特别。虾肉比较结实，但系唔觉系一啲新鲜嘅海虾。似系冰鲜虾。罗勒叶蕃茄汁有少少辣，味道都尚算唔错。但系以咁贵嘅价钱期望可能有少少落差。接住落嚟就系个美式华都夫沙律，味道可以。但系呢个沙律喺屋企都做到。性价比唔高。呢个自家制阔条面味道算唔错，但系本身以为会比较烟靭，点知可能煮得有啲过时，软腍腍。冇咗意大利面应有嘅咬口。神奇嘅系个意大利面一啖系热，下一啖只系常温。唔多似系新鲜煮出嚟。有点失望。终于到咗主角，呢个Wellington混合咗鹅润肠，个味道未必个个人都接受到。但系我自己觉得唔错。酥皮系脆，用美国安格斯牛柳都可以话系唔错。牛扒质地松软，有浓烈嘅肉香。唔会煎过龙。情人节嘅甜品当然一定要有雪糕。拿破仑tiramisu蛋糕都算系一个比较破格嘅甜品。但系本身拿破仑蛋糕嘅脆皮应该系松脆，但系呢一个就变咗硬脆。味道虽然唔错，但系口感差少少。其实总体嚟讲食物嘅质素唔算太好，$888一位呢个价钱我个期望就会高啲。如果呢个套餐系价值$488，都算抵食。情人节嘅餐厅其实好讲气氛，以为法国菜嘅气氛会比较好。点知后面有一台会高谈阔论同大讲粗口嘅中年女人同男人。🤦🏻♂️真系破坏晒气氛。佢哋嘈到我哋坐对面想讲嘢都讲唔到。呢台嘅客人质素简直非常差。嘈到我只想快啲食完快啲走。其实高街好多间唔同嘅餐厅，竞争都好大。下次再去试吓其他餐厅啦。
继续阅读
一间细细的餐厅，目测大约坐16至18人，所以一定要book位啦。节日关系，佢哋只供应圣诞set menu。一睇价钱大家都哗一声，冇谂过这种小店lunch要$900😱 不过食完之后就觉得物有所值，亦能感受到厨师嘅用心。洋葱汤香浓，烧猪髀皮脆肉嫩，威灵顿牛扒牛肉好香腍又唔肥，酥皮仲系脆的。Mussels 个汁好好味😋 最惊喜就系甜品，姜饼人好靓，个酥皮挞好脆又唔油腻👍🏻 值得推介的小店👍🏻
继续阅读
以前都帮衬过呢间小店起码都有六七次了，初初同老公及家人嚟，最近呢一次星期三和两个女朋友嚟，预先订咗mussels; Beef Wellington ; roast pig. 咁我哋准时到啦，发觉原来食Beef Wellington 的话，就一定要叫二人套餐的，要每人$788 +1 ，但系我哋又想食mussels, 又想食佢𠮶个German pasta，同埋又订咗roast pig, 边度会食得晒，只是三个人。所以我哋放弃咗食Beef Wellington了。咁结果mussels, German pasta，roast pig and roast chicken. 3 三个甜品+2 杯tea + 1 杯latte。埋单$2277 ，我哋觉得有啲贵，尤其是个Mussels 差唔多$650+其实价钱比想像中贵，唔系一个大问题。佢啲mussels 特登去买同埋都好新鲜。但系失望嘅就系有以下几点，希望老板娘睇到，可以改进。但系𠮶晚老板娘唔喺度的。1） 佢哋个Menu好唔Flexible，点解beef wellington 唔可以独立叫呢？2） 佢𠮶个Ala carte Menu缩晒水，比以前嘅选择争得远。每样只系得两三样嘢拣，我哋想叫牛扒，伙计又话老板娘喺唔喺度整唔到。真系拗晒头。牛扒咋㖞。所以我哋先拣咗𠮶个Roast Chicken。3) 𠮶个German pasta同以前做法都唔同， pasta冇以前嘅烟靭感，但加咗好多牛肉块喺面度，其实都唔系难食嘅，不过想食以前嘅口味就冇咗，同埋成碟有些少咸。4） 我哋叫咗两杯Camomile tea，来到𠮶个茶杯细到不得了，不但只望上去令到你唔系好想饮𠮶杯茶，其实我哋饮咗两三啖已经饮完。之后我就叫𠮶火记拎一杯滚水嚟再将个茶包放入滚水度再饮。以前我记得我都叫过茶，个杯系大大地好正常的。真系希望老板娘Kobi睇到，可以将间餐厅改善返。𠮶晚得两台啫，食物出得得颇快，伙计都几好招呼的。
继续阅读