影片
以上资料只供参考，请与餐厅确认详情
招牌菜
之前去过观塘 Neway 有K Lunch觉得抵玩（观塘𠮶间10：00-16：00唱足6个钟，包一个午餐及两杯非酒精饮品）老友回港前一早已话要去唱K找回那些年的回忆，仲话写定歌单，咁就佢方便约去沙田富豪唱K。沙田呢间原来无6个钟咁长时间，只系以人数计，我哋三个人就可以玩三个钟，有啲唔够喉。分别点咗焗猪扒饭同叉烧乌冬，猪扒唔嚡口仲几好味不过个蕃茄酱实在太咸太浓；乌冬正常。附送黄瓜汤同什果啫喱都唔错。发现有些想拣嘅歌星及歌曲都无，有啲失望。
继续阅读
好耐未唱过LUNCH K 见有半日时间就去玩下当练下气 $108包加一叫个茄汁焗猪食下 又好有水准 成碟清哂 又有青红萝卜例汤饮 饭后仲有甜品送 又好多饮品选择 都有其他餐点选择 价钱各有不同 平日无咩人又可以唱到下午三点先交房 服务又好到位 真系好抵玩 自己一个去都好正包哂成间房任唱 得闲有时间真系当食个lunch娱乐下都唔错！其他仲有猪软骨乌冬 扒类 焗石斑饭等都几吸引 黎多几次可以试唔同款 下次多些人去可以试埋夜晚buffet K先
继续阅读
以前细个成日都会过嚟唱K 但每次都系食完野先嚟唱 今次试咗系到食lunch 发现原来neway啲野食几唔错！讲真以前成日都觉得系到食野会中伏 但原来食落系above茶记水准个日系到叫咗个牛排唔会好似食香口胶 啲调味都几好 对我嚟讲都几惊喜 呢个价钱算系咁 仲有碗红汤饮唱唱下k想食野叫呢个完全ok!
继续阅读
有段时间无唱K，旧地重临沙田富豪花园Neway发现抵唱咗好多，下俾5点半唱到凌晨都系人头费$219，6至8月逢星期三仲有半价，晚餐仲要超抵食😮。纽西兰肉眼扒配薯菜 估唔到K房都可以食到咁软腍嘅肉眼扒，肉味又够，配埋烧汁食更加滋味，推荐👍🏻。椒盐猪扒 椒盐够晒香口惹味，主角猪扒亦煮到入晒味，口感同样够软腍。干炒薯仔牛肉 薯仔煮至软硬适中有口感之余唔会入口就散晒，同牛肉一齐炒得干身之余酱汁够入味。沙嗲猪肉串 总共有6串，猪肉本都够肉味同多汁，点埋沙嗲酱更好味。经典咖哩三宝 有鱼蛋、鱿鱼同猪皮，口味偏香辣，越食越过瘾。雪糕凉粉冰、雪糕红豆冰个plan跟两杯饮品，推广优惠可以免费升级特饮，拣咗两杯雪糕特饮，好饮之余够晒透心凉。青苹果爆珠Neway Karaoke Box (沙田)沙田大涌桥路52号富豪花园商场地下28号舖
继续阅读
12-5-2023 (Fri)同老公放假,去完沙田文化博物馆同去医院抽完血后,傍晚就行到嚟呢间Neway,为月尾生日嘅女友人WK唱K兼食晚饭庆生,我哋先嚟到,睇见做o紧每人可以$20.00叫一份特色精选晚餐,我同老公边唱边等WK嚟,佢嚟到,我哋叫嘢饮先.我同老公各要热柠蜜,WK要冻柠七少冰.我杯热柠蜜好甜,太多蜜糖了吧.味道:2.5分之后唱到差唔多时间就拣嘢食,要咗:1. $58.00嘅金沙烟肉鸡粒炒饭呢个有西汤同二选一嘅甜品,我要咗法式焦糖炖蛋.嚟到时,WK话嗅到好香,我睇睇,点解金沙唔系咸蛋黄?食落,重美极味,鸡粒有啲系大件嘅鸡丝,饭系粒粒分明嘅.味道:2.5分 个汤呢?乜老黄瓜汤系西汤咩?我真系唔识嘢.个汤都甜甜地,六饮到啲陈皮味,ok 嘅.味道:2.8分 法式焦糖炖蛋一齐上,我哋食晒啲饭至食佢,喺咁嘅情况下,冻晒之余重出晒水,呢个系正常嘅甜,不过冻咗同有水就真系大大影响.味道:1.5分 就以$20.00要咗:3. 椒盐猪扒有少少辣系正常,都够干身,呢个oK嘅.味道:3.5分2. 榄菜肉碎炒四季豆饭份量好少,呢个有啲咸.至于白饭我食得唔多,但系正常嘅,最后我哋食剩最少半碗饭,因为唔够𩠌吧,职员收嘢旳,我老公问有冇腐乳?味道:2.8分到凌晨,我老公又要叫嘢食,要咗:4. $78.00嘅沙爹牛肉串6串睇见牛肉几厚,食落, 沙爹酱冇味,牛肉冇腌过都算,但味道好差好啲膻味;唯一系口感松软.味道:0.2分5. $42.00嘅五香肉丁出前一丁面老公一个食,我只食一小啖,就系有啲辣.最后要多杯包嘅饮品,今次要冻柠蜜少冰,饮到底都几难饮,似系蜜糖嘅问题.味道:1分价钱:唔计卡拉ok钱,喺食嘢方便一共$239.80.到打烊俾张单我时,我check单,发觉佢哋讲明搭的士嚟入房前俾张的士飞,可以减$27.00,张单亦有呢项,但竟然喺金额喥冇减到.PS: 我哋入去嘅时段收费系$229.00一位.2.5分题外话:其实我之前已嚟过呢间唱过3次K,一次夜晚,两次晏昼,嘢食都ok,但今次就差.
继续阅读