New York Club

营业中

休息中

大坑多嘢食好多人都知，但係呢間低調小店，一來位處大坑比較靜既車房段，二來門面超級低調。 唔係專登留意既話，行過佢門口前面，可能都唔係好留意到佢。一睇好多嘢都有興趣試，可惜一次食唔晒，先揀幾樣下次嚟再繼續。豉油雞，肉質非常嫩滑。 嫩滑嘅程度，係似食緊海南雞，但係同時又有豉油雞既味道。餃子內含大量韭菜，夾埋蝦同肉，食落香口鮮甜。 而餃子皮就屬於中等厚薄類型。新式熱狗，麵包烘到香脆，熱狗腸上面加左醬汁同洋蔥，係一個幾有趣既fusion組合。凍檸多，又係一個好有趣既組合。 首先係青檸梳打加益力多，是之為“原味”。 Menu上睇唔到既，係仲可以加枱上面既 gin。加咗 gin 之後又另一番風味。睇下餐牌同牆上面既相，仲有太多嘢想試。 不過一次食唔晒，下次要約多啲人嚟逐樣試。

見到呢間餐廳好特別🤣 類別又係係上海菜又係泰國菜就黎試下🤣🤣✨咖喱蟶子$168 +蒜蓉包 $22啲蟶子係好肥美鮮甜🤤🤤 蒜蓉包超鬆脆 蒜味濃郁 個咖哩唔係傳統嗰啲泰式咖哩 但個味好香濃 點蒜蓉包都好好食👍🏻✨豬肉生菜包 $76微微辣 我覺得唔夠濃味 個人鍾意啲辣啲酸啲香料味重啲嘅🙈🙈 但男朋友就覺得佢各個味比較平衡✨上海烤麩 $85個烤麩係好似豆卜咁樣嘅質感 仲有冬菇雲耳 索晒啲汁好入味👍🏻👍🏻🍹凍檸多 $28仲可以加Gin 加完之後個益力多味仲出👍🏻👍🏻🍹青檸梳打 $25好refreshing ! 總括嚟講味道都唔錯😋😋 家庭式經營 環境黎講好地道好街坊feel 🤣 味道❤️❤️❤️❤️抵食❤️❤️❤️❤️服務❤️❤️❤️💔環境❤️❤️❤️💔💰晚餐人均～$200（唔使+1）

鋪頭細細，但係食物絕對有質素。叫咗蝦餅，菠蘿炒飯，香茅雞翅同蒜蓉包。全部都好味。就算外賣返到屋企，個蒜蓉包同蝦餅都仲香脆！雖然店鋪細，但食物選擇多。下次要再試其他第二日試埋個蝦膏炒飯，不過偏咸下次試埋佢自家包嘅餃子同獅子頭！

New York Club 📍：大坑書館街24號地舖🚗：天后地鐵B出口 步行9分鐘📞：+852 6530-0288💲：~HKD260/head for dinnerFood quality✔️：新型熱狗、餃子、炒suki、咖哩炒蟹、蝦膏炒飯、凍檸多、紅炆豬手👌🏼：蒜蓉包、新型藍莓芝士蛋糕、蝦餅總結：😋呢間全大坑no.1 不接受任何反駁 雖然明面上係賣上海菜 但大雜燴到泰越菜 海鮮 甚至熱狗🌭都有 小店嚟講包羅萬象到有點離奇 叫咗好多嘢冇伏好食 超推薦😋上海菜主要由老闆媽媽主理 店長主理泰國菜 先有呢間同時售賣泰菜同上海菜餐廳 並非fusion菜餐廳🙂‍↔️😋幫大家試咗好多樣 好難得係全部冇伏好食 仲要有啲驚喜 尤其係熱狗同餃子🥟係必點嘅小食 本身嗰包烘得好脆但最畫龍點睛係酸瓜 好好食 餃子超飽滿粒粒足料 係家嘅味道😋主食一定要試咖哩炒蟹同蝦膏炒飯 勁惹味同出色 建議各位預訂東坡肉 本來預訂咗但老闆唔記得當日賣哂轉咗紅炆豬手 炆得好淋食落係濃濃骨膠原感 炆得好入味👍🏼😋飲品一定要試佢嘅凍檸多 會有一個杯放咗青檸同益力多 梳打水就自己落 另外仲有枝gin睇情況落 落gin好飲好多 🤔非常特別地

家庭式上海X泰國菜，fusion菜有創意又好食，穩陣媽媽級好味🫶🏻・・・・・・・・・・・・・・・・・・・・🌭 新型熱狗 HK$36・味道：烘底包配酸瓜醬熱狗，鹹鹹酸酸咁，又幾夾幾好食喎！・口感：外脆內軟包底，酸瓜醬爽口，脆皮腸，掂。🍳 蠔仔炒蛋 HK$76・味道：好多蠔仔粒，唔腥，炒蛋嫩滑，底下仲有芽菜，惹味好食。・口感：飽滿蠔仔，同蛋比例1：1咁多，yum。🥟 水餃 8粒 HK$40・味道：上海式巨大菜肉餃配醋，家常味～・口感：好大粒XD🥬 豬肉生菜包 HK$76・味道： 就係平時食嘅泰式好西，豬肉粒辣辣地幾惹味，菜都新鮮，想像到嘅好味。・口感：份量幾多～🍛 蝦膏炒飯 HK$65・味道：以為會好鹹，點知係甜甜鹹鹹嘅炒飯，香口，加埋肉鬆，一級棒！・口感：飯粒乾身，粒粒都好飽滿，甜豉油包裹每一粒飯粒，好食。🥦 炒Suki HK$64・味道：其實係冬蔭功湯炒菜，酸辣平衡做得好好，不錯吃～・口感：菜新鮮夾爽口～🍹 蜜糖海底椰 HK$20・味道：冇料的，但飲得出微甜蜜糖同海底椰嘅味，暖胃～・口感：幾潤喉，順口輕身。・・・・・・・・・・・・・・・・・・・・🤰性價比：高～🤰9衝度：9衝～🤰結論：唔

無法歸類嘅一間餐廳主打上海同泰國菜？🤣食左太多野開始失憶LOL推介叫荀殼魚🌟🌟🌟肉好嫩，皮炸到好脆但唔油🤩糖醋骨🌟：唔算好糖醋但肉好腍+個人偏愛豬頸肉蒜蓉包唔建議賽螃蟹：蛋白好老😟你喜冬蔭功蟶子炒suki好多野想叫都無（已經早1日講定）😢最安全就早1個禮拜講定

有人推介，所以今日嚟試吓，六點左右到，即刻有位。凍檸多加Gin $27，未加Gin 冇乜特別，加左Gin 之後，真係完全吾同，好飲。新型熱狗$36，個包烘到脆脆地，酸瓜醬甜甜酸酸，加左芥辣，好味，今餐最好食系佢。水餃8 粒$40，個餡多菜少肉，好有家嘅感覺。燒豬頸肉$62，好香口要趁熱食，但肉質有點難咬，而且份量不多。豬膶生菜包$80，豬膶炒得比較硬身，而且碎濕濕，加上有啲肉碎，都惹味嘅，但係亦都份量比較細。越式春卷金邊湯粉$37，春卷好脆，但個金邊粉湯底完全冇味，真係吾建議叫。埋單$282/2位。

NEW YORK CLUB 地方雖小五藏俱全。以大排檔形式經營，好有地道風味。老闆仲好細心，有幾碟小菜幫我哋以人頭計份量，包保去到每一位朋友仔都食到☺️✧ 凍檸多 $26 🍸原諒小妹妹見識淺薄，真係未飲過青檸溝益力多加梳打水。一開始建議唔好加酒飲，試左原味先。再加埋適量Dry Gin，味道係出奇地夾❗️係必飲之選❗️（偷偷話你知，Dry Gin 係任加㗎🥃）✧ 燻魚 $48 🐟睇落就冇咩特別，食落就知出事，真係好好味。。。🥹 外面小小脆皮帶點蜜糖嘅甜，肉質一啲都唔乾，仲好有魚🐟味添。✧ 燒豬頸肉 $48 🐷可以話係世一豬頸肉，爽口彈牙，香口又惹味😋。再配上自家製泰式酸辣蘸汁，真係好有風味。 如果厚切多少少，咁就真係冇得彈。👍🏻✧ 蝦餅 $42 🦐新鮮炸起嘅蝦餅好燙口，最好等一陣先食😅。外脆內軟，Q彈口感又有鮮味，再配埋甜辣醬一齊食，真係好難抗拒！✧ 生蝦刺身 $72 🦐每隻生蝦都配上一片生蒜頭同小粒辣椒，帶到新鮮同清爽嘅味道。配埋個青汁一齊食，真係好fresh! 係差在啲生菜底唔夠多，用個小盤上更方便。😽✧ 紅燒元蹄 $388 🐷今日重頭戲係呢碟紅。燒。元。蹄‼️食得出師傅真係用咗好多功夫🥹🥹

餐廳名同美國有關，但係食物一啲都冇關係😂原來係食上海同泰國嘢🤓唔好睇落餐廳裝修好簡陋，用上最舊式的摺檯和膠凳，食物真係一流！三個炒飯都非常有鑊氣，飯粒炒到粒粒分明，非常惹味，不過辣椒炒飯唔算辣，下次可以再辣啲☝🏻老闆仲要好好請咗一嚿豬手俾我哋食，真係超入味！下次必定你試吓其他小菜！▪️蝦膏炒飯 $62▪️豬頸肉炒飯 $62▪️香葉肉碎辣椒炒飯 $62♡好味指數 🌕🌕🌕🌗🌑✔︎性價比🌕🌕🌕🌗🌑✔︎環境服務🌕🌕🌑🌑🌑✔︎打卡指數🌕🌕🌑🌑🌑✔︎推介指數🌕🌕🌕🌗🌑✔︎回頭指數 🌕🌕🌕🌗🌑

每一次嚟到大坑嘅呢間小店，就會感到非常親切。老闆平易近人、和藹可親，招待客人不遺餘力，食物質素非常高，價錢亦相當實惠，每次都有重賓至如歸嘅感覺，當中亦不失人情味及屋企食飯嘅溫暖。你可以跟着Menu點菜，亦可以叫老闆推介你當日嘅菜式，人手不是非常足夠，卻是捧着飽暖的肚子離開，滿足的是人生溫暖以及家常小菜。個人會特別推薦上海料理，每一道上海料理也非常傳統，做出來的味道是剛剛好，不多也不少，我最喜愛的是糖醋排骨，水煮牛肉的味道也是香辣可口，配料更是吃得非常起勁！蒜蓉包及熱狗也是這裏的招牌菜式，相信曾經來過的人再回來也會點完再點，當中的滋味肯定是來過的便更清楚✨🫶🏻

老闆好好人多年來再踏足一次大坑搵食，今次食lunch，嚟倒lee間完全唔起眼嘅食店。雖然裝修簡陋，但食物出名夠鑊氣。一坐低，老闆俾個餐牌選擇。見餐牌上有幾款打左⭐⭐ 以為係出名啦，點知老闆話係印刷時印刷相商幫佢加上去，佢都唔清楚🤣🤣🤣 因為lunch 關係，我地都係叫幾個炒飯香辣肉碎炒飯 + 豬頸肉炒飯 + 蝦醬炒飯3款炒飯同一色tone，睇得出係用豉油炒，幾香口，可惜香辣肉碎唔夠辣， 豬頸肉無乜特別， 只係個蝦醬炒飯比較出色lunch 飯送野飲 $62 都幾抵食老闆仲特意送咗兩嚿豬手畀我哋試佢話呢度豬手最出名，下次夜晚嚟一定試

呢間係一間好神奇既存在，有無諗過一間餐廳可以同時有上海菜，泰菜仲有西餐，地痞路線得嚟深得街坊既心～仲要價錢超級實惠！不得了店主一家人走家庭式經營但完全唔會 hea, 一嚟會介紹今日有啲乜 special 海鮮，去嗰日有花甲又有扇貝，雖然價錢好抵得兩個人就唯有割愛叫一樣啦🥴 貝貝勁大隻又厚肉蒸得啱啱好，加埋啲粉絲一流！蠔仔煎蛋有鑊氣，蠔仔雖小但鮮美混合濕潤既蛋同埋伴碟既芽菜～好食NY Club 既炒 suki 都係每次必食，將雜菜加雞蛋入粉絲同埋酸辣醬一起濕炒，非常惹味完全唔覺得齋生蝦正常口味，夠爽身。幾鍾意佢個汁有啲薄荷(I think)嘅味道，比平時嘅味道再清新啲上海菜叫咗水餃，實的的很足料，肉菜比例好，我醜醜但我很温柔咁，真係有住家 feel ，個皮唔係薄但呢款先似正宗嘅上海家常菜 feel 😂 上海d媽媽整嘅皮仲厚過佢哋綜括：又平又抵食

New York Club是大坑書局街的一間簡陋餐廳，沒有華麗裝修，用上最舊式的摺檯膠櫈，但卻是一眾街坊的心水之選。多年前一直都多次到訪這間餐廳，直至疫情爆發，今日再訪已經是3年後，餐牌沒有變，食物水準亦一如已往，最開心見到婆婆仍然身體健康，在店舖幫手招呼客人🙂今晚二人行食飯，點了泰式生蝦，豬潤生菜包，獅子頭，胡椒炒蟹。泰式生蝦有4大隻，新鮮爽口，配上生蒜，沾上辣汁，正正正！豬膶生菜包喺店內名物，餐牌上寫着需要預早預訂，好彩我哋早到還可以點，晚一點都會售罄。特別一提，佢係用咗糯米磨粒一齊炒，令到口感豐富，亦都係正宗嘅泰式做法。豬膶炒得剛剛好，配上爽脆嘅生菜非常好味。獅子頭係婆婆嘅上海拿手小菜，一咬下去，肉汁爆出，口感軟滑，比起外間嘅上海店舖出色得多。主角胡椒炒蟹分量十足，用大鐵盆上菜非常有風味。比起肉蟹，這道菜嘅配料先係主角，一串串嘅青胡椒配上炸蒜紅蔥頭粒，非常惹味。師傅特別提醒我哋要將配料打包返屋企，加入牛肉再返炒又係一道風味十足嘅家常小菜。最後不得不提去店舖嘅特別服務 - 每張枱上都放有枝Gordon’s Dry Gin，我哋點咗椰青溝了大概一蓋子Gin，非常好飲，大家嚟到一定要試

住咗大坑咁耐，竟然冇介紹過呢間小店，一開始聽New York-club呢個，一定會認為一啲格局好高嘅餐廳，但係完全相反，完全係一間好噏耷餐廳，但係入邊食嘅嘢完全係非你所想，基本上係同紐約冇關係嘅，佢哋最出名嘅就係元蹄，基本都係要幾日之前預訂，開party一流。順水題外話介紹一下。嗰日食咗個好出名嘅黃薑炒飯，拼豬頸肉。豬頸肉都燒得好Juice，無過火嘅情況，另外再加多個香葉肉碎炒飯，炒得好入味，佢哋最出色嘅就係粒粒米都分得開，啲飯底好靚好干身，係其中一間最出色嘅炒飯呀。大家嚟到大坑唔可以錯過！

唔好以為叫 NY Club 就等於食西餐，呢度有好多好味嘅中菜，佢哋嘅黃薑飯真係一流，入秋食暖笠笠🙌🏻 大坑街坊一定識去食！🍖燒豬頸肉（$48）正常發揮，邊邊有啲脆，入口唔乾，個汁幾有泰國風味🍚黃薑飯（$30）推介👍🏻 完全冇平時食薑好辣嘅感覺，每一啖都有黃薑味同埋油香，鹹鹹哋，有一條條薑絲，增加爽脆口感，相信大家一試便會愛上😍🌿香葉肉碎辣椒炒飯（$60）同平時泰國餐廳食嘅有少少唔一樣，似係生抽老抽+蠔油糖炒飯，但鑊氣十足，食到香葉味道；炒飯唔會太濕，每一粒都沾到醬汁😌 可以！