影片
营业时间
今日营业
09:30 - 06:00
星期一至日
09:30 - 06:00
以上资料只供参考，请与餐厅确认详情
好耐冇唱K，同朋友食完lunch，打上neway问价钱，记得个阵大概两点几，价钱系$159+1/位，包两杯饮品可以唱到夜晚8点，我地觉得OK就上左去🤟🏻我地两个人，所以俾左间细房我地，环境都算干净既，系厕所会有D味 (可能咁岩个日D客唔舒服啦🤪)。叫饮品个阵发现，原来我地每人其中一杯餐饮可以改order一份下午茶餐！😍 不过记得，下午茶餐要系5pm前落单👍🏻 我地叫左一个肠粉餐同埋日式炒乌冬。唔期望超级好似，但味道都唔错。肠粉既豉油几甜，不过咖哩鱼蛋好辣🌶️ ；乌冬有D黏同淋，但份量几大碗。最后因为食唔哂，叫左个外卖盒同胶袋，点知要收$5，系呢个位有D呆左🫨结论🫰有得食有得玩⚡️外卖盒加$5CP值：6.5/10🎡餐厅资料餐厅名称：Neway Karaoke Box 餐厅地址：观塘观塘道414号1亚太中心12&15楼
继续阅读
早一日预约，成人价，平日星期一至五，可早十唱至下午四点，每人99蚊再加一，包主菜及饮品一杯。三人行，唱足六小时，都足够呀主食选择都多。焗猪扒饭-热辣辣送上，火喉够，汁同洋同饭都好夹，都好味，但猪扒就干柴UN左少少。呢款有食开，以往其他分店整得好D。点心拼盘-份量好足，珍珠鸡，马拉糕，烧卖，牛肉球各两粒，朋友说味道几好。笼仔䒱咸旦饭，来时时都热，肉饼同蛋皇味道都OK，但好快已放凉唔热就无咁好味。肉干又系干柴左D。下次唔会再点呢款。房间都OK，如果再有间大D房就完美啰。朋友相聚谈天说地，唱吓歌松一松，写意人生
继续阅读
随着防疫措施慢慢放宽，今日同几个好耐冇唱过K嘅朋友一齐嚟到Neway，店员介绍而家有一个Plan系行最低消费，简单嚟讲价钱贵少少但系就可以将所有嘅钱用返黎叫嘢食，咁当然饮品都系要收费啦。我哋一行四人每人要叫280几蚊食物，饮品$68一杯，另外呢度都有供应一啲120几蚊嘅一人晚餐，不过就见到餐牌有好多适合分享嘅小炒同小食，特别嘅系佢仲有鸡煲同埋部队锅呢啲好适合大班人分享嘅食物，咁当然定价会比较贵啦。一个鸡煲已经$498🤣 当然系因为呢度系包含咗你嘅人头消费喺度嘅，咁事实上呢个鸡煲其实都算系几好食，真系拍得住外面卖嘅鸡煲，完全摆脱左我以前中学食K lunch既黑暗回忆，食到差唔多店员仲好细心咁样拎啲暖水入嚟，俾我哋自己加落去就可以煮面，公仔面系加咗$10竟然有两个！实在太大方了😂 饱肚㗎都另外我哋仲叫咗一个炒饭，小食方面叫咗猪颈肉同埋薯条，全部嘢都系热辣辣上枱，炒饭几干身，炸嘢方面亦都有香口嘅感觉👍🏻呢度食物嘅收费闲日同埋假日会有唔同，净系鸡煲已经相差近$100，如果系平日黎唱K嘅话，应该可以食得更加丰富😻
继续阅读
圣诞推出了优惠，$468/两位自助餐+唱K，唔同出面放题唔洗再加节日附加费，24、25、元旦𠮶啲都适用，如果加埋一每位都系$260左右，学生可免加一，我25号圣诞节去了，下午5:00-8:00，但自助餐6:00先开始，自助餐有几十款嘢食，多款海鲜例如豉油王大虾、炒蟹、炒蛏子、焗蟹盖等，而且有刺身同埋生蚝（但系大约七点先开始供应），另外有多款小食前菜、铁板烧、火锅等，食物种类唔输蚀酒店自助餐，食物质素唔可以话好高，但系正常摆得落口，唔会话难食，呢个价钱系圣诞节其他餐厅食个自助餐都唔得，呢度仲要包埋唱K，好抵玩，如果时间可以再长啲就更好
继续阅读
n年冇唱过k, 黎咗观塘k buffet, dinner time系248 +1.冷盘有4种 parma ham, 烟三文鱼，沙律我见到有薯仔沙律，凯撒沙律同埋粟米沙律。佢仲有𠮶啲冷盘小食，带子裙边同日式调味八爪鱼我都试咗，唔错嘅。 另外图中仲有白云凤爪，但我只系个fd食咗我冇食。海鲜有冻虾，青口，蚬，泰国冻虾，仲有长脚蟹。啲长脚蟹睇落呢就比较幼，同埋佢都冇比较剪，唔知点食。 试咗青口同蚬，都系好淡味，不过冇沙嘅。佢仲有即开嘅生蚝每人只可以每次攞一只，我好够姜咁试咗，其实系ok嘅，唔系腥𠮶种，同埋系大只嘅。 热食有北京填鸭系可以即刻包畀你嘅！几唔错嘅，同埋我同佢讲肚饿畀多啲肉，佢即刻包咗两片畀我。相中你仲见到我攞咗个章鱼小丸子，呢个就唔好食呀，好多粉！另外唔少得嘅系刺身，每人每次只可以攞两种，相入面嘅以外仲有其他鱼，好似希灵鱼𠮶啲，不过我就冇试。三文鱼系厚切够肥美嘅，另外𠮶啲就麻麻地，几淡味。另外仲有一个烧嘢食嘅corner, 有啲烧牛扒，金菇肥牛，肠仔呀， 鸡翼呀，中途仲有间中先出现嘅龙虾！我自己就出去迟咗攞唔到，但我朋友系有食嘅， 我睇上去卖相就唔差嘅。当然仲有一堆中菜热食嘅，包括炒面，炒饭，酸菜鱼，咖哩鱼蛋，猪手，猪脚姜， 炸烧卖，炸蟹钳之类。 仲有就系一人一锅即刻碌好似打边炉咁嘅，佢可以拣嘅食物都有好多啦，乌冬，公仔面，各种丸，菜，豆腐，芋丝etc. 我都有碌咗啲菜同云吞，但滚嘅汤就只有两种拣，一种系喇沙汤，一系牛尾汤。我觉得如果佢可以有多啲汤拣就更好。但佢另一边系有普通汤，罗宋汤同埋一个中式猪骨汤嘅。而且佢时不时有推出嘅item系有炖汤同埋苏皮汤，相中系炖虫草汤，我饮咗都唔错仲有间中推出嘅系有清汤腩同埋灌汤饺，灌汤饺就皮厚咗啲，但都ok啦。 个清汤腩卖相ok, 但我冇只手拎到咁多嘢，再出去就已经冇晒喇。 我反而拎到佢出咗两次嘅心太软，有朱古力味同一个劲多色素嘅紫薯味，我就拣咗正常嘅朱古力味，以唱k嘅质素嚟讲算系咁。佢仲有一个位呢系专系芝士嘅拼盘，有好多种唔同芝士，仲有一啲饼干放喺度配嘅。最后唔少得系水果，除咗相入面嘅哈密瓜同西瓜，佢中途仲有换咗菠萝出嚟嘅。另外呢就系甜品，有一堆macaroon, 好迷你嘅啲芝士饼，蛋卷，蛋糕etc, 我就冇食，而拎咗𠮶啲大牌子嘅 yogurt 同埋呢一个椰汁糕同埋芒果布甸，呢个椰汁糕同芒果布甸都好难食千祈唔好试我见到佢仲有两款味道喺机度可以即刻唧出嚟嘅雪糕，亦都有啲朱古力碎，棉花糖仔可以畀你加落去你唧嘅雪糕度。侧边仲有嘢饮机，有豆浆同埋苹果汁，除咗你本身个餐包左嘅饮品，你都可以出去攞呢啲野饮。overall我觉得佢比我想像中算系多嘢食，同埋都有唔少特色嘢，例如酸菜鱼、生蚝、清汤腩，食物除咗甜品𠮶两个真系觉得好难食，其他以唱k嘅质素我觉得算系几ok
继续阅读