影片
港铁上环站 A2 出口, 步行约6分钟
继续阅读
电话号码
59581744
营业时间
今日营业
12:00 - 22:30
星期一至日
12:00 - 22:30
*最后落单时间: 21:30
以上资料只供参考，请与餐厅确认详情
相关文章
NEXT Shikaku🎌拉面店，位于中上环之间，装修清新舒服，店员同厨师会用日文交流，几有气氛👍🏻亦好有画面感，拉面店主要系Bar枱形式坐，望住师傅整拉面👩🏼🍳每个步骤都好有心机，手法精细，热辣辣一整好下1秒就送到你枱面🍜特制牡蛎白汤拉面「koeru」🦪特制即系白汤加咗盛合嘅配料，卖相非常丰富，摆盘好精致、好有心机🫶🏻未食就已经感觉良好，当然要试咗咁出名嘅汤先，浓厚汤底由蚝、豚肉同鸡熬制而成，望落去浓郁厚身，一饮落去，蚝味爆发🤯配埋肉嘅浓厚，非常滋味🤤唔怪得知要配洋葱同埋青柠一片，会为好浓嘅汤带嚟一啲层次同清新👍🏻好出色嘅蚝汤底💟食面时间，面身弯弯地几有咬口，挂汤挂得好犀利😎因为汤都好浓，食落去啲面啖啖都好蚝鲜，好正😆惊人size嘅牡蛎，大大粒，食落好肥美，好重蚝味👍🏻樱木烟熏糖芯蛋，真系有啲烟熏味，流心配埋蚝汤食好好味😋慢煮叉烧，火炙过两面，真正系㶶边叉烧，食落有焦香肥瘦适中，相当唔错😌专做蚝汤拉面嘅地方真系唔多，仲要质素咁好🙌🏻专心做好一件事就系吸引！非常值得支持❤️🔥好想试埋清汤同沾面！😉
继续阅读
今年年头去大阪旅行，上网揾好嘢食嘅时候，揾到一间叫Next Shikaku 专门食蚝汤拉面的餐厅，都有唔少YouTuber 介绍。 当时第一次食蚝清汤拉面，我觉得简直惊为天人，所以5月再去大阪的时候，都有2刷依间拉面店，试埋蚝白汤拉面。难怪每次经过见到都排晒长龙。（以上是日本本店的照片比大家参考）返到香港意外发现原来座银集团引入左Next Shikaku 拉面店，同日本本店一样系主打用蚝熬制汤底。我今次叫左蚝白汤拉面，朋友就叫左蚝沾面，再加溏心蛋share 食。……………………………………………………蚝白汤拉面 ⭐️⭐️⭐️⭐️⭐️汤底有好浓郁嘅蚝味，加咗猪肉同鸡肉熬制，鲜甜美味，配料有一块叉烧、一只蚝、荀、洋葱粒。汤底味道十分接近大阪本店，面质都正常发挥，但系配料分量同质素确实比本店逊色，而且香港版本嘅拉面$148 并唔包溏心蛋嘅。不过，以香港食到嘅蚝汤拉面嚟讲，确实算高品质。牡蛎沾面⭐️⭐️⭐️⭐️⭐️试食左朋友一啖蚝沾面，我觉得个蚝味比蚝白汤拉面更加浓郁鲜甜，面质都好滑好挂汤，同沾面汁好夹！
继续阅读
个个都北上揾食，我就选择喺香港揾食，因为总有种「揾到宝」嘅快感。话说我最近中环歌赋街撞到呢间大阪过江龙，试佢哋嘅牡蛎白汤拉面，仲忍唔住加咗份清酒牡蛎同粒熏蛋。作为一个34岁嘅揾食狂热份子，钟意四围揾好嘢食，食完真系有种难以形容嘅感动，忍唔住同大家分享呢场味觉盛宴。牡蛎白汤：浓到令人心跳加速一摆上枱，牡蛎嘅鲜香同汤头嘅热气已经喺度勾引你嘅灵魂。汤底用日本蚝、猪骨同鸡骨熬成，浓郁到好似俾大海深情拥抱紧咁，入口丝滑，带点咸鲜嘅蚝味，层次丰富得令人唏嘘。面条弹牙，中等粗度，挂汤能力一流，每啖都吸满蚝香，食落好似同海洋嚟咗场浪漫对话。慢煮叉烧系另一个亮点，边缘微微焦香，入口软糯到化开，简直系拉面界嘅暖心存在。我仲加咗份清酒牡蛎 。哇，呢个决定真系要畀自己一个大拇指！𠮶啲蚝肥美多汁，带点清酒嘅甘甜同蚝嘅鲜味完美融合，咬落去系满口嘅海味精华，食完真想再加一份。仲有𠮶粒淡淡嘅烟熏味配上流心蛋黄，creamy到好似喺汤头入面跳舞，好似喺同我讲：「食我啦，人生无憾！」。汤、面、叉烧、清酒蚝同蛋，呢个组合真系一场味觉嘅高潮，食完只想唏嘘：「点解唔系日日有咁嘅拉面食？」店内氛围：简约又chillNEXT Shikaku嘅店面细细，20个位左右，bar枱设计，坐低可以望到师傅喺度精心制作每一碗拉面。店员招呼亲切，简单一句「请慢用」已经够贴心。装修系简约日式风，木系色调加暖光，唔浮夸但好有气氛。不过位有啲窄，食到high嘅时候可能同隔离枱嘅兄弟「亲密」撞吓膊头，但有咁靓嘅拉面同清酒牡蛎喺手，呢啲小事点会计较？总结：一碗值得一试嘅幸福呢碗用心熬制嘅蚝汤，配上肥美嘅清酒牡蛎同creamy熏蛋，简直系味蕾轰炸。如果你都系拉面控，或者钟意试吓鲜味爆棚嘅滋味，NEXT Shikaku真系非试不可。下次我仲想试佢哋嘅沾面，听讲汤头更浓缩，啜面嘅快感应该又系另一场冒险。
继续阅读
突然间口痒想食下拉面，上网睇话呢间性价比都几高，主打拉面。当晚落雨，去到见到都有人排晒队，好受欢迎喔。好彩等左一阵就有位。去到原本6月份重开无加一，餐厅好光猛好有高级感，格局好似omakase甘坐，几有feel。🍜牡蛎白汤$148呢个好特别，最特别系 D面，同平时拉面不同，黄色面条，好弹好有咬口，而汤底超浓。配有一只生蚝、一块叉烧，青柠等。好食👍🥚樱花木烟熏溏心蛋$18真系食到好浓的烟熏味喔，好得意。厨师同waiter都好有礼貌👍会encore！🥢NEXT Shikaku 🌏中环歌赋街11号地舖
继续阅读
喜欢食牡蛎的人士有福了🥰 这家中环新开日本拉面餐厅，主打牡蛎🦪汤底。其秘制汤底采用日本牡蛎和牡蛎油熬制而成，味道鲜甜甘香。我超爱任何海鲜汤底拉面，看过这家店餐牌后，想像汤底以牡蛎熬制应该十分鲜甜，决定一试。确实没有令我失望👍🏻👍🏻 上面时，店员给了我一份蚝粉，说是使汤底更为香甜，锦上添花，虽然不知是否蚝粉提鲜，吃完拉面，我还想把汤喝完呢。😋拉面面质爽弹，有咬劲，蛋香面香扑鼻，形状扁身口感较为特别，我个人喜欢尝试新事物，挺爱吃的。份量挺足的，吃得饱饱的！
继续阅读