36
8
4
港铁铜锣湾站 A 出口, 步行约4分钟
继续阅读
电话号码
23872878
营业时间
今日营业
12:00 - 15:00
18:00 - 22:00
星期一至日
12:00 - 15:00
18:00 - 22:00
*最後落單時間：14:30; 21:15
以上资料只供参考，请与餐厅确认详情
食家推介
Nikushou 銅鑼灣 香港初次到訪，當然想試一下Tasting menu 匠 御膳，但可惜當晚暫停供應，特選和牛八品盛盒（包括：招牌醬燒西冷）將近$700多加一後$800，和牛有部分是澳洲和牛，8片牛肉（每種部位和1片），味道是好吃的，但抵唔抵食就有少少難講🤔，香港好大程度價錢食左晌租金同原材料運費到😩。環境舒適，有無敵的馬場景 ，肉是店員負責晌面前燒，服務質素同火喉控制都很好。肉大多數原汁原味燒，不加其他配料，顧客可以自行加海鹽、芥末、燒汁、檸檬汁，店員都會建議邊一片可以點邊一樣。肉部位分別是牛舌、後腿肉、前腿肉、安格、尾根、肩頸、肋間及西冷。另外單點了半份吉列飛驒牛柳三文治🥪，這是我食過第五份吉列和牛三文治可以進入前2或3，麵包外層脆口中間有少軟軟，等佢似返一個麵包唔係多士，肉有咬感醬汁較清淡。
继续阅读
一行6人去食，酒水淨係叫左兩杯啤酒，之後野食餐廳按排最後收我每人差唔多$3000，燒和牛每人食得個兩到三片，前菜全部一般到同普通居酒屋水平差唔多，有兩三款特別難食！特別係個牛肉他他難食到我自己整都好食過佢先大鑊，咖哩和牛飯同買返黎既即食日本咖哩味道冇咩分別，唔係唔捨得食，但麻煩你收我呢個價俾返啲正成價或好食既野我食丫!重要服務都唔多好！幾個朋友都炸曬型！後來同其他朋友分享番原來有唔少朋友都中過招，已經列入黑名單！
继续阅读
主打使用日本牛的Nikushou，除了牛的質素有保證，服務細仔位都算做得不錯。.當晚準時6點就到，坐到窗口位望到馬場景用餐，感覺很不錯。而且這晚將要趕去看演唱會，心情都特別興奮🤪朋友發板點菜，最後前菜點了份山椒鰻魚，半份飛驒牛柳三文治。兩道菜都很不錯。前者更加是有驚喜，淡淡山椒香配合燒得十分香脆的鰻魚皮，脆口的程度實在令人難忘。至於後者，牛柳肉質亦很滑嫩，麵包的外型不知道是否因為經過一些評論，之後已經改良過，切得十分整齊賣相有改善。整個三文治的口感就是外脆內嫩，個人覺得很好食。可惜這是第一次品嚐牛柳三文治，所以未能與其他比較。另外點選了份特選和牛五品盛合，五款牛肉都好唔同感覺口感。五款分別係：澳洲厚切和牛牛舌神戶牛A5上筋飛驒牛A5鞍下飛驒牛A5肋間肉招牌醬燒西冷 👅 超好食西冷欣賞店員介紹詳盡，仲會介紹配邊款醬汁食最好。因為我們後加了一份牛舌，店員都有再推介另一款醬汁配搭，感覺都好細心。整個用餐體驗都好咁不錯。
继续阅读
和牛三文治🐮🥪|銅鑼灣高層靚景🌆🌃|專人代燒高質靚和牛🤩|肉匠 Nikushou 「打打卡拍低這境界，打打卡百種新生態與趣怪」嚟到銅鑼灣旺區，同友人相約夜晚睇show前想搵間舒服唔迫嘅餐廳食下嘢享受一下週末時光，所以就預約咗依間肉匠Nikushou燒肉，餐廳提供多種唔同產地和牛嘅燒肉，而燒肉更係由專人代燒，餐廳格局似日式居酒屋，枱與枱之間嘅間隔好足夠，唔會令人覺得焗促。-吉列飛驒牛柳三文治(半客) 4.2/5⭐️餐廳嘅招牌之一就係吉列飛驒牛柳三文治，餐廳仲提供半份嚟叫，為左唔想太飽食唔落其他嘢，同友人一人一件試試，三文治有做到烘邊微脆，而飛驒牛柳嘅炸粉上得好薄，入口外脆內軟啖啖肉，牛柳油脂感唔重，肉味濃郁，作為前菜享用好滿足。-鰻魚山椒燒 4.2/5⭐️餐廳另一招牌前菜就係鰻魚山椒燒，上枱細細碟兩件，鰻魚入口外脆內嫩，魚皮燒得非常焦脆，點上少少伴碟嘅山椒醬汁更加惹味，鐘意食鰻魚嘅朋友依道前菜不容錯過。特選和牛五品盛合 4.3/5⭐️厚切澳洲和牛牛 4.3/5⭐️招牌醬燒西冷 4.4/5⭐️一次試哂五種部位嘅和牛，全程都由專人代燒，侍應亦會建議食法及介紹醬料，首先由和牛赤身開始，赤身雪花油脂唔算太多偏瘦，侍應會燒至三至五成熟，入口都食到油花感，而且牛味濃郁。之後慢慢由淡食到濃。其中我地係牛舌控嘅關係再追加單點一次厚切牛舌，雖然依度牛舌由澳洲入口，但係厚切size亦都非常有口感，令人回味。而最後嘅重頭戲就和牛西冷，兩片比手掌更大嘅A5和牛西冷，油花分佈得非常豐滿，侍應燒完之後建議將和牛西冷配上蛋汁伴飯一齊食，和牛西冷入口即溶，油脂感係口腔度爆發，好滿足，食完更令人意猶未盡，非常推薦。–總結: 餐廳提供多種唔同產地和牛，滿足想試勻哂唔同靚和牛燒肉嘅朋友，而且餐廳景觀背山面海，鐘意睇景嘅朋友亦推薦於黃昏同夜晚時間坐窗口位置，但美中不足嘅係餐廳雖然由專人代燒，但為我地燒肉果位侍應態度比較機械式及冷淡，令我同友人係佢燒肉途中略顯尷尬，未能暢所欲言，稍稍扣分。====肉匠 Nikushou (銅鑼灣)📍銅鑼灣耀華街38號Zing! 22樓====
继续阅读
呢間日式燒肉已經食過幾次😳每次去都係一如既往咁多人 要book位但係每次都冇令我失望☺️嗌左個小食 鱈魚干評分：⭐️⭐️⭐️⭐️⭐️脆卜卜作為小食真係好正 好鍾意食我地都係嗌左一個五品 一個七品評分：⭐️⭐️⭐️⭐️⭐️雪花分布平均 一睇已經覺得好好食有staff 幫手燒 一路燒仲一路講解塊肉係咩部位燒完會話你聽點樣食先會食得肉嘅原味真係好juicy 一擺入口啲肉汁豐富咬落去係入口即化 但啲油脂仲留係口到個個感覺係仲有肉汁嘅鮮味係到回味可以睇到肉嘅雪花分布好平均 好靚嘅牛入口即溶 真係用文字都形容唔到咁好食🤣飛驒牛溫泉蛋飯評分：⭐️⭐️⭐️⭐️⭐️呢個又係無敵嘅飯👍🏻飛驒牛配埋啲汁 入口好嫩滑總結呢間燒肉店係服務 環境 食物質素都超級高係會不斷回頭嘅一間店👏🏻👏🏻👏🏻👏🏻👏🏻
继续阅读
您可能会有兴趣的...