Neway Karaoke Box

营业中

休息中

兩個人在Neway邊打邊爐邊唱K，體驗非常不錯。叫左招牌惹味雞鍋，附送刺身拼盤，包括八爪魚、北寄貝、三文魚各三片，還有任食四碟前菜：魚皮、海蜇、雲耳、咖哩角。火鍋配料任叫任食，包括海鮮如海蝦、蟶子、水魷魚、蝦滑、墨魚滑、廣島蠔、脆脘片，肉類則有肥牛、封門柳、豬梅肉、花卷豚肉、羊卷肉。味道方面屬於一般，但以星期三優惠價$209黎講（要另外加一），性價比好高。食物供應至晚上9點，唱K就可以唱到凌晨5點，對得住尼個價錢，適合鐘意邊食邊唱的朋友，享受長時間娛樂。

好耐冇唱K，同朋友食完lunch，打上neway問價錢，記得個陣大概兩點幾，價錢係$159+1/位，包兩杯飲品可以唱到夜晚8點，我地覺得OK就上左去🤟🏻我地兩個人，所以俾左間細房我地，環境都算乾淨既，係廁所會有D味 (可能咁岩個日D客唔舒服啦🤪)。叫飲品個陣發現，原來我地每人其中一杯餐飲可以改order一份下午茶餐！😍 不過記得，下午茶餐要係5pm前落單👍🏻 我地叫左一個腸粉餐同埋日式炒烏冬。唔期望超級好似，但味道都唔錯。腸粉既豉油幾甜，不過咖哩魚蛋好辣🌶️ ；烏冬有D黏同淋，但份量幾大碗。最後因為食唔哂，叫左個外賣盒同膠袋，點知要收$5，係呢個位有D呆左🫨結論🫰有得食有得玩⚡️外賣盒加$5CP值：6.5/10🎡餐廳資料餐廳名稱：Neway Karaoke Box 餐廳地址：觀塘觀塘道414號1亞太中心12&15樓

早一日預約，成人價，平日星期一至五，可早十唱至下午四點，每人99蚊再加一，包主菜及飲品一杯。三人行，唱足六小時，都足夠呀主食選擇都多。焗豬扒飯-熱辣辣送上，火喉夠，汁同洋同飯都好夾，都好味，但豬扒就乾柴UN左少少。呢款有食開，以往其他分店整得好D。點心拼盤-份量好足，珍珠雞，馬拉糕，燒賣，牛肉球各兩粒，朋友說味道幾好。籠仔䒱咸旦飯，來時時都熱，肉餅同蛋皇味道都OK，但好快已放涼唔熱就無咁好味。肉乾又係乾柴左D。下次唔會再點呢款。房間都OK，如果再有間大D房就完美囉。朋友相聚談天説地，唱吓歌鬆一鬆，寫意人生

隨着防疫措施慢慢放寬，今日同幾個好耐冇唱過K嘅朋友一齊嚟到Neway，店員介紹而家有一個Plan係行最低消費，簡單嚟講價錢貴少少但係就可以將所有嘅錢用返黎叫嘢食，咁當然飲品都係要收費啦。我哋一行四人每人要叫280幾蚊食物，飲品$68一杯，另外呢度都有供應一啲120幾蚊嘅一人晚餐，不過就見到餐牌有好多適合分享嘅小炒同小食，特別嘅係佢仲有雞煲同埋部隊鍋呢啲好適合大班人分享嘅食物，咁當然定價會比較貴啦。一個雞煲已經$498🤣 當然係因為呢度係包含咗你嘅人頭消費喺度嘅，咁事實上呢個雞煲其實都算係幾好食，真係拍得住外面賣嘅雞煲，完全擺脫左我以前中學食K lunch既黑暗回憶，食到差唔多店員仲好細心咁樣拎啲暖水入嚟，俾我哋自己加落去就可以煮麵，公仔麵係加咗$10竟然有兩個！實在太大方了😂 飽肚㗎都另外我哋仲叫咗一個炒飯，小食方面叫咗豬頸肉同埋薯條，全部嘢都係熱辣辣上枱，炒飯幾乾身，炸嘢方面亦都有香口嘅感覺👍🏻呢度食物嘅收費閑日同埋假日會有唔同，淨係雞煲已經相差近$100，如果係平日黎唱K嘅話，應該可以食得更加豐富😻

聖誕推出了優惠，$468/兩位自助餐+唱K，唔同出面放題唔洗再加節日附加費，24、25、元旦嗰啲都適用，如果加埋一每位都係$260左右，學生可免加一，我25號聖誕節去了，下午5:00-8:00，但自助餐6:00先開始，自助餐有幾十款嘢食，多款海鮮例如豉油王大蝦、炒蟹、炒蟶子、焗蟹蓋等，而且有刺身同埋生蠔（但係大約七點先開始供應），另外有多款小食前菜、鐵板燒、火鍋等，食物種類唔輸蝕酒店自助餐，食物質素唔可以話好高，但係正常擺得落口，唔會話難食，呢個價錢係聖誕節其他餐廳食個自助餐都唔得，呢度仲要包埋唱K，好抵玩，如果時間可以再長啲就更好

n年冇唱過k, 黎咗觀塘k buffet, dinner time係248 +1.冷盤有4種 parma ham, 煙三文魚，沙律我見到有薯仔沙律，凱撒沙律同埋粟米沙律。佢仲有嗰啲冷盤小食，帶子裙邊同日式調味八爪魚我都試咗，唔錯嘅。 另外圖中仲有白雲鳳爪，但我只係個fd食咗我冇食。海鮮有凍蝦，青口，蜆，泰國凍蝦，仲有長腳蟹。啲長腳蟹睇落呢就比較幼，同埋佢都冇比較剪，唔知點食。 試咗青口同蜆，都係好淡味，不過冇沙嘅。佢仲有即開嘅生蠔每人只可以每次攞一隻，我好夠薑咁試咗，其實係ok嘅，唔係腥嗰種，同埋係大隻嘅。 熱食有北京填鴨係可以即刻包畀你嘅！幾唔錯嘅，同埋我同佢講肚餓畀多啲肉，佢即刻包咗兩片畀我。相中你仲見到我攞咗個章魚小丸子，呢個就唔好食呀，好多粉！另外唔少得嘅係刺身，每人每次只可以攞兩種，相入面嘅以外仲有其他魚，好似希靈魚嗰啲，不過我就冇試。三文魚係厚切夠肥美嘅，另外嗰啲就麻麻地，幾淡味。另外仲有一個燒嘢食嘅corner, 有啲燒牛扒，金菇肥牛，腸仔呀， 雞翼呀，中途仲有間中先出現嘅龍蝦！我自己就出去遲咗攞唔到，但我朋友係有食嘅， 我睇上去賣相就唔差嘅。當然仲有一堆中菜熱食嘅，包括

好耐無食k buffet，然後突然心血來潮去左食。比想像中抵食同好食，學生$173 連加一，k buffet 同包兩杯野飲。K buffet 有好多野食，比以前種類更豐富，質素更好，除左傳統既冷盤同熟食之外，仲有燒牛扒，燒龍蝦（去得太遲食唔到），酥皮湯，燉湯，長腳蟹，生蠔，日式刺身等等豐富美食，仲可以打邊爐，有個鍋仔俾你揀湯底，然後揀嘢食自己煲，甜品方便有yoghurt，有雪糕，有糕點，有蛋糕，有馬卡龍，仲有心太軟，真心不錯

Karaoke Buffet 曾經紅極一時，但仍舊屹立不倒！我相信只要執著食物質素及衞生，一定大把客來！這間位於APM 旁邊 亞太中心，12 樓，開咗唔夠一個月，去的時候於MTR A出口要行落去APM落返觀塘道，要向牛頭角方向的旁邊全新大廈，第一眼比地下三大行等𨋢蛇餅嚇親，好擔心唔知幾多點先上到去目的地，好彩裏面加加埋埋有10部𨋢， 好快就排完！先去房間，大致滿意重點－食物，有一個光線充足的大房，可以取食物，環境乾淨，有專人開生蠔， 我試咗一隻味道OK， 另有牛扒，Pizza，薑醋豬手出人意表入味，沙律吧，酥皮忌廉湯，魚生，煙三文魚，甜品有心太軟，蛋撻，乳酪，榴槤雪條，雀巢雪糕杯！ 我一定推介，晚市6-9:30 最後order! 之後可以繼續唱歌去到10:30！