影片
当日系复活节假期最后1日，行过俾座地易拉架吸引咗，图片系杯上有炸鸡，杯中有冻饮😍。店内只有一位男店员，尚算勤力，当日店舖冇乜客，反而隔离茶饮店排长龙。我同朋友order咗2份小食杯，选择芝士炸鸡配芒果Milky Soda、甜辣炸鸡配蜜桃乌龙茶，等咗10零分钟，可以取啦，但发现饮品冇冰，我询问店员，佢回答店内没有冰块，当日气温接近廿几三十度，饮品有冰会好啲，佢都非常好，即刻过隔离茶饮店借冰粒，片刻后佢拎住装满冰粒嘅杯回来，真系好服务👍🏻，冻饮感觉即刻唔同晒，本身饮品偏甜，加冰后好饮好多。至于炸鸡味道，两款炸鸡皮脆肉敕，芝士炸鸡的芝士粉及芝士酱好好味，又香又甜，而甜辣炸鸡嘅酱汁调教得好惹味，仲落有粒粒芝麻，加添口感，虽然系叫甜辣炸鸡，但唔觉有辣味，好啱我唔食得太辣嘅人。小食杯内有3件炸鸡配冻饮，价钱每份$68。觉得有少少贵，但可以接受而且好好味。原来旺角朗豪坊有分店，供应放题，好想揾日去试吓🤭😋😋😋。Remarks ： 图片饮品唔满嘅系冇冰状态，另一幅饮品已加咗冰满咗😂🤣
继续阅读