影片
港铁元朗站 F 出口, 步行约12分钟
继续阅读
电话号码
2353 5818
营业时间
星期一至四
12:00 - 22:00
星期五至六
11:30 - 23:00
星期日
11:00 - 22:00
以上资料只供参考，请与餐厅确认详情
食家推介
天气寒冷，为左唔令朋友放假出远门，唯有自己放工去远少少，就下佢食元朗 本身book就位食20:30，早到左半个钟，好彩员工好好人，都肯俾我入去食晚餐 否则就要食西北风做头盘了 门面看似一般餐厅，但系食完以下既野食之后，完全改观。先分享下餐厅既餐牌。花多眼乱，我同朋友都心大心细，唔知食咩好 所以用绝招－－问老板！老板好好人，好用心咁介绍唔周菜色既用料同整造方法，最后我地听取左老板既建议，点左以下既主菜同野饮 1. 龙虾海鲜忌廉浓汤 ($56; 跟餐$28)餐厅每日晏就开始炖呢锅龙虾汤。用料有龙虾、鲜虾、青口等海鲜配料（无味精架），所以鲜甜又浓稠，而且好重龙虾味！呢个汤$28呢讲系十分抵饮！因为佢好足料，喜欢海鲜既人更加系必点选！ 2. 龙虾汁鲜虾带子石锅意大利饭 (跟餐汤及$18饮品, $108)Risotto相信大家都唔陌生，咁龙虾汁Risotto呢？ 汁用左龙虾汁取代一般既奶油、酒、同洋葱；石锅被加热至300度高温上台。我地一边食，高温一边将饭加热，而且不断令龙虾汁收干，令成个饭既质感较干身，每粒饭都吸收左满鲜甜既龙虾味，而非「汁捞汤」既感觉。配料系鲜虾同鱿鱼，令个饭入口时多左弹牙，烟韧既口感，俾满分五分！ 3. 蒜香汁烧西班牙黑毛猪架伴苹果酱 (跟餐汤及$18饮品, $138)呢个main course可以跟饭/意粉/蕃茄栗米沙沙 (+$6)作为爱新鲜感既90后，我地当然系挑战下蕃茄栗米沙沙 由于头先食既野都好足料，令我地都开始有饱肚感，个沙沙既味道正好令我地开番胃！佢带有少少酸，个味有d似泰式生虾刺生跟碟既甜酸酱而呢只黑毛猪伴碟有蒜香烧汁同苹果酱。我先试一块点左苹果酱既黑毛猪，同老板讲既一样！黑毛猪既特点系，就算厚切，肉质都系好淋好易咬口！加上甜甜地既苹果酱，令只黑毛猪更加惹味！蒜香烧汁好香口，但同苹果酱比...我唔直接答大家，事实系我同朋友食完成块黑毛猪后，苹果酱清哂，而烧汁仲系满满的无办法，都系要俾满分五分！4. Tiramisu Chocolate (Ice) ($42)食完野食，当然要饮埋特色饮品先系一餐完满既西餐朱古力的魅力相信唔需要多讲。值得要提既系上面既cheese，餐厅要揼本地加一大球cheese系饮品上，目的系令杯朱古力既质感更幼滑，口感更细致，可以话系一杯「邪恶的朱古力」！5. Tiramisu Affogato (Ice) ($42)Affogato大家系未好少听呢？无错，我都未听过...好彩老板有介绍下佢既来历。佢系一款义大利既甜点，大概系Espresso上面加雪糕咁既样。而老板就想将佢变成一杯野饮，用芝士球取代左雪糕；特别要提一提个冰，大家可能问：冰会有几特别呀？为左令野饮变冻之余又唔令佢变淡，老板唔系用普通既冰，系用Affogato整既冰。饮落去既味道的确饮Espresso，用芝士既甜味代替一般糖水，令杯Tiramisu Affogato唔会太甜，喜欢饮咖啡既朋友应该会欣赏老板既诚意之作无谂过一餐咁完满既西餐，每人都只系百几蚊 （仲平过放题...）大家下次想用平民价钱食高级西餐，都可以黎元朗揾下呢间餐厅
继续阅读
因为一早book 左位，所以唔驶等。今次一家人黎食，本来expect 系间再grand d 既餐厅，有d 失望，不过既然黎到，一于试下喇。难得庆祝生日，所以叫左d 贵d 既招牌菜。我叫左个龙虾汁石锅饭，屋企人叫左黑毛猪拼苹果酱，同埋照烧汁黑毛猪石锅饭。餐汤佢地都有d 讲究，忌廉汤会加左d 牛肝菌上去，罗宋汤 d 味又好浓郁。我个龙虾汁石锅饭冇想像中咁好食，放左一阵d 饭已经索哂d 汁，同埋d 汁个味有d 怪，唔知点咁。石锅一路keep 住d 饭好热，搞到一路想食都唔得，要等d 饭冻番d 先。屋企人个两个黑毛猪系列都好好食。黑毛猪真系今餐比较推介既食物。照烧汁加埋一d 都唔un既黑毛猪食落好好味，成个饭好快就食哂。黑毛猪加蒜香汁同苹果酱个个简直系极品。蒜香汁同juicy 既嫩口黑毛猪超好食，不过呢个都只系平日食西餐既境界。当我试埋苹果酱之后先知道天外有天。原本只有蒜香味既黑毛猪，加左苹果酱之后多左一种新冲击：juicy 嫩口之中再多左一种苹果既清甜，之前真系完全冇试过。我冇谂过食扒都可以用甜既野配搭。如果佢地花多少少心机会舖面装修的话，一定可以将店舖档次提升好多。下次会再黎试其他野食，个黑毛猪真系值得推介，大家黎呢到一定要试！BTW, 呢到d staff 都几贴心，态度都好好，加左唔少印象分
继续阅读
星期五晚，同老豆落楼下食个晚饭，简简单单食个晚餐set，就黎呢间标榜无味精嘅No.1 Kitchen。晚餐加廿六可转龙虾汤虾味十足仲劲多料，有墨鱼仔，带子仔等，鲜甜creamy，唔错㖞。自己点左个E餐，炭烧羊西冷配芥末子汁，再加左$6要蕃茄沙沙。差唔多全熟嘅羊肉但唔韧，好香羊味但唔膻，个人几钟意㖞。唔想食饭同意粉而要左蕃茄沙沙，一个去皮嘅蕃茄，入面让左粟米粒，红椒等，好清甜，食多左蔬果感觉健康啲嘛。老豆要左特别堆介嘅法式香煎鹅肝并美国肉眼扒跟饭，好大块扒呀～鹅肝煎得外脆内软，好好味！肉眼扒肉味浓唔错，老豆系咁话正精品咖啡，老豆要左呢样，好香好浓味～朱古力咖啡，自己点左呢个，朱古力味较浓，调得唔错，仲有自家制曲奇饼。平均百几蚊个人，抵食啦。支持下小店，唔成日帮衬集团了。
继续阅读
闲时也很少过来元朗，但适逢与好友约出来聚一聚的时间，且在朋友极力推介底下，又再一次屈服了。餐厅大字标明主打无味精，虽然对部份注重健康的人来说是一卖点，但对大部份的都市人来说，应该也无特别吸引之处。餐厅卖的是西式晚餐料理，食物价钱合理之余，卖相也很「给力」，可是装潢有点像茶餐厅的感觉。头盘烟三文鱼沙律以烟三文鱼卷成花，铺在沙律菜上，简单而亮丽。沙律菜加了少许黑醋，有开胃之用，而烟三文鱼的咸香则相辅相成，为典型的沙律配搭。龙虾汤颇鲜甜，吃起来绝没有油腻口渴的感觉，而且还有海鲜，虾肉爽口弹牙，用料也算客气。但颜色与一般龙虾汤稍有偏差，而且味道略淡不够浓郁，不知是否不下味精的trade off。大虾龙虾汤意大利饭有数只大虾，虾肉没有过熟，肉质尚算爽口。意大利饭用龙虾汤来煮，味道特别鲜甜，可是质感有点太湿了。味道蛮不错，可是质感仍需改进。烤猪肋骨与传统西式的烤猪肋骨无异，用上烧烤酱烤制，虽味道偏甜，但整体颇为香口惹味。猪肋骨不会太干，仍有不少肉汁，算是做得不错。
继续阅读
是日收工，又约左朋友系元朗食饭，原本其实无乜胃口又无乜意见，朋友就提议左去呢间系区内都有一段时间既餐厅开饭。话就话开左好耐，其实我都系第一次试呢间餐厅，原本以为系一间普通西餐，估唔到都比到惊喜无胃口既我。舖面唔算大，心谂无乜特别，餐厅老板(应该系)见我同朋友望左个MENU一阵都无决定，就望动过黎仲绍下啦。餐厅主打除左西餐之外，仲有几款石锅饭，系介绍底下，我地就ORDER左一个韩酱牛粒石锅饭同一个羊仔扒烧猪肋既双拼，再加左两碗老板话系招牌必试GE龙虾汤。平时出去普通西餐既龙虾汤大都系开粉去煲出黎，其实就无乜味道可言，但呢间餐厅既龙虾汤就不愧系招牌，饮得出真系用龙虾壳去煮出果只味，果种浓郁系开粉绝对做唔到，汤料亦都好足，有青口、墨鱼仔、带子、虾等等，我同朋友饮到一滴都唔剩，胃口番哂黎，仲要唔漏又唔滞，正！至于个双拼就唔算太大惊喜，可能我比较钟意羊有膻味，但双拼果块膻味较淡，适合唔喜欢膻味的人，烧猪肋就唔错，个酱好惹味，都可以一试！去到个韩酱牛粒石锅饭，绝对要比个赞！老板话特别用有少少辣度既韩酱去做个牛粒既酱汁，食落去惹味闻落去又好香，捞匀D饭同饭焦一齐食味道一流，另外个牛粒老板话系用USA PRIME BEEF，就算切左细粒做石锅饭都唔会柴皮干身，呢个可以例为必食之选！最后，老板话餐厅坚持出品唔落味精，食完唔会口渴，好味又健康！后记：两日后由另一个住元朗区GE朋友口中得知，原来呢间餐厅既烧黑毛猪扒都好好味，有机会一定要再试！
继续阅读