noc (翩匯坊)

行入 NOC，成个人自动转静音模式 🧘‍♂️☁️白色枱面 + 简约摆设，好似连个胃都变得文青咗 😌📖今日 brunch 拣咗芝士多士配太阳蛋，简简单单，但真系靓得嚟有 substance 🍳🍞多士烘到微脆，边位有少少焦香，芝士溶得啱啱好，黏黏地但唔漏汁 🧀🔥蛋黄圆滚滚坐中间，一揿开就流心，拌埋芝士食，咸香之中带种静静地嘅满足 🧡跟住嚟杯 iced mocha，唔会太甜，咖啡味够香，饮落好顺口 ☕❄️旁边仲有件迷你月饼，口感扎实，带少少茶香，好有节日感但唔老土 🌕🍵成个气氛就系：慢慢食、静静坐，唔讲嘢都觉得舒服 🪑🌿NOC，系𠮶种你会想一个人嚟、又会想同个静静地嘅人嚟嘅地方 💭💬…查看更多

朝早去咗海翩汇𠮶间NOC，开咗几年，装修简约，冇乜花巧但干净舒服。42蚊一杯Flat White，价钱中规中矩。𠮶阵冇乜人，我坐喺角落位对住棵假树，环境静静地，啱晒打完波抖一抖。咖啡唔酸，奶味唔抢，入口顺滑，唔使加糖都得。打完篮球个人仲有啲热，饮咗一啖即刻醒晒，成个人都清咗。NOC一向稳阵，冇惊喜但唔会失望。最钟意佢个氛围，唔逼人，唔造作，坐低就可以hea一阵，喺将军澳嚟讲算系几舒服嘅选择。将军澳咖啡 #FlatWhite #打完波饮杯啡 #NOC #海翩汇 #静静地hea一阵 ☕🏀🌳…查看更多

Weekend好钟意去noc食沙律，虽然价钱偏贵，但好食又健康。多数会叫慢煮鸡沙律，沙律系超级丰富，首先鸡肉嘅份量好多，而鸡肉又做到好嫩滑，再配上唔同嘅配料有南瓜，仲有无花果，车厘茄等等，超级足料。沙律嘅调味酱汁都非常开胃。系酸酸甜甜𠮶种。牛肉沙律同样都系咁好食，牛肉嘅质素唔错，亦都唔会煮到好干好硬，沙律嘅份量系十分之足，就算男仔食都唔会唔饱。周末食个沙律饮返杯咖啡真系唔错嘅选择！将军澳嘅分店自然光好充足，餐厅灰白色嘅装潢为主，整体感觉舒适，周末中午都要排队。下次会想试吓其他烘焙食物，见有即制即焗嘅pastry.…查看更多

Noc coffee近年来港九新界都有唔少分店纯白设计加上充足自然光 环境感觉舒服 让自己充一充电！有唔少轻食同pastry选择，全部食物都有水准 仲要地点方便，已经encore好多次！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ ▶ ∗︎*ﾟCrab meat & Avocado with Sourdough牛油果切得好靓😍味道正常蟹肉蛋白质地好软滑～带有隐隐藏嘅醋酸味，洒上辣椒粉，好开胃，轻松食晒！酸种面包酸味明显，带韧度但唔会过分拉扯，好好食！▶ ∗︎*ﾟFlat White with Oat Milk转燕麦奶都有靓靓拉花！▶ ∗︎*ﾟBasque Cheese Cake行实净路线唔算好流心，芝士味天然香浓，最钟意食外围焗到焦焦香香嘅部分！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ 光猛嘅纯白环境真系令人好精神！加上每样嘢食同pastry都有水准，系假日Chill一Chill嘅不二之选！…查看更多

今天与同事去食lunch, 点了两杯咖啡，一份三文鱼toast 及一份all day breakfast. 食物质素及环境都不错。但上菜太慢。10分坐下点菜，40分钟才上菜，杯咖啡要50分才冲好(不是手冲那种)。打工仔食饭时间只有一小时，上菜速度如此慢，要有时间才可再光顾。…查看更多